Detyrim i gazetarit është e vërteta, jo hutimi i opinionit
Published in Recensione
on 19 - 01 - 2017 Author: Xhenis SulimaniNgjarjet politike me shumë të panjohura që janë të ndjeshme e njëkohësisht në interes të publikut, duhet trajtuar me kujdes të veçantë. Çdo informacion shtesë mbi ngjarjen duhet të verifikohet në më shumë se dy burime të pavarur njëri prej tjetrit, para se të raportohet në media. Nuk duhet të harrohet detyrimi i gazetarit, e ky është që të synohet e vërteta. E vërteta duhet të jetë e qartë, e jo plot huti.
Linku deri te artikulli origjinal: “Analizë: Astrit Dehari u vra sepse i dinte ata që tradhtuan Grupin e Kumanovës”
Data dhe koha e publikimit: 12.12.2016
Data e recensionit: 19.01.2017
Recensues: Xhenis Sulimani
Teksti që po recensojmë tenton të transmetojë një informacion në lidhje me rastin “Kumanova”, por i njëjti ka burim një faqe në facebook. Kjo është një tregues se informacioni mund të mos jetë relevant, sepse nuk e dimë kush qëndron pas faqes që ka shpërndarë lajmin. Gabimi gazetaresk është bërë në momentin kur informacioni është marrë nga burimi irrelevant.
Mirë, kjo edhe mund të falet nëse botimi në Facebook merret si një indicie apo nismë për një lajm i cili duhet të dëshmohet me burime pak më relevante. Por, pastaj, gabimi është dyfishuar, kur në përmbajtje shohim se nuk është tentuar të kërkohen burime tjera për informacionin në fjalë, para se ai të përcillet i tillë siç është.
“A ishte Astrit Dehari,dëshmitari i gjallë jashtë burgjeve,ai i cili dinte me emër dhe mbiemër, tradhëtin dhe tradhëtaret, simbas të gjitha analizave del se po. A u munduan që ta mbyllin,tradhëtin duke shkëputur rrathët,edhe kjo del më së e vertet,andaj del se Astrit Dehari, ka ditur aq shum,dhe ka pasur aq shum argumente,sa do të deskriditohen,shumica e bandes së mafio-kriminale,në Gadishullin Ilirik, me kët kjo bandë, tentoi ta mbyllë, tradhëtin dhe të kqijat që i bëren, në vazhden e eliminimit të figurave markante të Kombit”.
“Analiza” e faqes “Zëri i Kombit” në Facebook, vë në zhinxhir ngjarje pas ngjarjes, të cilat sipas shkrimit të cituar kanë lidhshmëri njëra me tjetrën, por e gjitha shkon në formë të komentit dhe askund nuk paraqet argumente dhe burime, me të cilat ky prononcim do të fitonte në relevancë.
Nisur nga fakti se llogari në Facebook mund të hap kushdo, gazetari nuk guxon të përcjellë lajm nga një tekst plotë dyshime dhe kryekëput koment. Autori i tekstit në Facebook ka nxjerr shumë të panjohura, prandaj teksti ka mundur të jetë një pikënisje për ndonjë hulumtim gazetaresk, por jo për t’u përcjellë ashtu, kryekëput. Për arsye se, misioni i gazetarisë është zbardhja e të panjohurave për rastet që në opinion krijojnë huti dhe pyetje, e jo përcjellja, ose edhe më keq, theksimi i hutisë në opinion.
Në tekst është humbur ajo të cilën gjithmonë e kërkojnë gazetarët – e vërteta.
INFOGRAPHIC
TRUTHFULNESS
nuk ka fakte
pohimet jo të sakta
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
jorelevante,
nuk mund të përcaktohet
një palë
EXTENSIVENESS
jogjithëpërfshirës
:
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri komerciale, anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
informon
kreativ
senzacionalist
adekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
HATE SPEECH
nuk ka gjuhë ofenduese
nuk ka gjuhë të urrejtjes
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e