Gazetari duhet të mbajë përgjegjësi për akuzat që bën!
Published in Recensione
on 21 - 08 - 2015 Author: Fatlume Dervishi[Recension: “Pse Bujar Osmani ka filluar të shfaqë “nervozizëm” ndaj lëvizjes BESA?”]
Është nivel shumë i ulët profesionalizmi që, si gazetar, të shfrytëzosh median për të prezantuar qëndrimet individuale dhe të shfryshë mllefin personal kundrejt një personi publik, me qëllim që këtë ide tënden t’ua imponosh edhe të tjerëve. Të jesh gazetar profesional do të thotë të zhveshësh petkun e subjektives dhe të shqyrtosh vetëm faktet që e bëjnë një ngjarje të vërtetë e të pakontestueshme.
Linku për te artikulli origjinal: “Pse Bujar Osmani ka filluar të shfaqë “nervozizëm” ndaj lëvizjes BESA?”
Data dhe koha e publikimit: 14.08.2015, 19:54
Data e recensionit: 18.08.2015
Recensues: Fatlume Dervishi
Lajmi që recensojmë, fillon duke cituar median (Tetova Sot) që e para dha lajmin se Bujar Osmani do të kalojë në Lëvizjen e re politike “BESA”. Kjo media nuk arriti që ta konfirmojë këtë të dhënë nga burime zyrtare dhe për më tepër, ditë më vonë, ai u mohua nga vetë Bujar Osmani.
Autori i tekstit aktual vetë në tekst pranon “… kjo gjë nuk u vërtetua, me çka mbeti vetëm në kuadër të spekulimeve” por, me ose pa vetëdije, ai vazhdon spekulimin e tij mbi spekulimin ekzistues duke u referuar në “burime tona të sigurta pranë BDI-së …”.
Duke mbajtur dukshëm anën e subjektit politik që trajton, Lëvizjes BESA, autori i tekstit ngre akuza dhe etiketime mbi Bujar Osmanin, duke e quajtur “të padenjtë” për tu përfshirë në rradhët e kësaj lëvizje përshkak të “aferave të ndryshme ku është i përfshirë ai, e sidomos në atë ku janë “zhdukur rreth 400 mijë euro deri sa ishte Ministër i Shëndetësisë”. Këto akuza mbeten të pa trajtuara dhe të pavërtetuara nga autori i tekstit i cili nuk shfrytëzon asnjë burim kujt do t’ja referonte këto qëndrime.
Mjafton të lexosh pjesët “Bujar Osmani atyre nuk ua ka fshehur asnjëherë ambiciet e tij për të qenë pjesë e Lëvizjes BESA, madje në disa raste ai me të qeshura ka thënë se pretendon të bëhet edhe kryetar i BESËS.” Dhe më posht “Në opinion flitet se Osmani jo që nuk është diskutuar të pranohet për kryetar në Lëvizjes BESA, por atij nuk i është dhënë vend as edhe në kryesi të kësaj Lëvizje politike.” Shpejt kupton që bëhet fjalë për diskutime joformale, që nuk duhet të kishin vend në një media e cila duhet të mbajë përgjegjësi për atë që thotë. Në gazetari, asgjë nuk arsyetohet me fjalët “në opinion flitet se…”. Publiku ka nevojë ta dëgjojë personalisht këtë opinion nga njerëz kompetentë.
Të dy çështjet që trajtohen, si ajo e përfshirjes së Bujar Osmanit në BESA, edhe çështja e akuzës për “afera të mundshme” mbeten të pa konfirmuara nga organet zyrtare si BESA, BDI dhe Ministria e Shëndetësisë të cilët duhet të ishin aktorë të patjetërsueshëm përderisa autori ka marrë përsipër të ngrej këto çështje në shqyrtim.
Tekstit mbetet larg standardeve profesionale, i mbushur me bindje personale dhe akuza tendencioze të autorit.
INFOGRAPHIC
TRUTHFULNESS
nuk ka fakte
nuk konfirmohen
nuk konfirmohen
SOURCES OF INFORMATION
nuk ka burime të evidentuara
anonime
jorelevante,
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
kopje të pjesshme
është theksuar burimi me link
TITLE QUALITY
dezinformon
jokreativ
zgjon kurreshtje
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
ka linke kontekstuale
pjesërisht i rregulluar në aspekt stilistik
i palidhur me tag-e