Keqpërdorimi i fëmijëve duhet të kritikohet, e jo të glorifikohet
Published in Recensione
on 14 - 12 - 2016 Author: Ferikan Iljazi
[Recension : VIDEO: Ahmetin në Kumanovë e shoqëruan fëmijët e dëshmorëve të UÇK-së]
Siç theksuam në recensionin për keqpërdorimin e fëmijëve në fushatë zgjedhore nga ana e Lëvizjes Besa, rast të cilin e denoncoi portali “TetovaSot”, do të japim edhe një shembull të keqpërdorimit të fëmijëve në gjatë fushatës, por që autori i këtij lajmi nuk e ka parë aq të dëmshme. Dy raste thuajse të njëjta, por dy qasje të ndryshme. Krejtësisht të ndryshme.
Linku deri te artikulli origjinal: VIDEO: Ahmetin në Kumanovë e shoqëruan fëmijët e dëshmorëve të UÇK-së
Data dhe koha e publikimit: 03.12.2016
Data e recensionit: 05.12.2016
Recensuese: Ferikan Iljazi
Në këtë tekst prezantohet si krenari, gjest i mirë dhe arritje të sillen fëmijët e dëshmorëve në tubim partiak, edhe pse kjo është e ndaluar me ligje si dhe me konventat ndërkombëtare për mbrojtjen e fëmijëve.
“Lideri i BDI-së Ali Ahmeti, të shtunën pati një pritje madhështore nga shqiptarët e Kumanovës me rrethinë. Me këtë ranë në ujë të gjitha spekulimet dhe dezinformatat e vazhdueshme të disa portaleve dhe mediave joserioze, të cilat duke u përgatitur nëpër kuzhinat antishqiptare, vjellin helm e vrerë kundër simbolit të qëndresës shqiptare në Maqedoni, njofton Zhurnal.mk”
Meqë autori ia lejon vetes kolegët e tij t’i quajë joseriozë, ku është serioziteti i atij që e quan një parti politike “simbol i qëndresës së popullit shqiptar” ose që jep konstatime subjektive dhe glorifikon pritjen e kësaj partie në Kumanovë? Është megafon partie ose gazetar?
“Në mes të Kumanovës, lideri Ahmeti gjatë gjithë kohës u shoqërua nga fëmijët e dëshmorëve të UÇK-së, të cilët tani po shkollohen në gjuhën amtare, po punësohen, dhe si e gjithë rinia shqiptare në Maqedoni, po i shfrytëzojnë frytet e luftës çlirimtare të vitit 2001. Jo rastësisht, edhe lista e kandidatëve për deputetë të zonës numër 2, ku bie Kumanova, Likova, Haraçina, Çairi, etj., udhëhiqet nga njëri ndër luftëtarët e orëve të para të UÇK-së, Ejup Alimi, kurse në listë gjendet edhe djali i dëshmorit të kombit, Abaz Beqiri, i riu Fuat Beqiri, i cili ka deklaruar se amaneti i babait të tij dalëngadalë po realizohet”
Të bëjnë të rrënqethesh këto tekste të glorifikimit. Edhe po të jetë kumtesë partiake, nuk i ka hije ky stil, e aq më pak kur del si produkt i një redaksie për qëllime informative.
Ja edhe perla e radhës. Ahmeti dhe BDI na qenkan forcat e vetme, vendimtarët që do të caktojnë se në cilin drejtim do të ecë Maqedonia. Si do të argumentohet kjo?
“Ahmeti nga Kumanova përcolli porosinë e bashkimit të të gjithë shqiptarëve në kauzën e tij kombëtare, meqë BDI do të jetë forca vendimtare politike, e cila pas 11 dhjetorit do të përcaktojë kahjet se në ç’drejtim do të ecë Maqedonia”
Edhe ai që ka njohuri elementare për politikën e bën dallimin mes blofit, dëshirave dhe realitetit.
13.
Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komenteve.
14.
Raportimi për proceset politike, veçanërisht zgjedhjet, duhet të jetë i paanshëm dhe i balancuar.
Gazetari duhet të sigurojë distancë profesionale prej subjekteve politike.
KODEKSI I GAZETARËVE TË MAQEDONISË
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
informon
jokreativ
senzacionalist
adekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
Keqpërdorim të fëmijëve
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e