Informacionet gjysmake kërkojnë saktësim

on 25 - 09 - 2015 Author: Benjamin Arifi

[Recension: Exclusive: Shilegov duke “qesh” mori certifikatën e sigurisë, deputetët shqiptar “qajnë” për një dokument?!]

Lajmit që po i bëjmë recension i mungojnë konfirmime por edhe informacione. Edhe pse bëhet fjalë për një lajm “ekskluziv” që e ka mësuar “Zhurnali”, mbështetjen e këtij informacioni nuk e gjen askund. Ky portal nuk është munduar të kontaktojë deputetin e LSDM-së për ta konfirmuar atë që “e ka mësuar” e as nuk ka prezantuar ndonjë dokument i cili vërteton marrjen e certifikatës së sigurisë për 24 orë.

Linku deri te artikulli origjinal: Exclusive: Shilegov duke “qesh” mori certifikatën e sigurisë, deputetët shqiptar “qajnë” për një dokument?!

Data dhe koha e publikimit: 18/09/2015

Data e recensionit: 20/09/2015

Recensues: Benjamin Arifi

Autori madje i jep lirinë vetes që të japë kualifikime për involvimin e Shilegovit në Komisionin Anketues mbi aferën e përgjimeve duke thënë se “Shilegov një bashkëpunëtorë i ngushtë i Zaevit pritet që ditëve të ardhshme të angazhohet në Komisionin anketues në Parlament për të ndryshuar të vërtetën rreth aferës së përgjimeve”. Kush mund ta ndryshojë të vërtetën, dhe cila është në fakt e vërteta mbi aferën e përgjimeve e cila ende nuk ka hyrë në filtrat e gjykatësit special?! Pra autori e merr rolin e prokurorit duke supozuar se mbi aferën e përgjimeve ekziston një e vërtetë e cila tentohet të shtrembërohet.

Portali përmend rastin e deputetëve të BDI-së Zulfi Adili dhe Rafis Aliti që kohë më parë nuk kishin certifikatë sigurie por duke mos treguar lajmin e mëvonshëm se pas alarmimit në media, Adili dhe Rafizi u pajisën me certifikatën e sigurisë.

Teksti bën me dije se edhe shumë shqiptarë të tjerë kanë mbetur pa certifikatë sigurie por nuk konkretizon se cilat emrat deputetësh nuk gëzojnë këtë dokument.

Teksti kështu siç duket ka tentuar të përcjellë një gjendje inferioriteti të politikanëve shqiptarë kundrejt atyre maqedonas, çka është e drejtë. Madje mediet duhet të alarmojnë për situata të tilla, por informacionet nuk duhet të mbesin gjysmak dhe me elemente të pakonfirmuara mirë.

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAPHIC

TRUTHFULNESS

ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

SOURCES OF INFORMATION

ka burime të evidentuara

jozyrtare, anonime

1 burim

një palë

EXTENSIVENESS

jogjithëpërfshirës

informata të fshehura

BIAS

pjesërisht e paraqet të vërtetën

ka shtrembërim të së vërtetës (spin)

nuk mund të përcaktohet

nuk aplikohet

COMMENTING

ka elemente të komentimit

të integruara me faktet

PLAGIARISM

vepër origjinale

TITLE QUALITY

informon

jokreativ

senzacionalist

adekuat

PHOTOGRAPH

adekuate

as manipulon as informon - është vënë vetëm si ilustrim

nuk është theksuar autori (burimi)

HATE SPEECH

nuk ka gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

EDITED FOR THE WEB

i lexueshëm

nuk aplikohet

ka linke kontekstuale

i rregulluar në aspekt stilistik

i lidhur me tag-e

Shërbim për verifikim të fakteve në media