Lajm i dështuar në varg
Published in Recensione
on 17 - 06 - 2016 Author: Димитар Тануров
[Recension: Miliarderi i njohur ofron 180 milionë dollarë për ta martuar vajzën e tij – detyra e burrit që do të pajtohet nuk është aspak e lehtë]
Informata, sipas mënyrës në të cilën është shkruar dhe sipas përmbajtjes, më tepër bën pjesë në rubrikën “Zbavitje”, se sa “Bota”. Njëkohësisht, është e vjetër disa vjet. Në të ka element të ri, dhe mu për këtë arsye është dashur të shkruhet si lajm në varg.
Linku deri te artikulli origjinal: Miliarderi i njohur ofron 180 milionë dollarë për ta martuar vajzën e tij – detyra e burrit që do të pajtohet nuk është aspak e lehtë
Data dhe koha e publikimit: 13.06.2016, 19:26
Data e recensionit: 14.06.2016
Recensues: Dimitar Tanurov
ZHVENDOSJE PËR HUTIM
“Ky njeri qartazi ka shumë para, dhe nuk e di se çka të bëjë me to. Njoftohuni me Sesia Çao-n, njeriun që u pasurua me perandori të madhe të patundshmërive”.
Kreu i lajmi është komentues dhe në të nuk zbulohet esenca e informatës, por përshkruhet personi që është në fokus të informatës. Informatat e këtilla zakonisht shënohen më poshtë në lajm, pa marrë parasysh se bëht fjalë për lajm me karakter zbavitës. Megjithatë edhe te këto lajme, pa marrë parasysh që kanë një qasje më të lirë të shkrimit, vlejnë rregullat e gazetarisë që parashohin që kreu i lajmit të jetë në fillim.
Në këtë rast, një pjesë e kreut të lajmit është vendosur krejtësisht në fund, e në ndërkohë jepen informata të cilat sipas natyrës së tyre nuk duhet të vendosen në plan të parë, por më poshtë në tekst.
Gjuha në të cilën është shkruar teksti nuk i respekton standardet. Në tekst ka mjaft serbizma. Njëkohësisht edhe emri i pasanikut është transkriptuar gabimisht, me gjasë pasi që teksti burimor ka qenë në serbisht, kështu që emri i tij është shkruar në formë të rasës, Sesila, në vend të Sesil, siç do t duhet të ishte. Poashtu, gjatë shkrimit të artikullit nuk janë respektuar as rregullat gramatikore, veçanërisht ato që kanë të bëjnë me sintaksën.
SHUMA KA NDRYSHUAR, LAJMI “ËSHTË VJETËRUAR”
Njëkohësisht, bëhet fjalë për lajm të vjetër, që daton nga viti 2012, mirëpo në të ka element të ri, e ai është shuma që tani ofrohet si shpërblim. Duke pasur parasysh se bëhet fjalë për lajm të vjetër, artikulli do të duhej të paraqesë lajm në varg, gjegjësisht t’u rikthehet informatave paraprake, si për shembull, se oferta e parë e pasanikut është bërë në vitin 2012, e pastaj, është rritur dyfish në vitin 2014.
Poashtu, nuk theksohet se shkaku i ofertës është ajo se biznesmeni kinez nuk dëshiron të pajtohet me faktin se vajza e tij në vitin 2012 është futur në partneritet civil me partneren e saj shumëvjeçare.
Lajmi i konceptuar në këtë mënyrë nuk i ofron pasqyrë të plotë lexuesit, i cili në qoftë se nuk i di informatat paraprake, do të mund të mendonte se ndoshta bëhet fjalë për ndonjë rast të ri. Nga ana tjetër, ata që janë të njoftuar me tregimin, me siguri pa iu rikthyer informatave paraprake do të fitojnë përshtypje se bëhet fjalë për informatë të përtypur kush e di kur, që shërben vetëm për tërheqjen e klikimeve.
INFOGRAPHIC
TRUTHFULNESS
ka fakte
pjesërisht
deklarata të vërteta
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
nuk ka shtrembërim të së vërtetës (spin)
nuk ka informata të rrejshme
nuk aplikohet
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar autori, nuk është theksuar burimi
TITLE QUALITY
nuk informon
jokreativ
senzacionalist
joadekuat
i paqartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i palexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e