FAKTE, ku janë faktet?!
Published in Recensione
on 10 - 05 - 2016 Author: Adrian Kerimi[Recension: SKANDAL: Ali Ahmeti ka urdhëruar vendimin e gjykatës “Pro” Vesel Memedit?]
Akuzat, edhe pse nuk i takon gazetarit që t’i bëjë ndaj një apo disa personave, janë inkuadruar në tekstin që po recensojmë. Një lajm i këtij modeli, në mungesë të fakteve, ka bazë të trajtohet si shpifje. Ndoshta ajo që thuhet në artikull mund të jetë e vërtetë, por kjo nuk dëshmohet në përmbatjen e tij. Nëse autori ka informacion për një skandal si ky, kjo duhet vërtetuar me dëshmi relevante edhe pse në një rast si ky është tepër e vështirë.
Kryetari i shkarkuar i RDK-së Vesel Memedi sot ka publikuar Vendimin e Gjykatës së Tetovës sipas të cilit Vendimi i Kuvendit Qëndror të kësaj partie me të cilin u shkarkua Vesel Memedi prej pozitës së Kryetarit dhe në vend të tij u zgjodh Fadil Zendeli, raporton Fakte…..
Redaksia thirret në atë që ka mësuar, ndërsa brenda tekstit nuk ka asnjë dëshmi të vëtme, qoftë provë materiale apo edhe deklaratë anonime për të dëshmuar atë që vetë e thotë. Si ka menduar se do të besojë publiku në një informacion të tillë të pa dëshmuar dhe pa konfirmuar? Një veprim i tillë mund të konsiderohet si shkelje e integritetit të protagonistëve.
Nëse fakte.net ka mësuar se Ali Ahmeti ka intervenuar që Vesel Memedi të fitojë procesin gjyqësor, atëherë ku janë faktet?! Një informacion i tillë, përveç asaj që përmendëm më sipër, është edhe sulm ndaj Gjykatës dhe gjyqtarit që ka ndarë drejtësinë në këtë rast.
Nëse autori ka një informacion të tillë, atëherë lajmi nuk është se Vesel Memedi ka fituar gjyqin, por si e ka fituar. Këtu është i nevojshëm prononcimi i vetë personave të apostrofuar, i personit Ali Ahmeti, i Gjykatës dhe i gjyqëtarit që ka proceduar këtë lëndë.
Mirëpo Fakte.net sot mësoi se për këtë vendim të çuditshëm të Gjykatës tetovare ka intervenuar vetë Kryetari i BDI-së Ali Ahmeti nëpërmjet Ministrit të drejtësisë. Ahmeti dhe Veseli janë parë mbrëmë të ulur së bashku dhe duke kaluar çaste të lumtura në rektoratin e Universitetit të Tetovës, gjatë një evenimenti.
Linku deri te artikulli origjinal: “SKANDAL: Ali Ahmeti ka urdhëruar vendimin e gjykatës “Pro” Vesel Memedit?”
Data dhe koha e publikimit: 05.05.2016
Data e recensionit: 06.05.2016
Recensues: Adrian Kerimi
Fakti që janë parë bashkë dy persona, pranë njëri-tjetrit, nuk aludon vetëm në atë që e thotë gazetari. Mbase takimi mund të ketë qenë jashta bindjeve partiake. Edhe vetë autori e pranon se ‘takimi’ ka ndodhur në rektoratin e Universitetit të Tetovës në një eveniment të tij.
Ndryshe, si pasojë e qëndrimeve të prera të Vesel Memedit kundër bashkëpunimit opozitarë shqiptarë, organet e kësaj partie shkarkuan njëzëri të njejtin dhe emëruan Fadil Zendelin. Pas kësaj, ish kryetari refuzoi të dorëzonte vulat e partisë ndërkohë që vazhdoi me intensitet të shtuar të paraqitet në përcjellje të kryetarit të LR-PDSH-së Zijadin Sela, me përjashtim të rastit të djeshëm kur ishte në shoqëri të Ali Ahmeit./FAKTE.Net
Arsyeja e lajmit është çështje që tangon apo prek më shumë palë. Siç vërehet, në tekst janë përmendur edhe disa emra të tjerë, e posaçërisht kryetari aktual i RDK-së, qëndrimi i të cilit është më se i nevojshëm, sidomos pas këtij vendimi të Gjykatës dhe pas informacionit se Ali Ahmeti mund të ketë ndikuar që Vesel Memedi të fitojë rastin. Ajo që është dashur të bëhet në këtë rast, bazuar në parimet e gazetarisë profesionale, është të merren qëndrimet i palëve të përfshira në tekst. Mungesa e tyre, e bën përmbajtjen të njëanshme dhe tendencioze.
INFOGRAPHIC
TRUTHFULNESS
nuk ka fakte
Nuk janë dëshmuar
:
SOURCES OF INFORMATION
nuk ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
Mungojnë elemente
Tentohet
:
mban anën e një pale
anshmëri politike, anshmëri komerciale
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
dezinformon
jokreativ
josenzancionalist
joadekuat
tendencioz
PHOTOGRAPH
ka
Jo adekuate për "Skandalin"
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e