Informacioni i qëlluar dhe me rëndësi, mungon pala e dytë
Published in Recensione
on 26 - 07 - 2016 Author: Xhenis Sulimani[Recension: POLICIA PENGON AKSIONIN E LËVIZJES BESA]
Teksti që po recensojmë ka të bëjë me një aktivitet të një subjekti politik (gjegjësisht të forumit rinor të atij subjekti) afër një vendkalimi kufitar. Parimisht, lajmi është bërë me të drejtë, sepse aktivistët kanë kërkuar diçka në të cilën kanë të drejtë, e kur e njëjta u është mohuar, kjo është lajm. Megjithatë, kësaj përmbajtjeje i mungojnë disa elemente për të qenë e kompletuar.
Linku deri te artikulli origjinal: “POLICIA PENGON AKSIONIN E LËVIZJES BESA”
Data dhe koha e publikimit: 23.07.2016
Data e recensionit: 25.07.2016
Recensues: Xhenis Sulimani
Fillimisht, themi se teksti nuk është i kompletuar, sepse që në titull dhe në tekst thuhet se policia nuk ka lejuar Lëvizjen Besa të realizojë aktivitetin e saj, ndërkohë që në brendinë e tekstit nuk thuhet askund nëse është kërkuar ose jo qëndrim edhe nga pala e cila ka ndërprerë një aksion të tillë, gjegjësisht nga policia. Në një rast si ky, nuk është respektuar parimi i informimit të balancuar.
Policia kufitare nuk lejoi të rinjtë e Lëvizjes BESA të organizojnë aksionin ”Mirë se vini të dashur mërgimtarë”. Ata përmes fletushkave deshën t’í paraqesin problemet e Maqedonisë që mërgimtarët në vendlindje të jenë të njoftuar për mangësitë. Nga forumi i të rinjve thanë se qëllimi i tyre ishte mirëpritja e mërgimtarëve dhe se pengesa e tyre ishte e pashpjegueshme.
Gazetari nuk është dashur të largohet nga vendi i ngjarjes pa tentuar për të marrë edhe qëndrimin e policisë. Në raste të tilla, fillimisht tentohet të merret qëndrim ose prononcim, e nëse ekipi refuzohet, atëherë e udhës është që gazetari të raportojë nga vendi (të bëj “stand up”) ku do të shpjegonte se policia nuk prononcohet.
Për të kompletuar lajmin, gazetari është i detyruar t’i referohet edhe rendit kushtetues. Ai është i obliguar që në tekst të bashkëngjisë edhe artikullin e kushtetutës, ligjin apo rregulloren, e cila garanton aktivitetet qytetare apo të subjekteve politike, lirinë e lëvizjes, e kështu me rradhë. Në këtë rast mungon një element i tillë.
“Ne sot, forumi i Lëvizjes Besa, donim që të organizonim aksionin mirëseardhje mërgimtarëve me të vetmin qëllim që t’i presim ato dhe tu dëshirojmë mirëseardhje të ngrohtë”, tha aktivistja e Lëvizjes BESA, Xhevrie Tahiri. Lëvizja BESA kërkon përgjegjësi për ndërprerjen e këtij aksioni nga ana e MPB-së, edhe pse siç thonë, kishin respektuar të gjitha procedurat për paraqitjen e aksionit.
Në Ligjin për tubime publike, OJQ-ve apo subjekteve politike, ose grupeve të qytetarëve, u garantohet e drejta në tubim apo zhvillim të aktiviteteve publike, nëse të aktiviteti paralajmërohet paraprakisht te organet e rendit dhe te komuna përkatëse në territorin e së cilës zhvillohet aktiviteti, dhe sigurisht, nëse me këtë aktivitet nuk prishet rendi dhe qetësia publike. Në këtë përmbajtje po ashtu mungon informata se vallë Lëvizja Besa ka përdorur procedurat ligjore për të paraqitur aktivitetin e tyre në mënyrë adekuate te organet përkatëse.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
jozyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk ka shtrembërim të së vërtetës (spin)
nuk ka informata të rrejshme
është i njëanshëm
anshmëri politike
COMMENTING
nuk ka elemente të komentimit
PLAGIARISM
vepër origjinale
është theksuar autori
TITLE QUALITY
informon
adekuat
i qartë
PHOTOGRAPH
ka
adekuate
informon
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
pjesërisht i rregulluar në aspekt stilistik
i palidhur me tag-e