Pa konfirmim të spekulimeve, skandalizohet gazetaria
Published in Recensione
on 31 - 05 - 2016 Author: Adrian Kerimi[Recension: Ministrat e Gruevskit me pasaporta bullgare?!]
Artikull tendencioz, pa tentim për të hulumtuar dyshimet. Me pak fjalë, kështu mund të konkludohet për këtë tekst. Thënë parimisht, autori është thirrur në burime, por fakti që ka kufizuar gazetarinë e tij në burime jo autonome, kjo dëshmon mënyrën e veprimit të këtij lloji të gazetarisë që shpeshherë shfaqet në mediat online. “Saktësia e informatës duhet vërtetuar aq sa është e mundur”, thuhet shkurt në pikën 1 të Kodit Etik. Kjo, në gazetarinë profesionale, nënkupton që për informacionin që posedon një medium i huaj, gazetari vendas që ka bërë lajmin, e ka për obligim që atë informacion ta verifikojë sa më tepër që është e mundur. Veprim profesional do të ishte tentimi për të kërkuar qëndrim nga ministrat e Gruevskit të apostrofuar në tekst.
Një skandal tjetër po e trondit Maqedoninë. Kësaj radhe siç informon Agjencia bullgare e lajmeve “Fokus” se në Maqedoni, gjysma e ministrave të qeverisë maqedonase kanë pasaporta bullgare dhe nënshtetësi të dyfishtë.
Linku deri te artikulli origjinal: “Ministrat e Gruevskit me pasaporta bullgare?!”
Data dhe koha e publikimit: 30.05.2016
Data e recensionit: 31.05.2016
Recensues: Adrian Kerimi
Në këtë “lajm”, nuk është respektuar parimi i përfshirjes së palës tjetër. Gazetari është i detyruar që çdo herë në tekst të përfshijë edhe palën për të cilën informohet, qoftë edhe duke treguar për mosprononcimin e tyre për çështjen në fjalë. Gjithmonë është i nevojshëm qëndrimi i personit që përfshihet në tekst, me përjashtim të rasteve kur kemi të bëjmë me viktima. Nëse raportohet duke mos kërkuar qëndrim nga i apostrofuari në një artikull gazetaresk sikur që është bërë në këtë rast, pa dyshim se përmbajtja përfundon si e njëanshme.
Siç informon “Fokus” pasaportë bullgare kanë edhe bashkëpunëtorët më të afërt të ish kryeministrit Nikolla Gruevski, ndër to janë Silvana Boneva, Antonio Milloshovski, Ilia Dimovski dhe Aleksandar Nikolovski.
Përveç mungesës së prononcimeve, autori manipulon lexuesin që në titull, i cili nuk është i qartë, pasi që në fund të tij vendosen pikëpyetje dhe pikëçuditje, veprim ky që vërteton se autori nuk është i sigurt për lajmin që ia servon lexuesve. Përveç kësaj, ministrat, për të cilët supozohet se kanë pasaporta bullgare, për momentin nuk janë më “ministra të Gruevskit”, ashtu siç kategorizohen në titull. Një titull adekuat dhe në përputhje më përmbajtjen, për shembull, do të ishte: “Fokus: Ministrat e Qeverisë së Maqedonisë me pasaporta bullgare”. Kjo do të shmangte përgjegjësinë për shpifje (pasi me këto “fakte” që sjell artikulli, nuk mund të konstatohet se bëhet fjalë për informacion të vërtetë, aq më tepër për skandal) dhe nga ana tjetër, që në titull do t’i referohej agjencisë së lajmeve nga Bullgaria, pasi që pjesa dërmuese e informacionit buron nga ajo. Duke pasur parasysh të gjitha këto elemente të cilat mungojnë në këtë lajm, e mbi gjitha duke pasur parasysh informacionet e pa konfirmuara dhe njëanshmërinë, përfundimi i gjithë kësaj është se një lajm si ky më shumë ka bazë spekulimi se sa bazë lajmi.
INFOGRAPHIC
TRUTHFULNESS
nuk ka fakte
Të pa konfirmuara
:
SOURCES OF INFORMATION
ka burime të evidentuara
jozyrtare
jorelevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
nuk mund të përcaktohet
Nuk përjashtohet
është i njëanshëm
anshmëri politike
COMMENTING
nuk ka elemente të komentimit
PLAGIARISM
nuk mund të përcaktohet
është theksuar burimi pa link
TITLE QUALITY
nuk informon
jokreativ
senzacionalist
adekuat
i paqartë
PHOTOGRAPH
ka
joadekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e