Me tekst skandaloz nuk raportohet për skandale!
Published in Recensione
on 17 - 08 - 2016 Author: Xhenis Sulimani[Recension: Skandal/ aktivistët e BDI-së në Hasanbeg: nëse na jepni votat, ua sjellim bagerat]
Manipulimet e partive në pushtet me elektoratin janë të një rëndësie të veçantë. Dhe, me të drejtë gazetari mund të shtrojë publikisht dyshime dhe dilema. Mirëpo dyshimet apo përfundimet mbi çështjen që e trajton duhet t’i argumentojë në mënyrë precize, me burime dhe me fakte, me qëllim që informacioni të arrijë të opinioni i plotë, i vërtetuar dhe objektiv.
Linku deri te artikulli origjinal: “Skandal/ aktivistët e BDI-së në Hasanbeg: nëse na jepni votat, ua sjellim bagerat”
Data dhe koha e publikimit: 12.08.2016
Data e recensionit: 17.08.2016
Recensues: Xhenis Sulimani
Produkti gazetaresk që po e recensojmë pretendon të informojë për një skandal, por të njëjtin nuk e verifikon më asnjë argument. Në tekst thuhet se banorëve të lagjes së Hasanbegut në Shkup u thuhet se “nëse duan që të pastrojnë shtëpitë e tyre duhet t’i sigurojnë që do ta votojnë BDI-në”.
“Hasanbegasit po alarmojnë se aktivistët e BDI-së në këto lagje shqiptare u thonë banorëve, se nëse duan që të pastrojnë shtëpitë e tyre duhet t’i sigurojnë që do ta votojnë BDI-në, e më pas do t’u dërgojnë mjetet e nevojshme për pastrimin e shtëpive të tyre, si bagera etj. Ata thonë se këtë nuk ua ka guxuar të ua bëjë as Çubrilloviçi e as Millosheviçi.”
Autori i tekstit për pohimet e mësipërme nuk ka asnjë argument të vetëm. Asnjë audio incizim nga prononcimet e banorëve, asnjë deklaratë të shkruar apo video. E të mos flasim për mospërfshirjen apo mungesën e prononcimit të palës së ‘akuzuar’. Këto elemente do të ishin argumente për atë që e ngre si skandal autori. E vërteta gazetareske është e barabartë me përmbledhje faktesh. Po ashtu, edhe transparenca e gazetarëve matet me fakte.
Po të vërtetohej skandali, me një informacion të plotë, preciz dhe të verifikuar, opinioni do të fitonte pasqyrë reale për politikat manipuluese. Në këso rastesh, në vend të zbulimit të sjelljes skandaloze të partisë në pushtet , siç ka pretenduar përmbajtja, skandali shkon si “autogol” për vetë tekstin dhe autorin e tij.
“Saktësia e informatës duhet të provohet sa më shumë të jetë e mundur. Nëse gazetari vlerëson se informacioni i paprovuar është me interes publik, është i obliguar ta publikojë, por duke saktësuar se bëhet fjalë për informacion të pakonfirmuar”, thonë standardet të etikës gazetareske.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
është i njëanshëm
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
Spekulon pa fakte
jokreativ
senzacionalist
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e