Fshehja e informacionit – manipulim i vetëdijshëm me opinionin
Published in Recensione
on 5 - 04 - 2016 Author: Xhenis Sulimani
[Recension: Prokuroria speciale paralajmëron hetime të reja, VMRO-DPMNE ndryshon ligjin për procedurë penale]
Interesi publik duhet të jetë gjithmonë në shënjestrën e mediave. Kuvendi, gjithashtu, është objekt i interesit publik. Puna e përfaqësuesve të popullit në Kuvend, ligjet që propozohen, votohen, … efekti i tyre janë të një rëndësie të veçantë për opinionin e gjerë, për të gjithë qytetarët. Prandaj, raportimet nga Kuvendi duhet të jenë objektivë, të plotë dhe të saktë.
Linku deri te artikulli origjinal: “Prokuroria speciale paralajmëron hetime të reja, VMRO-DPMNE ndryshon ligjin për procedurë penale”
Data dhe koha e publikimit: 28.03.2016
Data e recensionit: 05.04.2016
Recensues: Xhenis Sulimani
Teksti që po e recensojmë informon për projekt-ligjin që duhet të ndryshojë Kodin Penal, i propozuar nga deputetja e VMRO-DPMNE-së, Svetllana Jakimovska dhe Musa Ibraimi, deputet i BDI-së. Mirëpo, në tekst nuk tregohet, apo fshehet informacioni se deputeti i BDI-së është nënshkrues i këtij propozimi dhe, ndryshe nga ajo që qëndron në dokument, thotë se ligjin e propozon Svetllana Jakimovska.
“Pas paralajmërimeve të Prokurorisë speciale për hetime të përforcuara dhe rasteve të reja që ka hapur, VMRO-DPMNE dëshiron që me procedurë të shpejtë të ndryshojë Ligin për procedurë penale me të cilin të akuzuarve u jepet afat më të madh për mbrojtje si dhe mundësi për marrëveshje me prokurorët. Propozimi për ndryshim të këtij ligji është pranuar në kuvend, ndërsa e propozon deputetja e VMRO-DPMNE-së Svetllana Jakimovsksa.”
Lajmi si i tillë nuk është gjithëpërfshirës, fsheh një palë dhe e bën informacionin manipulativ.
“Heshtja dhe mospublikimi i të dhënave që mund të ndikojnë në qëndrimin e opinionit është e njëjtë sikur shtrembërimi i qëllimshëm ose manipulimi i vetëdijshëm me opinionin”, thuhet në Kodin etik të gazetarisë.
Ndryshe, dokumenti me nënshkrimin e propozuesve që është botuar në kuadër të përmbajtjes, e demanton titullin e tekstit “VMRO-DPMNE ndryshon ligjin për procedurë penale”. Por, edhe vetë kjo tendencë e shfaqur në titull e ka bërë tekstin të anojë, gjë që nuk lejohet sipas rregullave profesionale dhe etike të gazetarisë. Për këtë, gazetari e mban përgjegjësinë para opinionit. Andaj, gazetarët duhet çdoherë ta dinë se publikut i nevojiten informacione objektive dhe gjithëpërfshirëse, dhe se mu gazetarët janë ata që duhet t’ua mundësojnë këtë.
INFOGRAPHIC
TRUTHFULNESS
ka fakte
pohime të sakta
pjesërisht
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të përgjysmuara
është i njëanshëm
anshmëri politike
COMMENTING
nuk ka elemente të komentimit
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e