Komente tendencioze dhe thashetheme të kamufluara si lajm
Published in Recensione
on 11 - 08 - 2016 Author: Agron Vrangalla[Recension: Tahir a je ti? Fatmir… Fazli…]
Tendenca te mediat për të arritur deri te lajmet ekskluzive është e pranishme gjithmonë. Sigurimi i një eksluziviteti konsiderohet si sukses i madh në kuadër të punës së zakonshme te kompanitë mediatike. Mirëpo, eksluziviteti bart me vete edhe përgjegjësi më të madhe, dhe medoemos duhet të shoqërohet me elemente tjera shumë të rëndësishme – fakte, burime konkrete, si dhe verifikim.
Linku për te artikulli origjinal: Tahir a je ti? Fatmir… Fazli…
Data dhe koha e publikimit: 05.07.2016
Data e recensionit: 07.07.2016
Recensues: Agron Vrangalla
Këtu lajmi posedon disa fotografi që flasin për një takim të disa aktivistëve politikë të njohur për opinionin publik. Dhe, në qoftë se këto foto kanë arritur deri në dorën e gazetarëve, atëherë mund të ketë indicie që bëhet fjalë për ndonjë takim të rëndësishëm të këtyre personave. Por, në lajm nuk është shpjeguar asgjë relevante. Në tekst përmendet se këta aktivistë po formojnë një inicijativë politike të re, si rrjedhojë e pakënaqësisë së tyre politike me partinë aktuale në pushtet. Mirëpo, këto të dhëna nuk na i thotë njeri. Pra, kemi një konstatim aq të fuqishëm, në të vërtetë thelbin e vetë lajmit, i cili mbetet “në ajër”.
Po të njëjtën ditë, Fatmir Limani, si një ndër pjesëtarët e këtij takimi, konfirmon për zhurnal.mk se nuk bëhet fjalë për regjistrimin e ndonjë partie të re, por se bëhet fjalë për hapjen e një shoqatë joqeveritare. Tani shtrohet pyetja, çfarë do t’u kushtonte mediave që publikuan lajmin e hapjes së një iniciative ose partie të re që të merrnin një konfirmim nga ndonjëri prej të pranishmëve në atë sallë?!
Përveç pasaktësisë thelbësore të lajmit (sepse nuk bëhet fjalë për ndonjë lapsus por për publikimin e një lajmi ku nuk tregohet e vërteta), teksti në vetvete përmban edhe nuanca të forta të komentimit. Aty renditen një nga një “dështimet” e aktivistëve të apostrofuar shoqatës së re “Lëvizja”, që të lë përshtypjen se bëhet fjalë për ndonjë koment apo analizë, e jo për një lajm. Lajmi në vetvete nuk duhet të posedojë komente të tilla, as tendenciozitetin që dëshmohet me mënyrën se si janë radhitur ato këtu, e as në formë të lëvdatave për aktorët e lajmit.
E thotë bukur Kodi etik i gazetarëve:
“Gazetarët kanë të drejtë për të pasur mendimin, qëndrimin dhe vlerësimin e tyre, por nuk guxojnë që mendimet t’i kamuflojnë sikur të jenë fakte.”
Por çfarë duhet bërë pas një gabimi të tillë? Sipas standardeve etike, gazetarët duhet të kërkojnë ndjesë publikisht për të pavërtetat dhe të bëjnë korrigjim duke publikuar lajmin e saktë me të gjitha elementet profesionale që kërkohen në të.
INFOGRAPHIC
TRUTHFULNESS
nuk ka fakte
pohimet jo të sakta
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
informata të fshehura
BIAS
nuk mund të përcaktohet
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
kopje të pjesshme
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i rregulluar në aspekt stilistik
i lidhur me tag-e