Anshmëria nuk e mbështet gazetarinë, por e rreshton në propagandë
Published in Recensione
on 25 - 07 - 2016 Author: Fatlume Dervishi[Recension: “Ahmeti nuk i jep mbështetje Erdoganit, rreshtohet në krah të Gylenit”]
Është e thjeshtë të vërehet një shkrim tendencioz. Shpeshherë për shkak të asaj se përmbajtja e tij e përgënjeshtron ose nuk e vërteton aspak titullin. Teksti që recenzojmë është i tillë. Përmbajtja nuk sjell argumente të fuqishme për të mbajtur që të mos bjerë në ujë pretendimi në titull.
Linku deri te artikulli origjinal: “Ahmeti nuk i jep mbështetje Erdoganit, rreshtohet në krah të Gylenit”
Data e publikimit: 20.07.2016
Data e recensionit: 25.07.2016
Recensues: Fatlume Dervishi
Lideri i BDI-së Ali Ahmeti nuk paska reaguar për tentimin për grushtshtet në Turqi, të ndodhur ditë më parë. Kjo është vënë re prej disa mediave, e një pjesë e tyre kanë vendosur që për këtë ta sulmojnë Ahmetin për mosreagimin e tij. Si e para, kjo nuk mban, sepse lind pyetja – sa është e udhës që të pyetet BDI se pse nuk ka reaguar lidhur me këtë ndodhi? Ngjarjet në Turqi nuk kishin lidhje me Maqedoninë, nuk kishin lidhje me votuesit e Maqedonisë, nuk ishin të implikuar shqiptarë që jetojnë në Turqi dhe, tek e fundit, Ahmeti nuk është as president, homolog i Erdoganit, as ministër për punë të jashtme, e as ndonjë faktor i tipit lider i ndonjë fuqie botërore, për ta thënë publikisht se cilës pale i jep mbështetje. Ai ndoshta edhe mund të prononcohej me qëndrim, për këtë për t’u bërë pjesë e “grupit” të mbështetësve ose kundërshtarëve të Erdoganit dhe mënyrës me të cilën u adresua grushtshteti, sidomos duke pasur parasysh interesimin e qytetarëve shqiptarë për ngjarjet në Turqi, por asgjë nuk e obligon as formalisht e as moralisht për këtë.
“Derisa edhe vetë presidenti i Maqedonisë, Gjorgji Ivanov e mbështeti presidentin Erdogan në këto zhvillime, deri më tani nuk ka pasur asnjë reagim BDI e as nga lideri i saj, gjë që çon të dyshosh në vërtetësinë e akuzave që bëhen në adresë të partisë emri i së cilës kohëve të fundit ka filluar të rimohet/ndërlidhet me Rusinë. Apo, mbase BDI është në anën e puçistëve, përkatësisht “gylenistëve”.”
Mirëpo, sipas këtij teksti duket se nuk është kështu. Kjo mungesë reagimi i interpretohet lexuesit si tregues për “ndërlidhjen” e partisë së Ahmetit me Rusinë. Ose, skenari tjetër i mundshëm, sipas përmbajtjes, është anshmëria e Ahmetit pro “gylenistëve” (një pjese të opozitarëve në Turqi). Për të mos treguar anshmëri dhe për të qenë më e kuptueshme për lexuesit, në sfond është dashur të sqarohet se pse “rreshtimi” i supozuar i Ahmetit me Gylenin do të ishte një gjë negative, ashtu si interpretohet në këtë përmbajtje. Tendencë vërehet edhe në përzgjedhjen e fotografisë për ilustrim të Gylenit, ku ai shihet duke fjetur. Para se të hedhë akuza të këtilla, sidomos në përfshirjen e Rusisë në storje, autori do të ishte mirë të kontaktonte BDI-në dhe liderin e saj, të paktën të largonte dyshimet fillimisht nga vetja dhe për të plotësuar tekstin, që në këtë rast nuk është lajm, sepse me këto mangësi ai nuk i përmbush standartet profesionale të caktuara me Kodin Etik të Gazetarëve të Maqedonisë.
- Provimi i të dhënave dhe saktësia janë imperativ moral i gazetarësisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura.
- Gazetari duhet të sigurojë “palën e dytë”, respektivisht t’u jep mundësi të dy palëve të interesuara të produktit gazetaresk ta shprehin qëndrimin e tyre. Kjo edhe më tepër vie në shprehje kur gazetari shpreh dyshime ose akuza ose kur dikush është objekt i sulmit apo kritikës.
- Nëse gazetari vlerëson se informacioni i paprovuar është me interes publik, është i obliguar ta publikojë, por duke saktësuar se bëhet fjalë për informacion të pakonfirmuar.
Teksti origjinal është i portalit sakte.net dhe mban titullin që është dyfish më tendencioz – “Strukturat e Fethulla Gylenit në Maqedoni e mbështesin tërësisht Ali Ahmetin dhe BDI-në”. Me përjashtim të titullit, teksti është marrë i plotë nga sakte.net dhe është cituar burimi.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
asnje burim
asnjera pale
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
kopje të pjesshme
është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e