Gjeneralët e NATO-s “të shokuar” nga animacioni kompjuterik
Published in Recensione
on 25 - 07 - 2016 Author: Владимир Мирчески
[Recension: Gjeneralët e NATO-s të shokuar: Ja se çka fsheh Rusia nga sytë e publikut botëror! (Video)]
Materiali i ofruar, më së paku thënë, i ngjan një batute. Video-simulimi kompjuterik është paraqitur si njëfarë arme e fshehtë ruse. Lëre që ajo që është prezantuar duket qesharake, por gjoja nga ajo që e kanë parë qenkan frikësuar edhe gjeneralët e NATO-s. Joseriozitet që kufizohet me budallallëk.
Linku deri te artikulli origjinal: Генералите на НАТО шокирани: Еве што Русија долго крие од очите на светската јавност! (Видео)
Data dhe koha e publikimit: 17.07.2016
Data e recensionit: 20.07.2016
Recensues: Vlladimir Mirçeski
FANTAZI BOSHE KOMPJUTERIKE
Njeriu nuk di ç’të thotë kur do ta shohë fantazinë kompjuterike të dikujt, ëndërr nga realiteti virtual, se ka marrë formë të informatës së besueshme, e cila plasohet si e vërtetë. Ndoshta të mbetet me gojë të hapur?! T’i sqarojmë disa gjëra – shohim simulim, material që i ngjan hyrjes (intro) në ndonjë lojë kompjuterike. Domethënë, nuk bëhet fjalë për ndonjë video-inçizim real, i cili do ta vërtetonte “konstatimin” për armën ultra të tmerrshme ruse që shkatërron gjithçka që është armiqësore, por për material multimedial që është zbavitës, me kusht të mos keni më shumë se 8 vjet. Prandaj, është e paqartë se si vetëm në bazë të këtij materiali të stilit play station bazohen pohimet apokaliptike:
“Armatimi më i ri rus i shfaqur në videoe me rezolucionin HD i shokoi gjeneralët e Pentagonit dhe të NATO-s.
Në video tregohet se si do të duket Lufta e Tretë Botërore dhe çka është ajo që rusët aq kohë të gjatë e kanë fshehur nga sytë e publikut.
Shiheni videon që përmban një armë jashtëzakonisht të sofistikuar, nga e cila me të drejtë janë shokuar edhe gjeneralët e Pentagonit dhe të NATO-s.”
Në qoftë se bëhet një hulumtim i vogël, do të shihet se videoja është prodhuar nga një koncern rus që ka të bëjë me industrinë ushtarake. Dhe nën materialin e publikuar në Youtube gjendet teksti që u përmend më lartë nga portali i vendit. E palejueshme. Propagandë ushtarake, pamflet, pavarësisht se i kujt është dhe prej nga vjen, pa pikë dyshimi dhe verifikimi gazetaresk, është marrë shkel e shko dhe është publikuar si informatë normale, e rregullt dhe e vërtetë.
“Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar.
Saktësia e informatës duhet vërtetuar sa më shumë që është e mundur.” – nеni 1 i Kodit të gazetarëve.
Informatë e paverifikuar, e verdhë, senzacionaliste… Shembull për atë se si nuk duhet të shkruhet një tekst gazetaresk.
INFOGRAPHIC
TRUTHFULNESS
nuk ka fakte
pohimet jo të sakta
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
anonime
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
:
mban anën e një pale
anshmëri politike
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
nuk ka
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e