Gazetar apo parashikues?
Published in Recensione
on 15 - 04 - 2016 Author: Fatlume Dervishi
[Recension: “Komandant Sokoli dhe kosovarët tjerë do të kalben në burgjet maqedonase, s’ka burrë shqiptar që do ti shpëtoj?”]
Është kompetencë e gazetarit të informojë, por gjithmonë me një ton të përmbajtur dhe të paanshëm. Kjo mbase është më e vështira gjatë të shkruarit të një lajmi. Është e nevojshme që të lihen anësh emocionet dhe të shkruash si një i huaj për ngjarjen, pavarësisht nëse një gjë e tillë të prek emocionalisht apo në ndonjë mënyrë tjetër.
Linku deri te artikulli origjinal: “Komandant Sokoli dhe kosovarët tjerë do të kalben në burgjet maqedonase, s’ka burrë shqiptar që do ti shpëtoj?“
Data dhe koha e publikimit: 07.04.2016, 10:45
Data e recensionit: 11.04.2016
Recensues: Fatlume Dervishi
Është fjala për një artikull që nuk është shkruar në stilin që e kërkon zhanri i lajmit, duke filluar nga ajo se nuk respekton ‘piramidën e përmbysur’, rrespektivisht nuk tregon risinë dhe më të rëndësishmen që në fillim. Por, ky nuk është shqetësimi primar. Më shqetësuese dhe joprofesionale janë akuzat dhe shpallja e fajtorëve për një rast gjyqësor, për të cilin vetë teksti tregon se akoma është në vazhdim. Përmbajtja etiketon si fajtor një subjekt politik dhe ndërton një histori të tërë në bazë të thashethemeve dhe supozimeve.
“POLITIKANET SHQIPTARE NE MAQEDONI ASNJEHER NUK REAGUAN NDAJ GRUEVSKIT DHE SASHO MIJALLKOVIT, FSHIHET MARREVESHJE?!”
Në këtë artikull nuk ka asnjë burim në të cilin do të bazohej tregimi dhe nuk ka asnjë fakt si dëshmi. Teksti është një thirrje për partitë opozitare shqiptare për protestë dhe e kritikon faktin që nuk kanë protestuar deri tani.
“Këta parti edhe pse duhet të protestojnë fuqishëm ndaj padrejtësive që u bëhën shqiptarëve, asnjë parti deri tani nuk mer guximin që të protestoj gjatë cdo seancë gjyqësore.”
Kritikat shndërrohen në akuza edhe më serioze edhe ndaj autoriteteve kosovare, siç është ajo ndaj presidentit të Kosovës, Hashim Thaçi, për gjoja marrëveshje tinëzare me palën tjetër ‘të akuzuar’ nga autori.
“Presidenti aktual i Kosovës, Hashim Thaci asnjëher nuk erdhi në Shkup dhe të kërkon llogari nga autoritetet e Maqedonisë dhe nga lidershipi shqiptar në pushtet se pse ndodhi rastin në Lagjen e Trimave. Heshtja e autoriteteve kosovare vë në dyshim një marrëveshje të fshehtë se Thaci është marrur vesh me politikanët nga Maqedonia që të likuadiojnë disa ish komandant të UCK-së në një territorë të Maqedonisë.”
Shkrimi është një katrahurë e vërtetë, meqë nuk është e qartë se kush akuzohet dhe kush duhet të mbajë përgjegjësi. Autori, nëpërmjet fjalëve të tij ka përfshirë “në krim” të gjithë skenën politike shqiptare, pjesërisht edhe atë jashtë vendit. Pa u shfrytëzuar dëshmitë e deritanishme, pa u marrë në prononcim familjarët e të akuzuarve, pa u dhënë detaje të zhvillimeve të deritanishme, është bërë një përmbledhje e mbushur me komente, për të cilën autori rrezikon të mbajë edhe përgjegjësi ligjore në qoftë se paditet nga të apostrofuarit.
Gazetari duhet të publikojë informata të sakta, të provuara dhe nuk do të fshehë të dhëna esenciale dhe nuk do të falsifikojë dekumenta. Nëse informata nuk mund të vërtetohet, ose bëhet fjalë për supozim, përkatësisht spekulim, kjo duhet të thuhet dhe të publikohet. Saktësia e informatës duhet të provohet sa më shumë të jetë e mundur… – thuhet në Kodin Etik të Gazetarëve të Maqedonisë.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk ka burime
asnjëra palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
spekulon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
diksurs etnocentrik
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i palidhur me tag-e