verifikimiifakteve.mksitemap
verifikimiifakteve.mksitemap

Shërbim për verifikim të fakteve në media

Projekt i USAID-it për forcimin e mediumeve në Maqedoni
USAID Logo

Gazetarët të jenë më të kujdesshëm ndaj parimeve, sesa ndaj politikës!

on 1 - 02 - 2017       
Drini.mk – BDI më e kujdesshme për “parimet” me VMRO në se sa për shqiptarët

[Recension: “BDI më e kujdesshme për “parimet” me VMRO-në se sa për shqiptarët !!!”]

Në periudha të krizës politike, hapësira mediatike bëhet edhe më kritike. Gjithkush shkruan gjithçka, varësisht prej asaj se me cilin subjekt i ka mendimet më të përafërta. Duket se kjo gjendje është shumë më e përhapur tek portalet sesa te televizionet, që sadopak e ruajnë gjakftohtësinë ndaj subjekteve politike, ndoshta edhe për shkak të ligjeve më strikte që vlejnë për to.

Drini.mk – BDI më e kujdesshme për “parimet” me VMRO në se sa për shqiptarëtLinku për te artikulli origjinal: BDI më e kujdesshme për “parimet” me VMRO-në se sa për shqiptarët !!!

Data dhe koha e publikimit: 28.01.2017

Data e recensionit: 30.01.2017

Recensuese: Ferikan Iljazi

I tillë është edhe ky tekst, i cili nuk përmbahet të shfaq “inatin” ndaj një subjekti, pavarësisht a ka të drejtë ose jo ai subjekt. Në të haptazi e shfaqet anshmëri në mënyrë sarkastike, duke e cilësuar subjektin politik BDI si dikë që e shet interesin kombëtar për të ruajtur atë partiak që e lidh me VMRO-DPMNE-në. Por, edhe po të jetë kjo e vërtetë, nuk duhet të thuhet nga një gazetar ose shtëpi mediatike në një përmbajtje informative.

“BDI përmes disa daljeve publike lidhur me vendimin e saj për qeverinë e ardhëshme shumë shpesh ka theksuar rëndësinë e respektimit të parimit fitues me fitues, duke aluduar kështu në një qeveri të ardhëshme me VMRO-në e Nikolla Gruevskit, edhe përkundër kundërshtive të mëdha që i ka për këtë koalicionim nga populli shqiptarë, madje edhe nga vetë votuesit e BDI-së dhe funksionerë brenda kësaj partie. Ky kujdes i BDI-së për sic thonë ato “parimin” me partitë maqedonase, ka lënë në hije interesin e përgjithshëm kombëtar”

Një moment tjetër që shumë shpesh keqpërdoret prej gazetarëve është gjeneralizimi…Përdoren fjalët “opinioni”, “analistët”, “qytetarët”, “shqiptarët”, e nuk veçohet as edhe një citat,  i disa analistëve ose qytetarëve për shembull,  të cilët në fakt duhet të jenë prezent në përmbajtje përmes citateve ose si deklarata të dokumentuara me video, pasi në të kundërtën kjo mund të quhet dhe cilësohet si ndonjë spekulim ose përgojim, e bile edhe shpifje.

“Opinioni i gjërë shqiptarë vazhdimisht shtron pyetjen, se si është e mundur që BDI-ja kaq shumë kujdeset për parimin gojor me VMRO-në, ndërsa shumë lehtë përpiqet ti kalojë dështimet në cështjet e rëndësishme që ja premton elektoratit shqiptar për 15 vjetë rresht”

 Për një gjë, ndoshta edhe mund të pajtohemi me atë që është thënë në tekst.

“Kujtojmë që qindra të burgosur shqiptarë po vuajnë në burgjet e Maqedonisë, për cështje të kontestueshmë që kanë ndodhur pikërisht gjatë qeverisjes së koalicionit të “parimeve” VMRO-BDI!”

Mirëpo, për të qenë teksti më i besushëm, duhet të theksohen disa raste që i opinioni i njeh si raste ‘të montuara’ nga politika, e për të cilat ka dyshime se janë inskenuar nga pushtetarët. Duhet të lejohet një dozë dyshimi, e jo të jepet konstatim. Edhe po të jesh i sigurtë në diçka, edhe po ta kesh parë me sy, derisa nuk ke prova, nuk mund ta quash si diçka të vërtetë. Prandaj – sa më pak komente, si dhe informim në shërbim të fakteve dhe publikut.


Ky recension është përgatitur në kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAFIKU

infoVistinitostVËRTETËSIA

nuk ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

infoVistinitostBURIMET E INFORMATAVE

nuk ka burime të evidentuara

nuk mund të përcaktohet

infoVistinitostPËRMABJTËSIA

jogjithëpërfshirës

ndoshta ka informata të fshehura

infoVistinitostANSHMËRIA

pjesërisht e paraqet të vërtetën

ka shtrembërim të së vërtetës (spin)

Nuk përjashtohet

është i njëanshëm

anshmëri politike, anshmëri tjetër

infoVistinitostKOMENTIMI

ka elemente të komentimit

të integruara me faktet

infoVistinitostPLAGJIATURA

vepër origjinale

nuk është theksuar autori

infoVistinitostKUALITETI I TITULLIT

nuk informon

jokreativ

senzacionalist

joadekuat

tendencioz

infoVistinitostFOTOGRAFIA

ka

adekuate

as manipulon as informon - është vënë vetëm si ilustrim

nuk është theksuar autori (burimi)

infoVistinitostGJUHA E URREJTJES

gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

infoVistinitostI PËRSHTATUR PËR UEB

mesatarisht i lexueshëm

elemente jokualitative multimediale

nuk ka linke kontekstuale

pjesërisht i rregulluar në aspekt stilistik

i palidhur me tag-e

Leave a Reply

Your email address will not be published. Required fields are marked *

Abonohuni për lajmet më të reja