Komenti i gazetarit privon vlerësimin objektiv të lexuesit
Published in Recensione
on 17 - 10 - 2016 Author: Fatlume Dervishi[Recension: “Dikur “bashkë” e plane mjaft. Çfarë ndodhi përnjëherë?! (FOTO)”]
Informimi i shoqëruar me komente e ngushton mundësinë që lexuesi të marrë informata për aspektet më të rëndësishme të një çështjeje, bazën, që më pas të ndërtojë perceptimin dhe vlerësimin e tij mbi të. Imponimi i vlerësimit të vetë gazetarit te lexuesi, me komente të drejtëpërdrejta, nuk është praktikë profesionale. Lexuesit duhet t’i ofrohet pasqyrë e gjithanshme mbi ngjarjen dhe është vetë ai që i jep ngjyrë dhe vlerësim shembëlltyrës që del nga përmbajtja.
Linku deri te artikulli origjinal: “Dikur “bashkë” e plane mjaft. Çfarë ndodhi përnjëherë?! (FOTO)”
Data dhe koha e publikimit: 09.10.2016
Data e recensionit: 10.10.2016
Recensues: Fatlume Dervishi
Koalicioni i mundshëm mes dy partive me proviniencë të ndryshme etnike, LSDM-së dhe BESËS, është e gjithë ideja rreth të cilës rrotullohet ky tekst. Por, këtu ka një dozë të tepruar komentimi. Aq të tepruar, sa që edhe ideja për të verifikuar “thashethemet” përmes burimeve zyrtare, si duket, është vlerësuar si e panevojshme.
“Aq mirë u shkonte muhabeti, sa jemi dëshmitarë edhe të pjesëmarrjes së besatarëve në protestat bashkë me LSDM-në të organizuara nga “Revolucioni i larmë”, iniciuar po nga opozita maqedonase, apo edhe në ngjarje të përbashkëta afër njëri- tjetrit, por që më pas të ndryshojnë gjerat përnjëherë.”
Partitë është dashur të komentojnë bashkëpunimin e tyre të dikurshëm, daljen në protesta për të njëjtën kauzë, diskutimet (nëse ka pasur) për një koalicion parazgjedhor dhe të ngjashme. Përveç asaj që ka qenë dikur, autori mund të pyeste si është situata sot. Jo vetëm që ka mundur, por është dashur që të pyesë patjetër. Në vend të kësaj, në këtë lajm thashethemet e zënë përsëri hapësirën të rezervuar për faktet.
“Kjo kumbari si duket u prish pasi një ish gazetar kaloi në radhët e LSDM-së dhe gjithçka filloi mbrapshtë. Kësaj i shtohet edhe fakti se LSDM është vënë në gjah të votave shqiptare përmes partive të vogla jashtëparlamentare dhe kjo sikur ka shtuar hasmërinë mes opozitarëve maqedonas e shqiptar?! Derisa LSDM synon hyrjen në terrenin e partive të vogla, këta të fundit nuk janë përgjigjur me ndonjë strategji të qartë apo kundërvënëse. Por, si do rrjedhin gjërat më tutje pritet të shohim, ndërsa “beteja” politike teksa ka filluar.”
Natyrisht se pritet që të shohim si do të rrjedhin gjërat. Këtu nuk ka vend për diskutime. Por, çfarë do të ndodhte në qoftë se, në vend se të diskutonte publikisht sikur po diskuton me veten, autori do të kishte nxjerrë në pah fakte që do të flisnin vetë për skenarët e mundshëm? Sigurisht që analiza e tij do të ishte shumë më korrekte dhe më objektive. T’u paraprish ngjarjeve është zotësi profesionale, sidomos në kohën e dikamikës së madhe të qarkullimit të informacionit. Gjithçka tjetër nuk mban ujë për t’u shitur si lajm dhe për të prezantuar objektiven.
Gazetarët kanë të drejtë për të pasur mendimin, qëndrimin dhe vlerësimin e tij, por nuk guzojnë që mendimet e tij t’i kamuflojnë sikur të jenë fakte.
Duhet të jetë qartë të ndara, cilët janë faktet dhe cilat informacionet, dhe cilat janë komente, hipoteza ose qëndrime të autorit për të shmangur dezinfomrimi dhe manipulimin me publikun.
INFOGRAPHIC
TRUTHFULNESS
ka fakte
pohime të sakta
pjesërisht
SOURCES OF INFORMATION
ka burime të evidentuara
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
është i njëanshëm
anshmëri politike
COMMENTING
ka elemente të komentimit
të ndara nga faktet
PLAGIARISM
kopje të plotë
TITLE QUALITY
informon
kreativ
senzacionalist
adekuat
i paqartë
PHOTOGRAPH
ka
adekuate
manipulon
është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
ka linke kontekstuale
i rregulluar në aspekt stilistik
i lidhur me tag-e