Nga lajme joprofesionale lexuesi do të ikë
Published in Recensione
on 20 - 01 - 2016 Author: Ferikan Iljazi
[Kryetari i RDSH-së, Rustemi, e dëgjon Profesoreshën Karakamisheva, e merr kuferin dhe ik në Afrikë]
Një lajm bosh që nuk ka asnjë interes publik. Mungesa e hulumtimit për lajme të reja nuk duhet të nxisë shkrime të këtilla që as nuk kanë interes publik, as nuk flasin për ndonjë shkelje ligjore, e nuk është as humor ose satirë fundja. Autori i këtij teksti ka përdorur një fotografi të kryetarit të Rinisë Demokratikë të PDSH-së Muhamet Rustemi, që e ka shkrepur në Afrikë, dhe këtë e tregon si të jetë ndonjë ndodhi e madhe. Edhepse ka një funskion partiak, Rustemi në këtë rast nuk ka bërë ndonjë akt politik ose diçka që publikut do t’i interesonte.
Linku deri te artikulli origjinal: Kryetari i RDSH-së, Rustemi, e dëgjon Profesoreshën Karakamisheva, e merr kuferin dhe ik në Afrikë.
Data dhe koha e publikimit: 15.01.2016
Data e recensionit: 17.01.2015
Recensuese: Ferikan Iljazi
Që në titull, shihet tentativa për të bërë humor me këtë ngjarje, por as humori nuk e ka arritur qëllimin. Gazetari ka dashur të lidhë ikjen e Rustemit me gallatën që plasi kohë më parë në rrjetet sociale pas deklaratave të profesoreshës universitare Tanja Karakamisheva, e cila ikjen e të rinjve nga Maqedonia e shpjegoi me humbjen e dashurisë në Maqedoni, ose për të shëruar plagët e dashurisë të parealizuar. Kështu e titullon tekstin e tij autori.
“Kryetari i RDSH-së, Rustemi, e dëgjon Profesoreshën Karakamisheva, e merr kuferin dhe ik në Afrikë”
Më pas vazhdon elaborimi i postimit në fesjbuk, sikur të jetë ndonjë hulumtin i madh.
“Një foto tronditëse vjen nga Afrika. Kësaj rradhe në vend se të fotografohet një afrikan, fotoja është bërë nga një shqiptarë i Kumanovës. Mësohet se bëhet fjalë për Muhamet Rustemin nga Kumanova, i cili njëherit është edhe Kryetarë I Rinisë Demokratike Shqiptare si pjesë e partisë së Menduh Thaçit”
Gazetari kërkon përgjigje për qëndrimin e këtij personi në Afrikë, edhe pse nuk ka asnjë tregues se ai atje është përshkak të funksionit që ka. Po të kishte ndonjë ndodhi në Afrikë që do të kishte mundur të bëhet ndonjë lidhshmëri, ndoshta ja vlente që të transmetohet te publiku. Por vetë fakti se ky person, me gjasë, privatisht ka shkuar në Afrikë, nuk ka nevojë të bëhet temë lajmi.
“Ende është e paqartë qëndrimi i tij në Afrikë, mirëpo Rustemi përmes një fotografije në mënyrë alegorike tregon se në Afrik temperaturat janë tepër të nxehta, andaj me mall të madhë kërkon stinën e dimrit. Ndryshe qëndrimi i Rustemit në Afrik nga disa komentues të rrjetit në fejsbuk, komentohet me sarkazëm se ndoshta vallë i ka ndëgjuar mesazhet e profesoreshës maqedonase Karakamisheva, e cila thotë se qytetarët e Maqedonisë largohen nga vendi për shkak të dështimit në dashuri”
Lexuesit mund të acarohen nga tekste të këtilla që në titull tregojnë diçka ndryshe, e në përmbajtje janë të përgatitura ndryshe. Nuk duhet harruar se atë që e shkruajmë e lexojnë mijëra njerëz. Një trajtim i gabuar mund të na kushtojë shumë, të na humb lexues por edhe besimin e tyre në tekstet e ardhshme që do t’i shkruajmë. Një tentativë e gabuar humori, mund të ulë vlerën e 100 teksteve tona serioze.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
një palë
EXTENSIVENESS
jogjithëpërfshirës
nuk ka informata të fshehura
BIAS
pjesërisht e paraqet të vërtetën
nuk mund të përcaktohet
nuk mund të përcaktohet
nuk aplikohet
anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e