Lajm i vjetër, pa asgjë të re
Published in Recensione
on 25 - 08 - 2016 Author: Fatlume Dervishi[Recension: “21 vjeçari rom dënohet me 13 vjet burg për vjedhjen e 100 eurove”]
Aktualizimi i problemeve të vazhdueshme është strategji e zakonshme e mediave, por me qëllim që në tekstet që riaktualizojnë një problem të ketë lajm apo risi, diçka të re që do të ishte me interes për publikun. Lajmet e vjetra nuk mund të aktualizohen në formën sikur të kenë ndodhur tani. Kjo është jashtë etikës profesionale.
Linku deri te artikulli origjinal: “21 vjeçari rom dënohet me 13 vjet burg për vjedhjen e 100 eurove”
Data dhe koha e publikimit: 24.08.2016
Data e recensionit: 25.08.2016
Recensues: Fatlume Dervishi
Autori ka marrë një ngjarje të vjetër dhe e ka “shitur” atë sikur të jetë aktuale. Në fakt ngjarja ka ndodhur në vitin 2014, por kjo nuk bëhet e ditur në lajm.
Familja rome Sejfula në Kumanovë thotë se ende është shokuar nga vendimi i gjykatës ndaj djalit të tyre 21 vjeçar që u dënua me 13 vjet burg, për vjedhjen e 100 eurove.
Nuk qartësohet nëse pretendimi se “Familja rome Sejfula në Kumanovë thotë se ende është shokuar” është informacion i ri. Madje, deklarata e babait është e vjetër dhe mund të gjendet e transmetuar në të gjithë mediat, plot dy vite më parë. (Shiko këtu)
Autori nuk qartëson pse ka vendosur theksin në përkatësisë etnike e të dënuarit. Nëse ai pretendon se pikërisht përkatësia etnike ka qenë shkaku për masën e lartë të dënimit që ka marrë ky person, tema duhet të trajtohej me më shumë përkushtim. Kurse aktuale mund të bëhej vetëm nëse tani shpejt ka pasur raste të tjera të ngjashme.
Babai i të dënuarit ka theksuar se djali i tij do të vuaj burgun prej 13 viteve, sikur të kishte vrarë dikë. “Ky vendim është turp për gjyqësinë. Kjo është e shpifur. Për shkak të këtij dënimi të lartë, shoqatat e komunitetit rom kanë paralajmëruar protesta masive në rast se nuk do të bëhet korrigjimi i tij. (INA)
Praktikisht, këtu nuk ka lajm, sepse nuk ka asgjë të re. Autori nuk ka kontaktuar përsëri familjarët e të dënuarit për të mësuar shqetësimin e tyre sot pas dy vitesh, dhe nuk jep asnjë të dhënë të re për rastin. Në përmbajtje nuk ka as ndonjë jurist ose avokat për të komentuar nëse vendimi i para dy viteve ishte i drejtë dhe sa të shpeshta janë vendime të tilla të gjykatave në Maqedoni. Asnjë “karrem” nuk është përdorur për të tërhequr lajmin nga e kaluara dhe për ta sjellë atë në aktualitet. E vjetër është edhe fotografia e përdorur.
Në këtë mënyrë është bërë manipulim i publikut, duke mos i ofruar lajm, por diçka të vjetër dhe tashmë të konsumuar.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
COMMENTING
nuk ka elemente të komentimit
PLAGIARISM
kopje të pjesshme
TITLE QUALITY
dezinformon
kreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
Stereotipizim i një komuniteti
nuk ka gjuhë të urrejtjes
nuk nxit për përdorimin e dhunës
Krijon paragjykim
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e