‘Lutjet’ në vend të fakteve dëmtojnë shëndetin e gazetarisë profesionale
Published in Recensione
on 8 - 06 - 2016 Author: Ferikan Iljazi
[Recension: Për kë po lutet BDI-ja, për shëndetin e Gruevskit, apo të Mijallkovit?]
Kur përzihen informatat me komente e me gjithçka tjetër, përmbajtja humb epitetin e një lajmi profesional. Teksti që do të recensojmë në vazhdim është herë informativ e herë ironizues. Autori ka dashur që nëpërmjet një ngjarjeje ditore të përcjellë një mesazh gjoja nga qytetarët në rrjetet sociale, por si duket e ka huqur qëllimin e tekstit.
Linku deri te artikulli origjinal: Për kë po lutet BDI-ja, për shëndetin e Gruevskit, apo të Mijallkovit?
Data dhe koha e publikimit: 30.05.2016, ora 15:00
Data e recensionit: 08.06.2016
Recensuese: Ferikan Iljazi
Që në titull autori, i këtij teksti nxit interes se për kë po luteshka BDI-ja, duke aluduar në miqësi të ngushtë të kësaj partie me liderin e VMRO-DPMNE-së Nikolla Gruevski dhe ish shefin e DSK-së Sasho Mijallkov. Por, teksti në vazhdim është dëshpërues, pasi titulli nuk ka të bëjë fare me brendinë e lajmit. Në vend se të jepen përgjigjet e pyetjes së vendosur në titull, autori në vazhdim jep informatë ditore për hapjen e një xhamie në përurimin e së cilës marrin pjesë edhe zyrtarë të partisë shqiptare në pushtet BDI.
“Kryetari i Komunës së Gostivarit, Nevzat Bejta mori pjesë në ceremoninë e hapjes së Xhamisë së Re në fshatin Nistrovë të Rekës së Epërme. Në këtë solemnitet, përpos delegacionit të Bashkësisë Fetare Islame, përfshi Muftininë e Gostivarit dhe disa Muftini të tjera, si dhe banorëve vendas dhe fshatrave përreth, kishin ardhur edhe mysafirë të shumtë nga viset e tjera shqiptare”
Tek më vonë, ironia vjen në shprehje. Ai lexues që nuk ka durim t’i shkojë tekstit deri në fund, do të ishte nervozuar që në paragrafin e parë dhe do të linte tekstin pa e lexuar.
“Nga ky eveniment janë dërguar foto, ku mes trjerëve vërehen edhe kryetari i komunës së Gostivarit nevzat bejta dhe Ministri i drejtësisë, Valdet Xhaferri, duke bë dua. Shumë komentues kanë parashtruar pyetjen nëse ata po bëjnë dua për shëndetin e Gruevski, apo të Mijallkovit, duke aluduar te jarania afatgjatë e BDI-së me VMRO-në edhe përkundër shumë ngjarjeve tragjike për shqiptarët gjatë kësaj periudhe”
Ironia është e lejuar kur bëhen komente apo kur shkruhen editoriale, por në tekste të tilla, në rubrikat e informacionit, një gjë e tillë është e tepërt. Madje, fakti se është përdorur besimi fetar për “qerimin e hesapeve” me politikanë që nuk i pelqejnë autorit apo redaksisë, nuk është fare veprim profesional. Si individë kemi të drejtë të simpatizojmë apo të mos pëlqejmë subjekte politike apo politikanë, por në punën tonë profesionale, kur bëjmë lajme apo raporte, duhet të mundohemi deri në fund për të shkruar me kokë të ftohtë dhe pa fjalë të pa menduara mirë.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
është i njëanshëm
anshmëri politike, anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i parregulluar në aspekt stilistik
i palidhur me tag-e