Lajm gjysmak, i njëanshëm dhe jo gjithpërfshirës
Published in Recensione
on 6 - 10 - 2016 Author: Fatlume Dervishi[Recension: “Kërçovë, studim për modernizimin e termocentralit të Osllomesë”]
Prezantimi për modernizimin e Termocentralit të Osllomesë parasheh masat e uljes së ndotjes… Kjo është koka e një artikulli i cili ndotjen, si pjesë më me interes në këtë temë, e mbulon vetëm me këto fjalë. Nuk është marrë parasysh shqetësimi i të gjitha palëve të përfshira. Modernizimi dhe e funksionimi i termocentralit, janë kryefjala e artikullit, ndërsa ndërmarrja për të cilën flitet është i vetmi burim. Për shtjellim të një teme të tillë kjo nuk mjafton.
Linku deri te artikulli origjinal: “Kërçovë, studim për modernizimin e termocentralit të Osllomesë”
Data dhe koha e publikimit: 29.09.2016, 16:21
Data e recensionit: 02.10.2016
Recensues: Fatlume Dervishi
Artikulli është fokusuar në diskutimin për gjetjen e një zgjidhje për funksionim më të mirë dhe kapacitet më të plotë të këtij termocentrali në të ardhmen. Në sy bie qasja e tërthortë ndaj problemit. Nuk qartësohet pse janë të nevojshme këto ndryshime, përse mu tash bëhet ky lajm? Nuk ka as të dhëna për funksionimin aktual të termocentralit dhe pasojave nga puna e tij.
“Prezantimi për modernizimin e Termocentralit të Osllomesë parasheh masat e uljes së ndotjes, mënyrën e transportit të qymyrit nga vendet e treta dhe cilësinë e tij, i cili do të ulë edhe përmasat e misioneve të gazrave.”
Gazetari nuk duhet të tolerojë që kur të flitet për një termocentral që gjendet në mes të disa vendbanimeve, përveç nevojës së modernizimit të tij, të mos trajtojë edhe aspektin tjetër, mënyrën se si puna e tij përshkruhet nga ekspertët e fushës dhe dëmin dhe shqetësimin e mundshëm që shkakton te banorët e zonës. Fillimisht, shqetësimit shëndetësor, pastaj edhe higjienik, aspektet e ndikimit mbi ambientin etj. Ky tekst nuk na përcjell shqetësime të kësaj natyre dhe nuk na tregon nëse ato ekzistojnë. Flet vetëm ndërmarrja dhe askush tjetër.
“Zëvendësdrejtori i ELEM-it, Fatmir Limani, thotë se Termocentrali i Osllomesë, në mungesë të shtresave të qymyrit, përgjatë tre viteve të kaluara nuk ka funksionuar me kapacitet të plotë, prandaj këto intervenime që parashihen me këtë projekt janë të domosdoshme.”
As nuk thuhet nëse në këtë debat është prekur si temë çështja e ndotjes së ajrit që shkakton ky termocentral. Nëse jo, atë duhet ta kishtë bërë pikërisht gazetari. Të paktën të kishte tentuar për të arritur deri te ndonjë përgjigje. A i respekton ky termocentral ligjet dhe rregullat për vendosjen e filtrave, sa mikrogrimca të dëmshme shpërndahen në ajrin që thithin banorët që jetojnë afër tij dhe si e komentojnë këtë mjekët e zonës nga aspekti shëndetësor? Kytëre pyetjeve nuk mund t’ua gjejmë përgjigjen në këtë përmbajtje.
“Pas prezantimit të këtij studimi, ku morën pjesë edhe përfaqësues të komunës së Kërçovës, shoqata joqeveritare dhe ekspertë të kësaj lëmie, u diskutuan shumë çështje që kanë të bëjnë me aspektin ekologjik dhe socio-ekonomik të këtij projekti, i cili, sipas vlerësimeve, do të sigurojë funksionimin e Termocentralit të Osllomesë për 30 vitet e ardhshme.”
Është shumë pak ose aspak e rëndësishme kush ka qenë prezent në debat, përderisa nuk transmetohet diskutimi mbi shqetësimet dhe sfidat kryesore që janë shprehur aty. Pyetja e vërtetë nuk është nëse “TEC Osllome” do të arrijë të mbijetojë edhe 30 vitet e ardhme, por sa i plotëson kushtet ligjore që të vazhdojë të funksionojë. Këto përgjigje, po ashtu, lexuesit nuk mund t’i gjejnë në këtë tekst.
Provimi i të dhënave dhe saktësia janë imperativ moral i gazetarësisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura.
Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare
relevante,
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
nuk ka elemente të komentimit
PLAGIARISM
vepër origjinale
TITLE QUALITY
nuk informon
jokreativ
josenzancionalist
adekuat
i paqartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i palidhur me tag-e