verifikimiifakteve.mksitemap
verifikimiifakteve.mksitemap

Gazetari duhet të trajtojë çështjet delikate me përgjegjësi

on 14 - 03 - 2016       
Këtë postim mund ta lexoni edhe në: Maqedonisht

Recension: Nxënësve shqiptarë ju imponohet mësimi Bibla krishtere, ndërsa Kurani lihet anash

Çështjet që tangojnë opinionin e gjerë duhet të preken nga gazetarët, me qëllim të njohjes së opinionit me problemin, si dhe për të nxitur institucionet përkatëse që të ndërmarrin veprime apo masa të duhura. Me anë të Kushtetutës së Republikës së Maqedonisë garantohet liria e besimit fetar. Çdo pretendim që qytetarëve t’u imponohet mësimi fetar, është antikushtetues. Andaj, kjo çështje me të drejtë theksohet në tekstin që po e recensojmë.

download

Linku deri te artikulli origjinal: “Nxënësve shqiptarë ju imponohet mësimi Bibla krishtere, ndërsa Kurani lihet anash

Data dhe koha e publikimit: 06.03.2016

Data e recensionit: 14.03.2016

Recensues: Xhenis Sulimani

 

Mirëpo, një produkt gazetaresk nuk duhet të nisë dhe të mbarojë me titullin. “Nxënësve shqiptarë ju imponohet mësimi Bibla krishtere, ndërsa Kurani lihet anash” është pohim që nuk verifikohet me dëshmi askund brenda në përmbajtje.

“Me këtë në tekstet shkollore në Maqedoni arsimtarët shqiptar përdorin tekstet shkollore ku qartë propagandohet mësim-besimi fetar krishterë duke e mbështetur Biblën”.

Përmbajtja ngre problem që e prek publikun. Megjithatë, nuk jep shembullin konkret se në cilin libër “imponohet” Bibla? Cilit nivel arsimor i përket? Kush është autori i librit dhe për cilën lëndë arsimore bëhet fjalë? Çfarë konkretisht është problematike në atë përmbajtje? Që të jetë mesazhi i tekstit alarmues, ashtu siç është pretenduar në titull, opinioni duhet të dijë për cilin libër bëhet fjalë dhe më tepër hollësira rreth përmbajtjes problematike.

“Deri më tani ndaj këtij skandali nuk ka reaguar asnjë drejtor i shkollave të Maqedonisë dhe as prindërit të cilëve ju bëhet padrejtësi e madhe pasi ju imponohet përmes shembujve të mësohet Bibla dhe jo feja e tyre Islami.”

Në raste kur nuk ka reagim për ndonjë shqetësim të opinionit, gazetari e ka për detyrë që të kërkojë qëndrimin e atyre që janë të prekur drejtpërsëdrejti – punonjësve të arsimit, prindërve dhe nxënësve, si dhe të kërkojë qëndrim dhe përgjegjësi nga organet kompetente. Në këtë rast është dashur të kërkohet qëndrim zyrtar nga Ministria e Arsimit dhe Shkencës, vallë janë në dijeni se çfarë përmbajnë librat dhe sa janë ato adekuate. Por, duke ua parashtruar atyre informacionin e verifikuar, e jo vetëm një copëz letre nga një libër i panjohur, që nuk dihet a është me të vërtetë libër shkollor.

Që kjo përmbajtje të mos vlerësohet si një spekulim apo dezinformim, ose siç quhet në gazetari “manipulim i vetëdijshëm” me publikun, nevojitet një qasje më thelbësore ndaj problemit. Informatat e botuara duhet të jenë të vërteta e të konfirmuara. Gazetarët duhet të kenë përgjegjësi para publikut, sidomos kur raportojnë për çështje delikate për një vend, siç janë për Maqedoninë liritë dhe çështjet fetare apo etnike.

Kodi etik dhe profesional u imponon gazetarëve përgjegjësi të veçantë për fjalën e thënë publike.


Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAFIKU

infoVistinitostVËRTETËSIA

ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

infoVistinitostBURIMET E INFORMATAVE

nuk ka burime të evidentuara

infoVistinitostPËRMABJTËSIA

jogjithëpërfshirës

ndoshta ka informata të fshehura

infoVistinitostANSHMËRIA

nuk mund të përcaktohet

ka shtrembërim të së vërtetës (spin)

nuk mund të përcaktohet

është i njëanshëm

anshmëri tjetër

infoVistinitostKOMENTIMI

ka elemente të komentimit

të integruara me faktet

infoVistinitostPLAGJIATURA

vepër origjinale

është theksuar autori

infoVistinitostKUALITETI I TITULLIT

jokreativ

senzacionalist

adekuat

tendencioz

infoVistinitostFOTOGRAFIA

ka

adekuate

manipulon

nuk është theksuar autori (burimi)

infoVistinitostGJUHA E URREJTJES

nuk ka gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

infoVistinitostI PËRSHTATUR PËR UEB

i lexueshëm

nuk aplikohet

nuk ka linke kontekstuale

i parregulluar në aspekt stilistik

i palidhur me tag-e

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Abonohuni për lajmet më të reja