verifikimiifakteve.mksitemap
verifikimiifakteve.mksitemap

BDI-ja nuk është prind dhe tutor i përjetshëm

on 26 - 04 - 2016       

[Recension: Memedin e “Besës”, e punëson BDI e specializon BDI. E tani…?!]

Një pjesë e portaleve elektronike, pikërisht para zgjedhjeve dhe pas amullive të fundit, po luajnë rol destruktiv në kurriz të gazetarisë. Këtë gjithnjë e më tepër po e bëjnë në emër të medias, por nën urdhër të ndonjë subjekti. Mënyra e veprimit zakonisht është: Atë që se bën dot partia, e bën kuzhina e saj (në këtë rast portali). Kjo qasje e portaleve është thikë me dy tehe. Nga njëra anë ka tendencë për zgjerim të “atraktivitetit” në sy te lexuesve, e nga ana tjetër, përdoret për sulm, hakmarrje apo nënvlerësim të ndonjë individi. Po në këtë mënyrë është shkruar edhe ky artikull. “Viktima” e radhës e portalit në fjalë është një person, i cili me të drejtat e tij, bindjet dhe perceptimet mbështet një kauzë dhe koncept politik.

Ajo që neve na bie në sy është qasja tërësisht joprofesionale gjatë shkrimit të këtij artikulli. I gjithë teksti shpreh një tendencë që ka për qëllim diskreditimin e një figure. Mes rreshtave, vërehet qartë se portali mund të mos ketë asgjë personale me të, mirëpo, urdhëri për të nënvlerësuar dikë, nuk është urdhër për gjë tjetër, përpos për të bërë një shkrim “gazetaresk” dhe gjoja për të shpalosur hipokrizinë e personit në fjalë.

Në edicionin special të televizionit “Shenja” mysafir special ka qenë Rexhep Memedi, anëtar i kryesisë së Lëvizjes “Besa”, ndryshe me profesion mjek.  Ai ka thënë se kryesia e “Besës” ka marrë vendim që të përkrah çdo aksion që ka për qëllim siç pohon “të luftoj të keqen, që sipas tij ka një emër e ai është pushteti VMRO-BDI”. Madje, Memedi sonte ka qenë i pranishëm edhe në protestat e organizuara, kundër vendimit të Gjorge Ivanovit për abolimin e politikanëve, bashkë me shefat e tij nga kjo Lëvizje.

Memedin e “Besës” screenshotLinku deri te artikulli origjinal: “Memedin e “Besës”, e punëson BDI e specializon BDI. E tani…?!”
Data dhe koha e publikimit: 19.04.2016
Data e recensionit: 20.04.2016
Recensues: Adrian Kerimi

Nuk ka mjaftuar një biografi e Memedit, ndërsa portali ka vendosur që në mënyrë virtuale, përmes përmbajtjes, të nxisë debat me të. Shkrimi përmban elemente komentimi, pa deklarata, është i njëanshëm, diskriminues e tendencioz. Kur thuhet se BDI e ka punësuar dhe i njëjti ka specializuar në kohën e BDI-së, autori, me ose pa dashje, para publikut BDI-në e paraqet si një grup mafioz dhe nëntokë, në rrjetin e së cilës mund të hysh por asnjëherë të dalësh. Mbase do të ishte profesionale dhe etike, e mbi të gjitha njerëzore, që autori të pyeste në BDI për arsyet e largimit të Memedit nga ky subjekt, dhe sigurisht, ta pyesë edhe vetë personin e apostrofuar.

Marrim vesh se Memedi është punësuar në kohën e BDI-së dhe i specializuar po në kohën e BDI-së dhe “kur humb garën që të bëhet kandidat te BDI për kryetar komune (duke iu rritur ambiciet), ai pështyn në sofrën që ka ngrënë”! Atëherë, shtrohet pyetja se në cilat libra të fesë apo kanunit mësohet kjo hipokrizi?!

Gazetari duhet të ketë parasysh të drejtën e një individi të ketë bindjet personale. Nuk është gazetari dhe as redaksia, palë e cila thumbon një person ose grup interesi, së paku jo në rubrikën e lajmeve apo të përmbajtjeve informative. E njëjta vlen edhe për prodhim të përmbajtjeve në kontekst pozitiv për ndonjëp individ apo subjekt. Nuk mund që redaksia të propagandojë me mish e me shpirt për një subjekt, pëderisa deklarohet si portal informativ që ushtron gazetari profesionale dhe informon në mënyrë jo selektive dhe jo të njëanshme.

Autori thirret në burimë anonime, duke thënë se “marrim vesh”. Kolegu i nderuar duhet të kuptojë që personi i apostrofuar nuk e ka për borxh të mbështesë përjetë BDI-në dhe se i njëjti nuk është i obliguar të ngrijë aktivitetet shoqërore e tij pas largimit nga BDI.

Gazetarët duhet të jenë promovues dhe mbrojtës të fjalës së lirë dhe bindjeve të individit. Në vend që të jenë propagandues të një funksionimi autokratik, roli i gazetarit është të jetë konstruktiv, jo emocional dhe i balancuar.

Për të finalizuar çështjen profesionale: Autori nuk e sjell asnjë fakt, provë e as dëshmi të vetme në dispozicion për lexuesit, e që do të vërtetonte se personi në fjalë është punësuar nga BDI! Për të kaluar çdo hipokrizi (gazetareske), autori sulmon edhe familjarisht personin, duke e pyetur se në cilin libër të fesë ose cilin kanun mësohet hipokrizia. Këtu autori në mënyrë skajshmërisht joprofesionale prek çështjen familjare dhe atë intime që lidhet me besimin e individit.

 


Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

infoVistinitostTRUTHFULNESS

nuk ka fakte

pohimet jo të sakta

deklarata jo të vërteta

infoVistinitostSOURCES OF INFORMATION

nuk ka burime të evidentuara

nuk mund të përcaktohet

një palë

infoVistinitostEXTENSIVENESS

jogjithëpërfshirës

informata të fshehura

infoVistinitostBIAS

:

ka shtrembërim të së vërtetës (spin)

Nuk përjashtohet

mban anën e një pale

anshmëri politike

infoVistinitostCOMMENTING

ka elemente të komentimit

të ndara nga faktet

infoVistinitostPLAGIARISM

nuk mund të përcaktohet

nuk është theksuar autori, nuk është theksuar burimi

infoVistinitostTITLE QUALITY

nuk informon

jokreativ

senzacionalist

joadekuat

tendencioz

infoVistinitostPHOTOGRAPH

ka

joadekuate

as manipulon as informon - është vënë vetëm si ilustrim

nuk është theksuar autori (burimi)

infoVistinitostHATE SPEECH

gjuhë ofenduese

nuk ka gjuhë të urrejtjes

nuk nxit për përdorimin e dhunës

diskriminon

diskriminim politik,

infoVistinitostEDITED FOR THE WEB

mesatarisht i lexueshëm

elemente jokualitative multimediale

nuk ka linke kontekstuale

pjesërisht i rregulluar në aspekt stilistik

i palidhur me tag-e

Abonohuni për lajmet më të reja