Alternativa e gazetarit është paanëshmëria
Published in Recensione
on 30 - 11 - 2015 Author: Ferikan Iljazi
[Recension: Mini-partitë nuk po ofrojnë alternativa, por urrejtje ndërshqiptare!]
Për ti dhënë një lajmi peshë, duhet vendosur më shumë argumente dhe fakte në pah. Autori i këtij teksti ka tentuar që të defokusojë opinionin duke ofenduar partitë e tjera të cilat, si duket, personalisht nuk i mbështet, në të njëjtin stil sikurse komunikatat partiake. Kjo praktikë është e papranueshme në gazetari, dhe kështu me automatizëm, autori e ka ulur edhe vlerën e lajmit.
Linku deri te artikulli origjinal: Mini-partitë nuk po ofrojnë alternativa, por urrejtje ndërshqiptare!
Data dhe koha e publikimit: 18/11/2015
Data e recensionit: 24/11/2015
Recensuese: Ferikan Iljazi
Autori gjoja se komenton një debat të zhvilluar në Tv21 por në tekst nuk ka asgjë nga debati. Fillimisht autori hyn në tekst me degradime ndaj partive më të vogla që i cilëson si inferiore dhe flet se në debat “nuk ka pasur debat” por nuk ka nxjerrë në pah asnjë citat, ose nuk ka shkëputur asnjë video që do ta mbështesë atë që e pohon autori. Edhe pse vendosja e videos apo citateve, nuk e amniston atë nga fakti se ka komentuar. Gjithë konstruksionet e fjalive në tekst janë mjaft konfuze.
Të pavetëdijshme për parëndësinë e tyre në mesin e popullatës shqiptare të Maqedonisë, ato duke etiketuar partitë parlamentare, BDI dhe PDSH, dëshirojnë të përfitojnë ndonjë pikëz të vogël politike, transmeton Aktuale.mk.
Gazetari është thirrur edhe në emër të analistëve të cilët i ka grupuar në një vend, por nuk ka vendosur asnjë deklaratë prej këtyre analistëve që gjoja se kanë analizuar gjuhën e partive politike.
Por, analistët në veçanti kanë vërejtur gjuhën jopolitike, dhe madje-madje edhe me tone të nxitjes së urrejtjes ndërshqiptare, që përdori njëri nga pretendentët për t’u bërë opozitar, duke i quajtur disa herë partitë parlamentare shqiptare si “parti shqipfolëse”.
Gjeneralizimi i autorit shihet edhe tek ky paragraf në vazhdim, kur ai thotë:
“Një tjetër element që ra në sy gjatë këtij debati, ishte mungesa totale e ideve dhe ofrimit të alternativave politike nga këto pesë parti të vogla, të cilat krijonin përshtypjen se ende janë në formim e sipër. Të gjitha analizat, sikurse edhe përvojat e deritashme me parti të tilla, kanë treguar se roli i tyre është jashtëzakonisht negativ për shoqërinë shqiptare, meqë të njëjtat nuk i ofrojnë asgjë kësaj shoqërie, përveç përçarjes dhe humbjes së peshës së votës shqiptare”
Autori ia jep vetes të drejtën të bëhet analist, parti politike, dhe gazetarë në të njëjtën kohë. Por praktika e tillë nuk është e lejuar në gazetarinë profesionale. Që ky lajm të kishte më shumë kredibilitet, është dashur që të nxirren deklarata prej të gjithë partive pjesëmarrëse në debat që kanë konfrontuar qëndrimet e tyre në mënyrë të rregullt, dhe t’i jepej kuptim që lexuesi që jetë gjykuesi më i mirë. Për më tepër, gazetari duhet gjithmonë ta ketë parasysh se lexuesit nuk i përcjellin të gjitha ngjarjet me syrin dhe vëmendjen e gazetarit, apo ndodh që të mos e kenë përcjellur fare. Prandaj çdo tekst duhet të përmbajë informata të mjaftueshme dhe të qarta që do të tregojnë ngjarjet para dhe pas debatit në këtë rast, dhe të spjegohet detajisht se në cilat raste është vërejtur “inferioriteti” i partive politike që nuk janë në pushtet.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
jorelevante,
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
kopje të plotë
nuk është theksuar autori
TITLE QUALITY
dezinformon
jokreativ
josenzancionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nxit për përdorimin e dhunës
diskriminon
diskriminim politik,
EDITED FOR THE WEB
mesatarisht i lexueshëm
nuk ka elemente multimediale
ka linke kontekstuale
pjesërisht i rregulluar në aspekt stilistik
i palidhur me tag-e