Ja si krijohet një zinxhir lajmesh me spekulime dhe “burime jozyrtare”
Published in Recensione
on 9 - 11 - 2016 Author: Agron Vrangalla
[Recension: “BDI dhe PDSH po bëhen bashkë kundër opozitës!”]
Në shumë raste ndodh që në tekste të ndryshme lajmesh të vërehet se janë përdorur burime jozyrtare. Burime jozyrtare janë ato burime që janë relevante në raport me ngjarjen që trajtohet, por nuk përfaqësojnë zërat zyrtarë të grupeve të interesit. Janë të informuar, janë të besueshëm dhe vendosin që informacionet që posedojnë t’i shpërndajnë me gazetarët. Kujdes, nuk mund të konsiderohen si burime jozyrtare persona që kanë një lloj distance me ngjarjen dhe që vetëm kanë dëgjuar diçka mbi atë. Këto janë burime jorelevante. Edhe këto janë në dobi të krijimit të horizontit të informacionit nga ana e gazetarit, por vetëm në burime të tilla nuk mund të bazohet një lajm i mirëfilltë.
![[Recension: “BDI dhe PDSH po bëhen bashkë kundër opozitës!”]](http://proverkanafakti.mk/wp-content/uploads/2016/11/Screenshot-121.png)
Linku për te artikulli origjinal: BDI dhe PDSH po bëhen bashkë kundër opozitës!
Data dhe koha e publikimit: 06.11.2016
Data e recensionit: 08.11.2016
Recensues: Agron Vrangalla
Teksti që po recensohet fillon me citimin e një portali tjetër, i cili jozyrtarisht ka mësuar se BDI dhe PDSH do të kenë marrëveshje të fshehtë parazgjedhore për të luftuar bllokun jashtëparlamentar. Domethënë, këtu kemi një zinxhir të transmetimit të një informacioni, i cili, në fund, përsëri ngelet i pakonfirmuar, në asnjë prej këtyre mediave.
Ndryshe, këto lloj burimesh quhen burime të dorës së tretë, të cilët përdoren në mungesë të burimeve të dorës së parë dhe të dorës së dytë. Ndërkohë, në këtë rast, përdorimi i burimeve të dorës së tretë nuk është aspak i nevojshëm, sepse mund të jenë lehtësisht të aksesueshëm dy të parët.
Imagjinoni, këtu flitet për një “marrëveshje të fshehur” parazgjedhore në mes dy partive, ndërkohë që asnjëra nga këto parti nuk është pyetur prej mediave që kanë botuar këtë se a është e vërtetë një gjë e tillë. Pra, lajmi nuk përmbush standardin minimal të gjithpërfshirjes dhe lirisht mund të thuhet se bëhet fjalë për një shpifje apo një gjetje të pabazë. Nga zhurnal.mk, e më pas edhe nga fol.mk. , kanë harruar të kërkojnë prononcim nga vetë qendrat e partive politike. Po që se ato do ta konfirmonin këtë gjë, atëherë ky do të ishte një lajm super-ekskluziv.
Por, ‘konspiracioni’ i lajmit nuk përfundon me kaq. Aty jepen detaje edhe rreth “qëllimit” të këtij bashkëpunimi, e ai është se BDI-PDSH duan të luftojnë BESËN dhe LR-PDSH-në. Në parim, logjika e kësaj gare ndoshta është korrekte. Kuptohet se partitë janë rivale njëra me tjetrën dhe secila prej tyre kërkon të triumfojë ndaj tjetrës. Mirëpo, ndarjet dhe përcaktimet në këtë aspekt janë kryekëput nga portalet, e jo nga “burimet jozyrtare”, siç pretendojnë ato. Këto truqe janë lehtësisht të lexueshme për publikun, lëre që në informimin e tij nuk preferohet që të luhet në një terren, i cili shkel mbi parimet bazë të gazetarisë.
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
kopje të pjesshme
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i rregulluar në aspekt stilistik
i palidhur me tag-e