Kodi etik i RTM-së si “letër toaleti”
Published in Recensione
on 25 - 02 - 2016 Author: Зоран Бојаровски[Recension: Takim i katër liderëve]
Ditari televiziv i mbrëmjes në televizionin kombëtar më 21 shkurt e shkeli kodin e vet, Kodin etik të RTM-së. Në kulmin e debatit për reformat e medieve, RTM-ja i përgatiti dhe i promovoi standardet profesionale dhe etike të të punësuarve në shërbimin publik mediatik, pjesa më të madhe e të cilave kanë të bëjnë me gazetarët dhe punën e tyre. Mirëpo, ja nuk kaluan as dy muaj të plotë, dhe u shkelën dy nene të rëndësishme të kodit të tyre. Televizioni e fshehu një fakt. Gjegjësisht, informoi në mënyrë të pasaktë se më 21 shkurt në takimin e liderëve kanë qenë të pranishëm të gjithë katër kryetarët e partive më të mëdha politike në vend. E heshti faktin se në atë takim nuk ishte lideri i VMRO-DPMNE-së.
Linku deri te artikulli origjinal: Takim i katër liderëve
Data dhe koha e publikimit: 21.02.2016, 19:32
Data e recensionit: 23.02.2016
Recensues: Zoran Bojarovski
Në ditarin qendror të mbrëmjes, në orën 19:30, prezantuesja e lajmeve paralajmëroi:
Krytearët e katër partive më të mëdha politike në vend bisedojnë me ambasadorët në Klubin e deputetëve…
Pas kësaj të pavërtete në paralajmërimin e lajmeve, pasoi raporti i raportuesit, i cili me telefon njofton se:
Sapo përfundoi takimi i liderëve të katër partive, nënshkruese të Marrëveshjes së Përzhinës…
E gjithë kjo ndodh në intervalin e lajmeve prej minutës 01:50 deri në minutën 03:27.
Me një veprim të tillë, siç thamë më lartë, janë shkelur së paku dy nene të Kodit të tyre.
Ato janë nenet 20 dhe 24 nga kreu i Kodit me titull: “Publiki i informatave në programet e RTM-së”.
Në nenin 20 thuhet:
Informatat duhet të jenë të sakta, të vërteta, objektive, të plota dhe të besueshme.
Informatat duhet të bazohen në vërtetësinë e të dhënave dhe të fakteve dhe në prezantimin dhe vlerësimin e tyre objektiv në kronikë dhe në emisione.
Absolutisht është e ndaluar çdo planifikim, përgatitje ose publikim i dezinformatave, gjegjësisht përhapjes së pjesërishme ose të plotë të gënjeshtrave, informatave të trilluara.
Informatat duhet të verifikohen.
Informatat duhet të përbëhen nga faktet, saktësia e të cilave është verifikuar…
Madje të gjitha paragrafet e këtij neni janë shkelur. Ky është me të vërtetë veprim i papërgjegjshëm.
Neni 24, i plotëson dhe i precizon dispozitat e nenit 20 dhe potencon:
Gazetari duhet të jetë korrekt. Lajmet, raporti, kronika ose emisioni nuk janë korrekte nëse:
– nuk përmbajnë informata të plota;
– nuk i përfshijnë të gjitha faktet që janë në dispozicion dhe që objektivisht janë të rëndësishme;
– përfshin informata të parëndësishme, të cilat në mungesë të fakteve esenciale e ndryshojnë kuptimin, porosinë dhe përshtypjen;
– në mënyra të ndryshme shkaktojnë huti te shikuesit;
– përmbajtja e fjalëve, video-inçizimi, toni, gjestet, shenjat mund të paraqesin anshmëri.
Pse ndodhi kjo, askush nuk e ka të qartë. Aq më tepër, kur tashmë i gjithë publiku, nëpërmjet mjeteve të tjera të informimit, e para së gjithash nëpërmjet internetit, tashmë e dinte se lideri i VMRO-DPMNE-së nuk merr pjesë në atë takim.
Tani duhet të reagojë Komisioni për etikë i televizionit kombëtar, i cili, poashtu është paraparë me këtë kod. Ai ngre procedura në qoftë se ata që janë të përfshirë me këtë kod kanë shkelur ndonjërin nga parimet e tij.
INFOGRAPHIC
TRUTHFULNESS
pjesërisht
pjesërisht
deklarata jo të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
mban anën e një pale
anshmëri politike
COMMENTING
nuk ka elemente të komentimit
PLAGIARISM
vepër origjinale
është theksuar autori
TITLE QUALITY
dezinformon
jokreativ
josenzancionalist
joadekuat
tendencioz
PHOTOGRAPH
nuk ka
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
i rregulluar në aspekt stilistik
i lidhur me tag-e