Luftë apo stërvitje, e bëni dot dallimin?
Published in Recensione
on 15 - 07 - 2016 Author: Fatlume Dervishi
[Recension: “Kontakt i afërt mes ushtarëve të Kosovës dhe Maqedonisë, pati edhe “gjuajtje””]
Dy ushtri që ndodhen përballë njëra tjetrës, ndërkohë që media raporton edhe për të shtëna mes tyre. Kjo sjell asocijime në diçka, për të cilën do të kishte interesim çdo qytetar i cilitdo prej dy vendeve. Shqetësimi është serioz, meqë nënkupton se kërcënohet siguria e qytetarëve. Mirëpo, në fakt, qenka komplet diçka tjetër, madje e kundërta prej asaj që tregon titulli.
Linku deri te artikulli origjinal: “Kontakt i afërt mes ushtarëve të Kosovës dhe Maqedonisë, pati edhe “gjuajtje”
Data e publikimit: 13.07.2016
Data e recensionit: 14.07.2016
Recensues: Fatlume Dervishi
Ka pasur disa zhvillime në vitet e kaluara, që kanë vënë në sprovë marrëdhëniet mes dy vendeve, Kosovës dhe Maqedonisë. Prandaj titulli “Kontakt i afërt mes ushtarëve të Kosovës dhe Maqedonisë, pati edhe “gjuajtje””, e ‘urdhëron’ logjikën e lexuesit të mendojë se marrëdhëniet mes dy shteteve janë acaruar, mbase si pasojë e zhvillimeve paraprake, e se gjendja është përshkallëzuar deri sa edhe kanë sulmuar njëri – tjetrin.
Kur lexuesi i interesuar hap tekstin për të mësuar më shumë, gjithçka që i kishte thënë titulli i kthehet mbrapsht. Me detaje, teksti tregon se bëhet fjalë për një stërvitje mes forcave ushtarake të disa shteteve të botës, e cila ka zënë vend në Maqedoni dhe ku kanë marrë pjesë edhe forca të ushtrisë së Kosovës.
“Kadetë të Forcës së Sigurisë së Kosovës, 10 ditë ushtruan bashkë me ushtarë të 13 shteteve të botës. Në Krivollak të Maqedonisë ata bënë ushtrime krahas ushtarëve të SHBA-ve, Britanisë së Madhe, Turqisë, Sllovenisë, Rumanisë, Italisë, Shqipërisë, Maqedonisë dhe vendeve tjera. Të shtëna ka pasur, por vetëm me armë manovruese në funksion të stërvitjeve të përbashkëta.”
Në vend që të informojë për stërvitjen si diçka të jashtëzakonshme dhe pozitive, teksti nëpërmjet titullit e ka kthyer atë në diçka të jashtëzakonshme por negative. Pjesa tjetër e tekstit është në rregull. Informacioni është përcjellë nga këndvështrimi i mediave të Kosovës dhe të njëjtin mund ta lexojmë në disa prej tyre, me tituj shumë të rregullt, informues dhe jotendencioz.
Kadetë të FSK-së bashkë me ushtarë të 13 shteteve në ushtrime në Maqedoni
Kadetët e FSK-së, bashkë me ushtarë të 13 shteteve në Krivollak
Kadetë të FSK-së bashkë me ushtarë të 13 shteteve në ushtrime në Maqedoni
Mund të përfundojmë se përzgjedhja e këtij titulli nuk ka qenë e rastësishme dhe as lapsus i gazetarit, por ka qenë e qëllimshme, për të tërhequr vëmendjen dhe rritur lexueshmërinë, duke harruar se kjo mund të pasojë me shkaktimin e frikës dhe pasigurisë te lexuesit.
I njëjti tekst, po me titull të këtillë si në Ina-Online.net, tendencioz, është publikuar edhe në Lajmpress.mk kurse Tetova1, pas po të njëjtit titull, në kllapa ka sqaruar se bëhet fjalë për stërvitje.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
më tepër burime
më tepër palë
EXTENSIVENESS
gjithëpërfshirës
nuk ka informata të fshehura
BIAS
plotësisht e paraqet të vërtetën
ka shtrembërim të së vërtetës (spin)
nuk ka informata të rrejshme
është i balancuar
COMMENTING
nuk ka elemente të komentimit
PLAGIARISM
kopje të plotë
nuk është theksuar autori, nuk është theksuar burimi
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i lidhur me tag-e