Gazetaria duhet t’u ikë shpifjeve
Published in Recensione
on 7 - 09 - 2016 Author: Fatlume Dervishi[Recension: “Ekskluzive: Zaev jep dorëheqje si kryetar i LSDM-së”]
Kështu duket një artikull, në të cilin pretendohet për ekskluzivitet, por nuk ka as lajm. Ose, më mirë të themi, është nxjerrë diçka nga hiç-gjëja, është tollovitur sikur të ishte zbuluar diçka e madhe, e në fund është sqaruar se realisht bëhet fjalë për procedurë protokollare. Nuk është e habitshme që informacionet e këtilla përgënjeshtrohen në fund të ditës.
Linku deri te artikulli origjinal: “Ekskluzive: Zaev jep dorëheqje si kryetar i LSDM-së”
Data dhe koha e publikimit: 02.09.2016
Data e recensionit: 05.09.2016
Recensues: Fatlume Dervishi
Vetë kreu i artikullit është konfuz dhe huton lexuesin. Ka dhënë ose nuk ka dhënë dorëheqje kryetari i LSDM-së Zoran Zaev nga posti që mban? Më shumë se sa sqaron, kjo pjesë huton lexuesit.
“Kryetari i LSDM-së Zoran Zaev do të japë dirëheqje sot nga ky post… Mirëpo kjo dorëheqje nuk paraqet tërheqje të tij … nga kreu i LSDM-së.”
I shpejtë ka qenë përgënjeshtrimi nga partia e Zaevit.
“Janë tërësisht të pavërteta shkrimet e portalit “Lajm” të cilat i përgënjeshtrojmë kategorikisht, se sa shpejti kreu i LSDM-së Zoran Zaev do të japë dorëheqje.” – thuhet në përgënjeshtrimin e LSDM-së.
Pasi thotë një herë se Zaev është tërhequr, pastaj se nuk është tërhequr, përmbajtja hedh poshtë të dyja këto teza, e në të tregohet se Zaev do të rikandidohet për kryetar partie në kongresin e ardhshëm të LSDM-së, gjë që është procedurë e zakonshme në çdo kongres partie.
“Ai do të rikandidohet sërish për kryetar partie, në kongresin e LSDM-së që do të mbahet pas dy javëve. Të njëjtat burime thonë se edhe pse mund të ketë kundërkandidatë, në këtë kongres Zaev do të zgjedhet sërish lider i partisë, sepse ka përkrahjen e pakontestueshme te shumica e strukturës dhe delegatëve.”
Në fakt, paragrafi më sipër është e vetmja risi (nëse mund të thuhet) në këtë artikull. Autori (pretendon se) ka mësuar se Zaev mund të ketë kundërkandidatë për kryetar të partisë, por ka mbështetje të shumicës në partinë e tij. Megjithatë, për të qenë profesional deri në fund, duhet të ishte kërkuar për konfirmim zyrtar nga ky subjekt. Natyrisht, ky informacion nuk është aq bombastik sa njoftimi për dorëheqje. Pikërisht për këtë arsye, autori ka luajtur me senzacionalizmin, madje me ose pa dashje, duke bërë edhe shpifje.
Locimi i gabuar i burimeve ose shpikja e burimeve për të prezentuar informacione të pasakta, të gjymta dhe jo sa duhet të provuara, trajtohet si shkelje e rëndë e standardeve profesionale. – porosit Kodi Etik i Gazetarëve.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
ka burime të evidentuara
anonime
jorelevante,
1 burim
një palë
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
mban anën e një pale
COMMENTING
nuk ka elemente të komentimit
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i palidhur me tag-e