Kur miza bëhet ka…
Published in Recensione
on 7 - 06 - 2016 Author: Fatlume Dervishi
[Recension: “Haraçina i thotë STOP Fatmir Limanit”]
Teksti është i ndërtuar vetëm mbi komente dhe nuk është shfrytëzuar asnjë burim. Autorët kryesor të ngjarjes si banorët e Haraçinës dhe vetë Fatmir Limani nuk janë kontaktuar për të marrë qëndrimin e tyre. Fotografia është gjithçka që kemi.
Linku deri te artikulli origjinal: “Haraçina i thotë STOP Fatmir Limanit”
Data dhe koha e publikimit: 01.06.2016
Data e recensionit: 06.06.2016
Recensues: Fatlume Dervishi
Autori është nisur vetëm nga një fotografi për të bërë një lajm, por ka dështuar për disa arsye. E para, askush në tekst nuk paraqitet për të sqaruar domethënien e kësaj fotografie, dhe, në mungesë të burimit, autori e bën vetë këtë punë. Banorët e Haraçinës përmenden, por nuk është bërë një anketë me ta, me qëllim që gjithçka të ishte më e besueshme.
E dyta, teksti përmban shumë komente dhe vlerësime të vetë autorit.
“Patrioti” i cili mundohet të manipulojë shqiptarët me përkulje para dëshmorëve dhe duke vendosur lule mbi varre e natën duke miratuar projekte maqedonase duke ua bërë parajsë jetën, i ka irituar banorët e Haraçinës duke ia ndaluar hyrjen në këtë komunë. Siç shihet këto shqiptarë të kësaj ane kanë vendosur që ta ndalojnë hyrjen e tij që të mos vajtojë ditën për dëshmorët e natën të privilegjohet nga shteti duke heshtur për “Parajsën maqedonase”, shkruan TetovaSot.
Sipas parimeve etike, nuk është e lejueshme që autori të bëjë komente personale në tekst, ose të paktën jo pa e theksuar shumë qartë se ai është mendim i tij individual dhe nuk shfrytëzohet si fakt i dëshmuar në tekst.
Këtë e thotë shumë qartë Kodi Etik i Gazetarëve të Maqedonisë.
- Gazetarët kanë të drejtë për të pasur mendimin, qëndrimin dhe vlerësimin e tij, por nuk guxojnë që mendimet e tyre t’i kamuflojnë sikur të jenë fakte.
- Duhet të jetë qartë të ndara, cilët janë faktet dhe cilat informacionet, dhe cilat janë komente, hipoteza ose qëndrime të autorit për të shmangur dezinfomrimin dhe manipulimin me publikun.
E treta, në përmbajtje nuk kemi asnjë burim më shumë se sa një fotografi, përshkrimi i të cilës lë shumë hapësirë për dyshime. Teksti thotë “Në të gjithë komunën e Haraçinës shihen fletushka të ngjitura “STOP Fatmir Limani”…” por autori na ka ofruar të njëjtën pamje të kapur nga këndvështrime të ndryshme, kurse vendet tjera ku pretendohet se është e ngjitur ky mbishkrim (sepse kjo në fotografi nuk është fletushkë) lexuesi nuk i sheh askund.
E fundit, lexuesit nuk i është ofruar më shumë informacion mbi lidhjen që ka Fatmir Limani me “Parkun e Parajsës”, së paku qëndrimet e ndonjë njohësi të rrethanave për të sqaruar se pse kjo është e dëmshme për shqiptarët (meqë si të tillë e ka “shitur” autori).
Prandaj, në bazë të materialit që na servohet, teksti është i njëanshëm dhe tendecioz, mungojnë burimet që kanë qenë të patjetërsueshme për ndërtimin e lajmit, mungojnë detajet dhe mungojnë faktet.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
1 burim
asnjë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
nuk mund të përcaktohet
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e