Muhabet çarshie!
Published in Recensione
on 22 - 07 - 2016 Author: Димитар Тануров
[Recension: Ivona e një milionëshit mashtrohet – e padëshiruar për redaktore të Dnevnik-ut ?!]
Materiali që e recensojmë është spekulues dhe komentues, mirëpo nuk është i mbështetur me asnjë fakt ose deklaratë, dhe për këtë arsye më tepër i ngjan muhabetit të çarshisë, se sa produktit gazetaresk.
Linku deri te artikulli origjinal: Ivona e një milionëshit mashtrohet – e padëshiruar për redaktore të Dnevnik-ut ?!
Data dhe koha e publikimit: 17.07. 2016
Data e recensionit: 19. 07. 2016
Recensues: Dimitar Tanurov
PËRGOJIM
Vetë titulli paralajmëron se teksti do të jetë etiketues dhe komentues. Në asnjë pjesë të këtij publikimi nuk theksohet burimi i informatave, dhe për këtë arsye vihet në pikëpyetje vërtetësia e tij.
Artikulli më tepër i ngjan përgojimit. Në të nuk ka asnjë vërtetim për pohimet e bëra, nuk janë kërkuar deklarata as nga Ivona Talevska, as nga MPM-ja e as nga “Dnevnik”-u, mirëpo as nga pronarët e “Veçer”-it dhe të “Sitel”-it, të cilët, poashtu, përmenden në tekst.
Për nga forma e tij, me siguri do të duhej të ishte lajm klasik, mirëpo në të, përveç komenteve dhe spekulimeve, nuk ka fakte me të cilat do të mbështetet informata paushalle që plasohet si e vërtetë e qindpërqindtë. Kjo më së miri mund të vërehet nga fjalitë e mëposhtme:
“Partia në pushtet, grushti goditës i të cilës me vitë është dyshja Ivona dhe Laki, para do kohësh ka planifikuar që gazetën “Dnevnik” ta “përforcojë, gjegjësisht në pozitën udhëheqëse në periudhën parazgjedhore ta vendosë Ivonën. Ideja e këtillë ka hasur në thikë nga menaxhmenti dhe pronarët e MPM-së, të cilët prerazi nuk kanë dashur të dëgjojnë që Ivona të gjendet në listën e tyre të rrogave, e lëre më si kryeredaktore”.
PA DISTANCË PROFESIONALE
Artikulli është përplot me gabime shtypi dhe ka pikësim joadekuat. Poashtu, në përputhje me standardet gazetareske për shkrim të artikujve, personat që përmenden në një tekst theksohen me emër dhe mbiemër ose vetëm me mbiemër, madje edhe atëherë kur bëhet fjalë për persona që i kemi të afërt në jetën private. Në atë mënyrë bëhet distanca profesionale. Në rastin konkret, përdorimi vetëm i emrit ka qëllim të nënçmojë dhe të tallet me njerëzit e përmendur.
Teksti është shkruar dhe është plasuar në atë mënyrë që janë shkelur disa nene të Kodit të gazetarëve, në mesin e të cilave:
Gazetari duhet të botojë informata të vërteta e të konfirmuara dhe nuk do të fshehë të dhëna esenciale e as nuk do të falsifikojë dokumente. Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar. Saktësia e informatës duhet vërtetuar aq sa është e mundur. (Neni 1)
Gazetari do të cekë burimin e informatave, mirëpo, nëse burimi kërkon që të mbetet anonim, gazetari do ta mbrojë atë.(Neni 4)
Gazetarët duhet të bëjnë dallim ndërmjet fakteve dhe mendimeve, ndërmjet lajmit dhe komentit. (Neni 13)
Gazetari duhet ta kultivojë kulturën e të folurit dhe etikën. Komunikimi i pasjellshëm me opinionin nuk ka të bëjë aspak me profesionin e gazetarit. (Neni 15)
Gazetari do ta ruajë prestigjin dhe dinjitetin e profesionit të tij, do ta nxisë solidaritetin reciprok dhe pluralizmin e mendimeve dhe nuk do ta përdorë medien e tij për t’i qëruar hesapet me persona të ndryshëm, duke i përfshirë këtu edhe kolegët e tij. (Neni 16)
INFOGRAPHIC
TRUTHFULNESS
nuk ka fakte
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
nuk mund të përcaktohet
nuk është theksuar burimi
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i palidhur me tag-e