Dëshmitë flasin më shumë se gazetari!
Published in Recensione
on 29 - 03 - 2016 Author: Adrian Kerimi
[Recension: Priten drunjët në Çair, BDI “harton” ndërtesa]
Gazetari duhet të shkruajë lajmin sikur është duke informuar veten e tij. Nuk do të kishte gjasa teorike dhe praktike që gazetari të bënte një artikull për të informuar veten, në mungesë të fakteve dhe dëshmive në lidhje me atë që shkruan. Atëherë, kur nuk mund t’ia bëjmë vetes një gjë të tillë, pse duhet që një qasje të tillë ta ushtrojmë ndaj qytetarëve, kinse për t’i informuar ata?!
Teksti që po recensojmë, duke akuzuar shumë dhe duke mos dëshmuar akuzat e tij, na thotë se pemët në Çair të Shkupit janë duke u prerë me qëllim që disa funksionarë të BDI-së të ndërtojnë ndërtesa banimi! Për një akuzë të tillë pa bazë, gazetari rrezikon procedim gjyqësor. Nëse për atë që thotë nuk ka dëshmi dhe fakte që vërtetojnë lexuesin se vlen dhe pi ujë ajo që thotë gazetari, ku mbetet përgjegjësia për këto qëndrime, të cilat më tepër mbajnë anë personale se sa profesionale.
Funksionarët e BDI-së në Çair që në mëngjes sot kanë filluar prerjen e drunjëve në rrugën “Kemal Sejfulla” pasi të njejtët pengojnë ndërtesat që këto funksionarë po ndërtojnë, raporton Fakte.
Linku deri te artikulli origjinal: “Priten drunjët në Çair, BDI “harton” ndërtesa”
Data dhe koha e publikimit: 26.03.2016
Data e recensionit: 26.03.2016
Recensues: Adrian Kerimi
Autori duke cituar vetëm një burim, i cili në fakt është vetëm informacion, ka hartuar një tekst të tillë. Qytetarët e revoltuar nuk duken (paraqiten) askund në tekst. Sa mund të jetë autentike kjo që thotë gazetari?!
“Nevoja për shpejtësi asnjëherë nuk guxon të rrezikojë saktësinë, kredibilitetin dhe profesionalizimin e kontributit”.
Gazetari është i obliguar që gjithnjë të sigurojë edhe palën e dytë. Nëse në këtë artikull qytetarët janë paraqitur si të revoltuar në tekst, ka edhe një arsye më tepër, përveç asaj që u tha më lart, për të kërkuar qëndrim nga zyrtarët e BDI-se, e sidomos nga organet kompetente të Komunës së Çairit.
Qytetarë të revoltuar kanë shkruajtur në redaksinë tonë dhe kanë dërguar fotografi nga akti i prerjes së drunjëve.
Nëse ajo që thuhet në tekst dëshmohet përmes fakteve dhe dokumenteve, të cilat do të japin provë se banesat që do të ndërtohen do t’u takojnë zyrtarëve të BDI-së, atëherë sfondi i cili pason në paragrafin në vijim, do të ishte informacioni shtesë më adekuat për një artikull si ky. Madje, për të qenë përgjegjës dhe profesional deri në fund para lexuesve, ky artikull do të kategorizohej në kategorinë e artikujve hulumtues.
Problemi me ndërtesat e jashtëligjshme të funksionarëve të BDI-së në Çsir dëgjihet edhe në bisedat e publikuara mes Nikolla Gruevskit dhe Ali Ahmetit ku ky i fundit u del në mbrojtje bashkëpartiakëve të tij./FAKTE.Net
Aplikative dhe profesionale është që derisa flitet për një bisedë telefonike të publikuar, si ajo mes Nikolla Gruevskit dhe Ali Ahmetit, e njëjta të linkohet, me qëllim që lexuesi, i cili është kurioz të dijë se për çfarë flitet në të vërtetë, të mund më lehtë të arrijë deri tek ajo bisedë.
INFOGRAPHIC
TRUTHFULNESS
nuk ka fakte
Nuk janë publikuar fakte!
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare, anonime
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
Me kaq sa thuhet, jo!
Nuk përjashtohet
Nuk përjashtohet
është i njëanshëm
anshmëri tjetër
COMMENTING
ka elemente të komentimit
të ndara nga faktet
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
josenzancionalist
adekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente kualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e