Ngadalë gazetar se këtu ka standarde!
Published in Recensione
on 22 - 03 - 2016 Author: Fatlume Dervishi
[Recension: “Kadal hasëm së këtu ka burra! Me insistimin e Ali Ahmetit lirohet Gafurr Dugolli”]
Emocionet mund të shkatërrojnë një artikull gazetaresk dhe te lexuesit të krijojnë përshtypjen e njëanshmërisë dhe joobjektivitetit. Është primare në gazetari që, përpara se të ulesh të shkruash artikullin, të çlirohesh nga emocionet e momentit, nga bindjet personale. Kjo ndoshta s’është një gjë e lehtë, por nëse gjithmonë ke parasysh rregullat e raportimit dhe i zbaton ato, mbetesh në suaza të profesionalizmit.
Linku deri te artikulli origjinal: “Kadal hasëm së këtu ka burra! Me insistimin e Ali Ahmetit lirohet Gafurr Dugolli”
Data dhe koha e publikimit: 19.03.2016
Data e recensionit: 20.03.2016
Recensues: Fatlume Dervishi
Artikulli dështon që në titull, sepse është tentuar që me shprehje subjektive të shtohet pesha e lajmit. Në të përdoret fjala “hasëm” që nuk është pjesë e gjuhës standarte shqipe dhe fjala “burra” jo në kuptimin e parë të saj për të treguar gjininë, por për të simbolizuar trimërinë. D.m.th. teksti karakterizon si trimëri veprimtarinë e figurave të caktuara politike që i thekson më tutje.
Në përmbajtje, pika problematike është kur i atribuohen meritat një subjekti politik për atë që cilësohet si “vepër burrërore”, e kjo bëhet pa cituar asnjë burim që do ta konfirmonte pretendimin që kjo vepër është meritë e tyre, madje pa tentuar për të marrë as prononcimin e vetë Gafurr Dugollit, për të konfirmuar vërtetësinë e asaj që thuhet.
“Mirëpo përkushtimi total i gjithë sturukturës më të lartë të BDI-së në krye me Kryetarin Ali Ahmeti bënë çmos që Dugolli mos ti vuaj edhe ato 30 ditë paraburgim dhe të lirohet që mbrëm.”
Dugolli pas lirimit nuk dha një informacion të tillë përpara opinionit (shiko këtu ose këtu), andaj pretendimi i kësaj përmbajtjeje në këtë rast rezulton të jetë i sajuar, i zmadhuar dhe me qëllim promovues për një subjekt politik.
“Dugolli menjëher pas lirimit i falemnderoi përzemërsisht për kontributin e dhënë në lidhje me procesin e tij, dhe e çmoi lartë përkushtimin e Ali Ahmetit për lirimin e tij nga burgu.”
Ajo që konsiderohet e panevojshme në tekst është informacioni që jepet në fund, i cili nuk futet në spektrin e informacioneve me interes publik. Fjala është për darkën ku kanë qenë prezent funksionarët e BDI-së, e për më tepër, asgjë nuk e dëshmon arsyen e saj, siç pretendohet në tekst.
-
Provimi i të dhënave dhe saktësia janë imperativ moral i gazetarësisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura.
-
Zgjedhja e fakteve patjetër të sigurojë informacion objektiv duke pasur parasysh të gjitha apektet e rëndësishme të temës që trajtohet. – thuhet në Kodin Etik të Gazetarëve të Maqedonisë
INFOGRAPHIC
TRUTHFULNESS
nuk ka fakte
pohimet jo të sakta
deklarata jo të vërteta
SOURCES OF INFORMATION
nuk ka burime të evidentuara
asnjë burim
asnjëra palë
EXTENSIVENESS
jogjithëpërfshirës
ndoshta ka informata të fshehura
BIAS
plotësisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
COMMENTING
ka elemente të komentimit
të integruara me faktet
PLAGIARISM
vepër origjinale
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e