Asgjë nga lajmi, vetëm përfytyrime
Published in Recensione
on 18 - 05 - 2016 Author: Agron Vrangalla
[Recension:Protesta përfundon para kohe përshkak Tensioneve mes aktivistëve të Besës]
Mjaftojnë disa rreshta për të kuptuar amatorizmin e një pjese të përmbajtjeve në mediat e Internetit. Kohëve të fundit është shtuar numri i atyre që pretendojnë të bëjnë gazetari në ueb, por pa përfshirë edhe pjesën e njohurive paraprake për profesionin të gazetarisë dhe respektimin e rregullave etike dhe profesionale.
Linku për te artikulli origjinal: Protesta përfundon para kohe përshkak Tensioneve mes aktivistëve të Besës
Data dhe koha e publikimit: 09.05.2016
Data e recensionit: 13.05.2016
Recensues: Agron Vrangalla
Kjo përmbajtje tregon se me sa “sportivitet” dikush e merr këtë profesion, që vërtetë ka peshë dhe rëndësi të madhe. Për fat të keq, ky fakt keqpërdoret shumë lehtë nga individë të cektuar. Ta zëmë, i gjithë teksti i gjoja “lajmit”, është një “gjetje” apo një trillim i personit që e ka shkruar atë. Gabimi del sheshit që në titull. Të gjithë ata gazetarë që ishin në atë protestë, e asnjëri prej tyre nuk theksoi se protesta ka pasur probleme të tilla. Përkundrazi, protesta mbaroi sipas planit të organizatorëve të kësaj proteste, sepse dhjetëra media e gazetarë ishin aty, dhe ishin të informuar për planin dhe marshutën e protestës. Disa media informuan për mosmarrëveshje mes partive opozitare shqiptare, mirëpo larg asaj se ka pasur tensione që kanë shkaktuar përfundimin e protestës para kohe.
Vërehet qartë se teksti është tendencioz. Ai merret me atë se kujt i është dhënë fjala e kush është injoruar në ato fjalime. Tamam duket sikur autori i lajmit ka biseduar paraprakisht me organizatorët dhe e di si kush duhej e kush nuk duhej të fliste. Përtej kësaj, teksti në fjalë nuk ka asgjë që lidhet me ndonjë rregull gazetaresk. As burime konkrete ose bashkëbisedues nga palët e përfshira, as citime, as referime, as parafraza, asgjë. Edhe po të ishte ndonjë pjesë e tezave të shtruara në tekst e vërtetë, pesha e saj humbet në ketë tekst subjektiv, i cili pretendon të jetë informativ. Madje fjalia e fundit e tekstit është tejet thumbuese kur thuhet që protesta e 9 majit përfundoi shpejt sepse “Revolucioni i Larmë” i priste që protestuesit të kthehen në protestën e tyre. Këtu bëhet fjalë për një kulturë të të shprehurit që nuk është adekuate për përmbajtje informative, e për më tepër, as lloji dhe doza e humorit apo ironisë nuk përkojnë e as e adresojnë realitetin. Ky është denoncim klasik i pabazuar në asnjë argument.
Në kodin etik të gazetarëve thuhet:
“Gazetari do të ruajë reputacionin dhe dinjitetin e profesionit të tij, do të nxisë solidaritetin e ndërsjellë dhe pluralizmin e mendimeve dhe nuk do ta përdorë median e tij për të qëruar hesaspet me individë, duke inkuadruar edhe kolegët e tij.”
Çdo manipulim, shpifje apo shfryrje mllefi, është e papranueshme në profesionin tonë. Sa më të pakujdesshëm të tregohemi karshi publikut, aq më pak do të jetë respekti i tyre ndaj nesh.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
informata të fshehura
BIAS
jo
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i rregulluar në aspekt stilistik
i palidhur me tag-e