Gazetari e kidnapuar prej senzacionalizmit
Published in Recensione
on 10 - 08 - 2016 Author: Fatlume Dervishi
[Recension: “Kidnapohen dy fëmijë në Gostivar! A po bëhet ky qytet i rezikshëm në Maqedoni?”]
Artikulli që recensohet është tendencioz, konfuz dhe me mangësi, në aspektin e pasqyrimit të fakteve. Nuk ka nevojë për shumë analizë për të kuptuar se materiali i servuar eshtë i mbledhur nga tekste të ndryshme, me tema të ndryshme dhe të publikuara në kohë të ndryshme, vetëm për të nxjerrë përfundime, për të cilat autorit i është dashur t’i plotësojë edhe duke i komentuar vetë.
Linku deri te artikulli origjinal: “Kidnapohen dy fëmijë në Gostivar! A po bëhet ky qytet i rezikshëm në Maqedoni?”
Data dhe koha e publikimit: 03.08.2016
Data e recensionit: 07.08.2016
Recensues: Fatlume Dervishi
I nisur nga një rast i vetëm, autori nxjerr titullin “Kidnapohen dy fëmijë në Gostivar…” duke shtuar më pas se ky qytet po bëhet i rrezikshëm për qytetarët. Artikullin e ka përgënjeshtruar po të njëjtën ditë komuna e Gostivarit, e cila ka sqaruar:
Zhurnal.mk:
Q.H. 31 vjeçar dhe Q.Xh. 21 vjeçar nga Gostivari, të martën rreth orës 7 e 30 minuta kanë kidnapuar dy fëmijë të moshës 15 dhe 16 vjeçare. Rasti ka ndodhur në malin e fshatit Vranjovc të Gostivarit, transmeton Gazeta Lajm.
Komuna e Gostivarit:
Portali “Zhurnal”, sot më datë 03.08.2016 publikoi informacionin me titull: “Qytetarët në panikë, në rritje dhuna, vrasjet dhe kidnapimet! Kidnapohen dy fëmijë në Gostivar! A po bëhet ky qytet i rezikshëm në Maqedoni?”, ku flitet për një rast të ndodhur më datë 23 Qershor – 2016 në fshatin Vranjofcë të Komunës së Vrapçishtit.
Përveç se ”ka gabuar” datën kur ka ndodhur ngjarja (bëhet fjalë për një diferëncë gjashtë javore), autori “ka gabuar” edhe vendin, si dhe komunën. Më poshtë është pjesa e komentit, të cilën autori nuk e sqaron aspak. Cilat janë rastet e rënda në qytet, që e bëjnë të rrezikshëm Gostivarin? Këtë e di vetëm ai.
Ndryshe kohës së fundit, qytetarët e Gostivarit po ankohen për një qytet i rezikshëm për banorët, pasi që kohës së fundit, kan ndodhur shumë raste të renda në këtë qytet.
Më poshtë, autori, në mënyrë profesionalisht të pandershme ndërron temë, duke mos njoftuar për këtë, për të bërë një lidhje mes dy gjërave që realisht s’mund të trajtohen si të njëjta apo pjesë të një teme.
Në pesë muajt e parë të këtij viti, në rajonin më të gjerë të Gostivarit janë regjistruar 29 vepra penale “dhunë në familje”, të cilat kanë rezultuar me 28 fletëparaqitje kundër po aq individë. Tetëmbëdhjetë raste kanë qenë me shkaktim të lëndimeve trupor, 8 me rrezikimin e sigurisë dhe 3 me rrezikimin e sigurisë me armë të rrezikshme në rrahje, e që lidhen me dhunën në familje, kumtoi sot SPB-Tetovë.
Dhuna familjare dhe kidnapimi, janë dy vepra krejtësisht të ndryshme, që penalisht procedohen ndryshe. Dhuna familjare, sado e zakonshme të jetë në një vend të caktuar, nuk e bën atë vend të rrezikshëm për qytetarët në përgjithësi.
Tema nuk është trajtuar në mënyrën e duhur, sepse titulli nuk korrespondon me atë që jepet si informacion, kurse të dhënat e ofruara janë pjesë që nuk ngjiten, nuk kanë kuptim dhe nuk mund të merren si informacione të besueshme. Duke e parë një tekst të këtillë, kush mund të besojë se bëhet fjalë për një gabim të paqëllimshëm?
Burimet e pjesëve nga lajmi:
Lajmpress.mk Tronditet Gostivari, kidnapohen dy fëmijë
Flaka.info Gostivar, regjistrohen 29 vepra penale “dhunë në familje” – FLAKA
INFOGRAPHIC
TRUTHFULNESS
nuk ka fakte
pohimet jo të sakta
pjesërisht
SOURCES OF INFORMATION
ka burime të evidentuara
zyrtare
më tepër burime
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
është i njëanshëm
COMMENTING
ka elemente të komentimit
të integruara me faktet
PLAGIARISM
kopje të pjesshme
është theksuar burimi pa link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i palidhur me tag-e