Gazetaria dhe”shtatzënitë” politike
Published in Recensione
on 15 - 02 - 2016 Author: Fatlume Dervishi![Almakos - BDI-ja mund te mbetet shtatezene nga Llatasi](https://verifikimiifakteve.mk/wp-content/uploads//2016/02/Almakos-BDI-ja-mund-te-mbetet-shtatezene-nga-Llatasi-484x380.png)
[Recension: “BDI-ja mund të mbetet shtatzënë nga Llatasi!”]
Gjuha që përdor gazetari gjatë raportimit të tij duhet të jetë e zgjedhur dhe t’u përmbahet normave etike. Kjo gjë është e definuar qartë edhe në Kodin Etik të Gazetarëve të Maqedonisë dhe në të kundërt ajo përbën shkelje të rregullores. Pastaj mund të ndodhë, si në rastin në fjalë, që autori duke u fokusuar në këtë gjuhë të papranueshme harron se si bëhet një lajm dhe harron të transmetojë të publiku rëndësinë dhe qëllimin e tij.
Linku deri te artikulli origjinal: “BDI-ja mund të mbetet shtatzënë nga Llatasi!”
Data dhe koha e publikimit: 01.02.2016, 14:09
Data e recensionit: 07.02.2016
Recensues: Fatlume Dervishi
I transmetuar si të ishte lajm, teksti që recensohet, nuk ka strukturë, nuk ka kokë, nuk ka burime gjithëpërfshirëse dhe nuk sqarohet qëllimi i raportimit.
Autori i lajmi është i obliguar të mbajë përgjegjësi edhe për fjalën e thënë nga bashkëbiseduesi ose burimi. Në raste kur vërehen fyerje dhe fraza urrejtje, autori duhet të jetë i kujdesshëm për mënyrën se si e prezanton atë përpara publikut ose të vendosë nëse një gjë e tillë ja vlen të publikohet.
Një postim i bërë në profilin në fejsbuk të Xhelo Hoxhiq ka qenë pikënisje për frymëzimin e autorit për lajm. Mirëpo ky “lajm” konsiston vetëm në opinionin e personit në fjalë, opinion ky i mbushur me gjuhë urrejtje, fyerje dhe fraza seksiste.
“Çka është ajo kur Dragan Pavlloviq – Llatas e lexon komplet kumtesën e BDI-së në lajme, me çrast në mënyrë të detajuar e sqaron çdo pikë dhe presje të kumtesës? Kjo quhet dëgjueshmëri “naçallnike” e një Televizioni kontraceptiv (maqedonisht: kurton). Kurse tani, dikush duhet t’ia sqarojë Ali Ahmetit dhe “bajgës rreth tij” se çka ndodh kur plasë mjeti kontraceptues (kurtoni maqedonisht), se në rast të tillë mund të ndodhë shtatzëni e padëshiruar.”
Burimi që ka përdorur autori nuk ka sjellë të dhëna objektive për lajmin ose të paktën paraqet njëanshmëri. Autori fillimisht duhet të sqaronte rastin dhe të tregonte se ku konsiston reagimi i Xhelo Hoxhiq. Publiku duhet të dijë çfarë ka thënë kryeredaktori i TV Sitel, Llatas, pse është e rëndësishme që publiku ta dijë këtë dhe ku ka qenë lapsusi i tij profesional?
“Duhet të ju sqarohet se shpeshherë kur ndodh shtatzëni e padëshiruar, sillet vendim për abort. Mua më duket se po afrohet dita kur opinioni, interesat e të cilit qartë janë të kundërta me interesat e “naçallnikave”, shumë shpejtë do të vendosë ta hedhë jashtë këtë BDI dhe Ali Ahmetin në një proces të ngjashëm me abortin.
(Huazuar nga profili i autorit në facebook)”
Kodi etik sugjeron shumë kujdes profesional në këtë aspekt.
Gjuha e gazetarit gjithëherë duhet të jetë e matur dhe neutrale, përkundër atij që ofron konkluzione të gatshme dhe gjykime dhe është, ose kufizohet me gjuhën e urrejtjes.
Çdoherë duhet të shmangen frazat që në vete përmbajnë konotacione shoveniste, seksiste ose të tjera diskriminuese
Gazetari është përgjegjës edhe për fjalën e bashkëbiseduesve, sepse përmes tij ato qëndrime dalin ne opinion, prandaj është i obliguar t’i parafrazojë ose të distancohet nga fjalori ofendues, promovimi i stereotipeve ose diskriminimit.
Teksti po kështu i njëjtë, fillimisht, është publikuar në Lajmpress.mk
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
jorelevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
COMMENTING
ka elemente të komentimit
të integruara me faktet
PLAGIARISM
kopje të plotë
është theksuar burimi me link
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nuk nxit për përdorimin e dhunës
diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i lidhur me tag-e