Ngjyrosje politike e Revolucionit laraman
Published in Recensione
on 31 - 05 - 2016 Author: Владимир Мирчески[Recension: Revolucioni mercenar e tregoi fytyrën e vërtetë: E mbështet liderin e amnestuar për krim prej 8 milionë eurosh të vjedhura nga shteti]
“Ngjyrosje” mirëpo me ton partiak-politik. Ky produkt mediatik është vazhdim i serialit, që përpiqet me çdo kusht “Revolucionin laraman” ta kronizojë në diskursin e politikës ditore të vendit – pushteti kundër opozitës. Me këtë rast përdoren, nga këndvështrimi gazetaresk, mjete të palejuara.
Linku deri te artikulli origjinal : Revolucioni mercenar e tregoi fytyrën e vërtetë: E mbështet liderin e amnestuar për krim prej 8 milionë eurosh të vjedhura nga shteti
Data dhe koha e publikimit: 25.05. 2016, 22:43
Data e recensionit: 27.05.2016
Recensues: Vlladimir Mirçeski
RAST I PËRSHTATSHËM PËR MANIPULIM
Pas paraqitjes së liderit të opozitës dhe një pjese të bashkëpunëtorëve të tij në njërën nga protestat e “Revolucionit laraman”, dikujt i ka “fjetur” kjo situatë që në aspekt mediatik ta “arsyetojë” ngjyrosjen paraprake disa javë me radhë të “revolucionit” si projekt partiak i LSDM-së. Dhe ja ndodhi – kreu i socialdemokratëve erdhi në demonstrata dhe menjëherë u paraqitën “uluritësit kujdestarë” se “revolucionarët” e kanë treguar fytyrën e vërtetë, e cila, sipas artikullit, është e inspiruar politikisht.
Interesante, mbështetja e Zaevit dhe e bashkëpartiakëve të tij që u shpreh me prezencën fizike në protestë, në tekst sqarohet si njëfarë legjitimimi i liderit të opozitës si lider i “Revolucionit laraman”. Gjithsesi, pyetja është: si është dëshmuar kjo? Përgjigja është: assesi! Për shkak se argumente për mbështetje të qartë të këtij pohimi të fuqishëm nuk ka. Nuk është risi se LSDM-ja i mbështet demonstratët dhe kërkesat e tyre për shkak se interesat e partisë dhe të organizatave që qëndrojnë prapa “revolucionit” në momentin konkret konvergjojnë, ndërsa njëra nga pikat kryesore të bashkimit është kërkesa për tërheqjen e plotë të amnistisë.
Domethënë, shikuar në aspekt gazetaresk, nëse thoni se protestat e kanë mbështetjen e opozitës kjo nuk është ndonjë informatë e re, mirëpo nëse thoni se Zaevi është kryesori në ato tubime atëherë ka problem për shkak se teza, nga aspekti profesionaë, është e padëshmuar – qëndron pezull në ajër.
Lideri i LSDM-së, me aktin vandal të hudhjes së ngjyrës mbi Ministrinë për Drejtësi më në fund e tregoi fytyrën e vërtetë, se jo vetëm që është lider i opozitës, por edhe lideri Revolucionit laraman.
Prandaj, do të thoja se paraqitja e kryetarit të LSDM-së në rrugë e bën atë “mastermind” të revolucionarëve, po aq sa edhe, ja për shembull, takimi i Nikolla Gruevskit me Xhorxh Sorosin, ish-kryeministrin e fut në radhën e të ashtuquajturve sorosoidë.
STËRZMADHIM
Pastaj, në tekst vërehet edhe përgjithësimi dhe stërzmadhimi, gjithsesi në kontekst negativ. Thuhet se demonstrantët paskan qenë të dhunshme. Po, kishte incidente, më serioz ishte ai me demolimin e zyrës së Ivanovit, mirëpo kjo assesi nuk e arsyeton konstatimin se tubimet janë të dhunshme. Shprehja e pakënaqësisë duke përdorur ngjyrë nuk është definicion i zakonshëm për dhunë.
Nuk ka mundësi e të mos përmenden edhe paqartësitë dhe joprecizitetet në tekst:
Partnerja e tij Shekerinska poashtu ishte e involvuar në krim serioz për të cilin ishte i dyshuar dhe i amnestuar bashkëshorti i saj.
Ky rast kryesisht kishte të bëjë me bashkëshortin e saj, e ajo ishte dëm kolateral në qërimin e hesapeve të cilin pushteti e shfrytëzoi politikisht. Mirëpo, pyetja është se çfarë lidhje ka kjo informatë me protestat? – Në aspekt përmbajtësor asnjë lloj lidhjeje, mirëpo politikisht është e (pa)arsyeshme, për shkak se diskreditohet edhe kundërshtari edhe demonstrantët. “Me një goditje të vriten dy miza”!
Përfundimi është se ky material nuk është i rastësishëm, por është përgatitur me paramendim dhe vetëm është pritur inspirimi i drejtpërdrejtë për publikim – paraqitja e liderit të opozitës në protesta.
Shembull për stigmatizimin dhe “ngjyrosjen” politike të një lëvizjeje.
INFOGRAPHIC
TRUTHFULNESS
pjesërisht
pjesërisht
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
zyrtare, jozyrtare
relevante, jorelevante
më tepër burime
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
të ndara nga faktet
PLAGIARISM
nuk mund të përcaktohet
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
manipulon
është theksuar autori (burimi)
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
ka linke kontekstuale
pjesërisht i rregulluar në aspekt stilistik
i lidhur me tag-e