Edhe narracioni i përrallave ka rregulla, e lëre më ai i lajmeve
Published in Recensione
on 21 - 10 - 2016 Author: Agron Vrangalla[Recension: “Aleati i Ziadin Selës – Vesel Memedi në mesin e Ali Ahmetit dhe BDI-së (FOTO)”]
“Nëse më gënjen një herë, faji është i yti, nëse më gënjen dy herë, faji është i imi”. Pothuajse askush më nuk beson në përrallat me mbretër, të cilat shumë medie i shndërrojnë në lajme. Edhe përrallat kanë një lloj narracioni të standardizuar, janë të ngritura mbi bazën e disa rregullave të rrëfimit. Andaj edhe jo çdo rrëfenjë mund të konsiderohet përrallë, sikurse jo çdo përmbajtje që botohet në media, për fat të keq, nuk mund të konsiderohet si lajm.
Linku për te artikulli origjinal: Aleati i Ziadin Selës – Vesel Memedi në mesin e Ali Ahmetit dhe BDI-së (FOTO)
Data dhe koha e publikimit: 14.10.2016
Data e recensionit: 16.10.2016
Recensues: Agron Vrangalla
Mjafton vetëm të shikohet lajmi, jo të lexohet. Ka një inkoherencë të jashtëzakonshme. Janë nxjerrë nja dy foto nga një ceremoni në UT dhe të njëjtat janë interpretuar si ka dashur vetë autori. E, interpretimi i fotografive do shumë mendjehollësi dhe argumentim të mirëfilltë, duhet ditur koha kur është shkrepur fotoja, konteksti i saj, veprimtaria e aktorëve në foto, arsyeja e prezencës së tyre në atë ambient, dhe një sërë komponentësh që do t’i japin kompetencën një gazetari për të interpretuar një fotografi e caktuar.
Në tekst thuhet se të gjithë anëtarët e strukturës udhëheqëse të RDK-së e pranojnë Fadil Zendelin për kryetar kundrejt Vesel Memedit, i cili, sipas autorit, nuk gëzon asnjë lloj legjitimiteti për të qenë kryetar, përpos forcës së vulës që ka ai. Kjo është pak komplekse dhe tejet e guximshme për t’u thënë. Ndoshta ky guxim edhe mund të merret në koment apo kolumne, mirëpo assesi jo në lajm.
Më pas thuhet se Ziadin Sela nga LR-PDSH mban afër vetes Vesel Memedin. Një mënyrë e gabuar e të shprehurit për një gazetar në zhanr informativ. Sepse, mund të jetë e kundërta, që Memedi të mbajë afër vetes Selën. Kjo ishte për batutë, sa për të treguar se si shprehje nuk qëndron në lajm. Ose, pjesa tjetër kur thuhet se Memedi është paraqitur në mesin e funksionarëve të lartë të BDI-së. Këtu, po të pranojmë këtë logjikë, del se autori mbivlerëson BDI-në, sepse të gjithë të tjerët që janë prezent në këtë eveniment e që nuk janë pjesë e strukturave të BDI, sipas autorit del se janë përkrah funksionarëve të BDI-së. Pra, BDI-ja qenka në mes, e të gjithë të tjerët rrotullohen rreth saj. Pak a shumë si puna e sistemit diellor, me BDI-në në mes si dielli që shndrit planetët. As ky konstatim nuk është i saktë, ose nëse është i saktë, së paku nuk është argumentuar fare brenda rregullave të lajmit.
Më pas, kalohet në një stad të ri dhe akoma më të fuqishëm të komentimit, duke thënë se zërat lart e poshtë thonë se për t’ia ruajtur vulën e kryetarit Vesel Memedit ka pasur intervenim nga ana e Ali Ahmetit. Pa argumente e dëshmi, kjo është një gjë që nuk del nga eforte investigative, por më tepër nga efortet spekulative, gjë që e konstaton edhe vetë autori sepse thirret në “disa spekulime mediatike”.
Në fund të përmbajtjes jepet një konstatim se Ahmeti dhe Memedi po kalojnë çaste të lumtura pranë njëri-tjetrit. Do thoni – mos bëhet fjalë për tekstin e këngës Love Story të Taylor Swift? Jo të nderuar, është tekst i një lajmi, seriozisht. I një lajmi, i cili ka huqur tërësisht qasjen serioze të cilën duhet ta ketë patjetër.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
informata të fshehura
BIAS
plotësisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nxit për përdorimin e dhunës
diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i rregulluar në aspekt stilistik
i palidhur me tag-e