Lajm i qëlluar i stërkequr me komente
Published in Recensione
on 11 - 07 - 2016 Author: Adrian Kerimi[Recension: Ministrat e çrregullt të BDI-së]
Një pjesë e portaleve dinë të bëjnë spektakël në shkrim. Këtë aftësi nuk mund t’ua kontestojë askush, madje as gazetarët më profesionistë. Një spektakël i tillë është edhe rasti në fjalë. Redaksia, apo gazetari i cili ka gjetur këtë informacion dhe këtë lajm meriton respekt, pasi syri gazetaresk ka vërejtur diçka që nuk e vërën çdo vizitues i ueb faqes së ministrisë në fjalë.
Mirëpo, pavarësisht syrit të mprehtë, teksti shkel shumë parime profesionale. E para është se teksti është nisur me tendencë dhe kritika jo konstruktive. Në të nuk denoncohet një gabim trashanik i një zyrtari, por një kabinet i tërë i ministrave. Kujtojmë që gazetari duhet të merret vetëm më informacionin, e jo të gjeneralizojë me çështjen e kualitetit politik të një partie, pasi që këtu kalon nga kompetencat e tij të përpiluesit të një lajmi dhe merr rolin e “analistit”.
Ministrat e ri të BDI-së të cilët para opinionit nga kjo parti u prezantuan se do sjellin një frymë të re politke, ata e kanë vazhduar avazin e Ministrave të vjetër në veprime me përplot gabime. Kështu, Ministrja e Vetëqevrisje Lokale nga radhët e BDI-së, Shirete Elezi në faqen zyrtare të kësaj ministrie, në përpilimin e CV duket se ka hasur në pengesa gjatë përkthimit maqedonisht – shqip me “google translate”. Me çka, ministria del se e ka përkthyer keq shprehjen e gjuhës së tyre zartare nga “vonreden profesor”, që për ata që e dinë shqipen mirë, nuk është profesor i ç’rregullt, por është “profesor inordinar”, shkruan Almakos.
Linku deri te artikulli origjinal: “Ministrat e çrregullt të BDI-së”
Data dhe koha e publikimit: 08.07.2016
Data e recensionit: 08.07.2016
Recensues: Adrian Kerimi
Në titullin e recensionit thamë se lajmi është plotësisht i qëlluar. Madje, as mediave më të mëdha me shumë më tepër resurse nuk u ka rënë në sy një gabim i tillë, pavarësisht se gazetarët ndoshta dhjetëra herë e kanë hapur këtë internet dritare të Ministrisë së pushtetit lokal. Megjithatë, ajo që nuk shkon në tekst dhe që e ka bërë atë tendencioz janë komentet dhe nënçmimet që i bëhen një zyrtareje, por edhe kolegëve të saj.
Gazetari nuk ka të drejtë që mendimet e tij personale t’i plasojë si fakte, aq më tepër kur dihet se ai mban përgjegjësi për fjalën e thënë në publik dhe se gjuha e tij duhet të jetë etike dhe jo fyese.
“Gazetarët kanë detyrim që të kultivojnë kulturën e të folurit, Përdorimi i gjuhës së ashpër mund të arsyetohet nga aspekti editorial, vetëm nëse është në pyetje interesi publik”, Doracaku për interesin publik në gazetari, kapitulli 8, Dëmi dhe fyerja, faqe 57.
Gazetari është i obliguar që në këtë rast fillimisht të kërkojë qëndrim nga vetë ministrja Shirete Elezi apo nga kabineti i saj, e më pas të publikojë lajmin, me qëllim që të ketë edhe qëndrimin ose të palës tjetër ose së paku të tentojë të marrë atë.
Megjithëse e shkruar edhe si fjalë edhe në drejtshkrim gabim (i çregullt; shih në foto) – pra do të duhej “i çrregullt”, kjo mund t’i falet, ama kur e shohim se cili është kuptimi i fjalës “i çrregullt” në Fjalorin e Gjuhës së Sotme Shqipe, të vjen gjynah se si BDI vazhdon kinse me Ministrat të ri në moshë e frymë politike, por që vazhdojnë të jenë si ato të vjetrit në veprime që bëhen Ministra.
Megjithatë, duke e parë njohurinë e Ministrave të BDI-së që kanë me shqipen, mbase edhe në këtë rast më hije u ka të qëndrojë fjala që edhe ashtu e kanë shënuar gabimisht “të çregullt”.
Në tekst nuk qartësohet nëse është kërkuar qëndrim nga pala e apostrofuar ose jo, por me gjasë një hap të tillë profesional për të plotësuar këtë kontribut nuk është marrë. Në gazetarinë profesionale, prania e palës tjetër e vulos informimin objektiv dhe raportimin e balancuar.
INFOGRAPHIC
TRUTHFULNESS
ka fakte
pohime të sakta
:
SOURCES OF INFORMATION
ka burime të evidentuara
zyrtare
relevante
1 burim
EXTENSIVENESS
jogjithëpërfshirës
nuk ka informata të fshehura
BIAS
:
nuk ka shtrembërim të së vërtetës (spin)
nuk ka informata të rrejshme
është i njëanshëm
anshmëri politike
COMMENTING
ka elemente të komentimit
të ndara nga faktet
PLAGIARISM
nuk është theksuar autori, është theksuar burimi pa link
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
i rregulluar në aspekt stilistik
i palidhur me tag-e