Paniku pa dëshmi është propagandë e jo gazetari
Published in Recensione
on 12 - 05 - 2016 Author: Fatlume Dervishi[Recension: “Panik tek “Besa” pas përçarjes në AKP të Turqisë?!”]
Paniku është gjendje emocionale që në media mund të përçohet përmes fjalëve, përmes përshkrimit të gjendjes, përshtypjes etj. Kush më mirë mund ta bëjë këtë, përveç personit që e ndjen atë panik?! Madje, nëse do ta dëshmosh këtë, s’ka mënyrë tjetër për ta bërë, përveç që të shfrytëzosh burimet, ato “të prekurat nga paniku”.
Linku deri te artikulli origjinal: “Panik tek “Besa” pas përçarjes në AKP të Turqisë?!”
Data dhe koha e publikimit: 08.05.2016
Data e recensionit: 09.05.2016
Recensues: Fatlume Dervishi
Në këtë tekst janë hedhur vetëm hipoteza e skenare “të mundshme”, me një qëllim shumë të qartë, por që do ta themi pak më poshtë. Hamendjet që ka shkruar autori, ia adreson publikut. Hamendjet janë pika e parë prej ku autori nis të hulumtojë një çështje, por në këtë tekst, ato janë prezantuar në gjendjen e tyre fillestare, pa u bërë asnjë lëvizje e vetme për verifikim të asaj që pretendohet.
Madje, njëra nga pyetjet që lind tani është nëse qëllimi i protestës është për ta krahasuar forcën me LR PDSH-në të cilët mbajtën protestën para disa ditëve A po sundon panik tek Lëvizja “Besa” pas përçarjes në AKP të Turqisë? Apo mendojnë t’i ndërpresin ata protestat, pasi përkohësisht janë pezulluar mjetet financiare nga atje?
Në përmbajtje bëhet një lidhje e çuditshme mes Lëvizjes Besa dhe aktiviteteve politike në Turqi. Përmes kësaj është tentuar të bëhet një ‘storje’ marrëdhëniesh, bazuar në bindje personale, pa shfrytëzuar asnjë burim dhe asnjë dëshmi, gjë që krijon konfuzione për lexuesin. Në tekst nuk ngrihen dyshime për këtë “lidhje / raport”, por ato merren si e vërtetë e pakontestueshme, sepse autori jep përshtypjen se është i sigurt për atë lidhje. Dyshimet e vetme që ngre autori janë për ndikimin që mund të ketë njëri faktor (zhvillimet në Turqi) mbi tjetrin (aktivitetin e Lëvizjes Besa).
Njoftimi i tanishëm i kryeministrit turk Ahmet Davutogllu se do të largohet nga posti, jep sinjale të tjera për marrëdhënien mes dy pushtetarëve të atjeshëm, pra konkretisht me presidentin aktual Rexhep Taip Erdogan. Dhe, kjo gjendje si duket ka reflektuar edhe në përfaqësuesit e Lëvizjes “Besa” të cilët këtë protestë e shikojnë nën ethe dhe skepticizëm të madh.
Teksti vazhdon të komplikohet me përfshirjen e ngjarjeve të 9 majit dhe agjencisë të zbulimit kreun e të cilit e emëron presidenti Ivanov, kurse lëmshi vazhdon të ngatërrohet deri në fund pa u zgjidhur. Në vend që të hulumtojë për të qartësuar sa më shumë dyshimet e tij dhe “të publikut” (ashtu si i referohet autori), ai vetëm se thellon hutinë dhe nxjerr në shesh konspiracione akuzuese, pa asnjë provë.
Provimi i të dhënave dhe saktësia janë imperativ moral i gazetarësisë, prandaj gazetari është i obliguar ta provojë informacionin prej sa më shumë burimeve, të paktën prej dy burimeve të pavarura… Nëse gazetari vlerëson se informacioni i paprovuar është me interes publik, është i obliguar ta publikojë, por duke saktësuar se bëhet fjalë për informacion të pakonfirmuar. – shkruan në Kodin Etik të gazetarëve të Maqedonisë
Mediat kosovare, bile vitin e kaluar dolën me fakte se në 9 majin kanë qenë të involvuar Shërbimi inteligjent i presidentit Gjorge Ivanov. Duke pas parasysh se disa funksionarë të po këtij zbulimi janë funksionarë të lartë të një partie që është bashkëorganizatore e protestës, parashtrohet pyetja se a kanë lidhje këto dy ngjarje njëra me tjetrën dhe cili është qëllimi i tyre.
Pyetjet e parashtruara në tekst nuk i janë adresuar askujt, nuk është tentuar që ato t’i parashtrohen zyrtarisht ndonjërit prej drejtuesve të Lëvizjes Besa, ndaj të cilës rëndojnë akuza në tekst, dhe nuk kemi asnjë burim që të na bindë për pretendimet. Me këtë, është e lehtë të konkludohet se qëllimi i autorit ka qenë të denigrojë një subjekt politik, të njollosë aktivitetet e tyre, por me arsye të paverifikuara. Autori ka shoqëruar me komente personale të gjithë tekstin, duke e bërë atë të duket një tekst joserioz, joprofesional dhe joetik.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
nuk ka burime të evidentuara
asnjë burim
asnjë palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
logo partiake
HATE SPEECH
gjuhë ofenduese
nuk ka gjuhë të urrejtjes
nuk nxit për përdorimin e dhunës
diskriminon
diskriminim politik
EDITED FOR THE WEB
mesatarisht i lexueshëm
nuk ka elemente multimediale
nuk ka linke kontekstuale
i parregulluar në aspekt stilistik
i lidhur me tag-e