Fotografi e shtrembëruar
Published in Recensione
on 21 - 01 - 2016 Author: Владимир Мирчески[Recension: Negociata të pasuksesshme: Zaevi e lëshoi mbledhjen në panik, Han garanton zgjedhje demokratike]
Recensojmë një tekst spinues ku është shtrembëruar krejtësisht situata reale. Në të ka të pavërtetë, spin, anshmëri, gjuhë ofenduese, ndërsa në një pjesë e vërteta është zëvendësuar me koment.
Linku deri te artikulli origjinal: Negociata të pasuksesshme: Zaevi e lëshoi mbledhjen në panik, Han garanton zgjedhje demokratike
Data dhe koha e publikimit: 16.01.2016, 17:58
Data e recensionit: 19.01.2016
Recensues: Vlladimir Mirçeski
E PAVËRTETË, SPIN, ANSHMËRI…
Të shkojmë me radhë.
- E pavërtetë!
“Pasi partia në pushte përmbushi GJITHÇKA PËR TË CILËN ISHTE ARRITUR MARRËVESHJE…”
Dëshmia:
“Marrëveshja e Përzhinos edhe më tutje është në funksion dhe duhet të realizohet në tërësi. Për fat të keq, gjatë kësaj, akoma ka shtyrje të konsiderueshme në shumë fusha”, thuhet në komunikatën e Аmbasadës së RF të Gjermanisë.
“Duhet të kryhet edhe shumë punë për zgjedhje të drejta, veçanërisht sa i përket listës zgjedhore, mbulimit të balancuar mediatik dhe qasjes së barabartë në media”, thuhet në reagimin e ambasadës britanike në Shkup.
Spini!
“…GJITHÇKA që duhej ishte që LSDM-ja të pajtohet për zgjedhje, mirëpo kundërshtimi i opozitës, negociatat e fundit i çoi në qorsokak…”
Dëshmia:
LSDM-ja tha se nuk ka problem me zgjedhjet nëse përmbushet gjithçka që u dakordua në Përzhinë, garantues të së cilës, në mes të tjerëve, janë BE-ja dhe SHBA-të. Domethënë, shtrembërohet situata dhe imponohet mendimi se opozita është kundër zgjedhjeve.
Anshmëria!
“Kryeministri Gruevski konfirmoi se Zaevi nuk ka dashur të negociojë për asgjë tjetër përveç se për shtyrjen e zgjedhjeve dhe se të gjitha përpjekjet kanë qenë të pasuksesshme dhe se Zaevi gjatë gjithë kohës është lutur që ato të shtyhen.”
Dëshmia:
Në esencë, mungon pala e dytë në këtë tekst. Mungon qëndrimi i LSDM-së, gjegjësisht pozita se pse dështoi rundi i fundit i negociatave. Është vënë vetëm pjesa e deklaratës së liderit të opozitës se negociatat kanë dështuar… E pse dhe si kanë dështuar, kjo nuk është me rëndësi?!
Komenti!
“I kotë optimizmi i Hanit, negociatat në rezidencën e BE-së përfunduan pa sukses pasi lideri i LSDM-së, Zoran Zaevi, nën presionin e faktorit ndërkombëtar, në panik e lëshoi mbledhjen e cila zgjati më shumë se tetë orë.”
Dëshmia:
Përgjegjësia për mossukesin t’i hidhet vetëm njërës palë dhe të ashtuquajturit inat të saj. Mirëpo, a është ashtu? Reagimet e një pjese të publikut (edhe atë jo vetëm atij politik), si dhe pozitat e disa nga vendet-anëtare më me ndikim të BE-së (i përmendëm më lartë) flasin për atë se përgjegjësia duhet të kërkohet edhe te pala tjetër.
Gjuhë e pahijshme!
“Lideri i LSDM-së gjatë lëshimit të negociatave nuk arriti që fshehë pamjen e fytyrës, e cila tregonte një depresion të thellë dhe nervozë të fortë për shkak të qëndrimit të Brukselit dhe të tre pjesëmarrësve të tjerë në negociata…”
Mënyra se si përshkruhet pamja e jashtme e Zaevit kufizohet me vullgaritet dhe i jep një ton ofendues gjithë materialit.
Rezultati i qasjes së këtillë është një artikull i përgatitur në mënyrë jokorrekte dhe joprofesionale, që krijon një pasqyrë krejtësisht të gabuar për ngjarjen – takimin e fundit të liderëve (15 janar 2016), mirëpo edhe në përgjithësi për gjendjen politike në vend. Në të janë shkelur disa amandamente të Kodit të gazetarëve, duke e përfshirë edhe preambulën, ku në mënyrë të qartë thuhet:
Detyra themelore e gazetarëve është respektimi i të vërtetës dhe të drejtës së opinionit të jetë i informuar, në përputhje me nenin 16 të Kushtetutës së Republikës së Maqedonisë.
INFOGRAPHIC
TRUTHFULNESS
ka fakte
pjesërisht
pjesërisht
SOURCES OF INFORMATION
ka burime të evidentuara
zyrtare, anonime
1 burim
më tepër palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori
TITLE QUALITY
nuk informon
jokreativ
josenzancionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e