Për një titull senzacionalist, dështon informimi i saktë
Published in Recensione
on 22 - 07 - 2016 Author: Fatlume Dervishi
[Recension: “Dështon Marrëveshja e Përzhinës, fillojnë bisedime për një marrëveshje tjetër”]
Artikulli bën pjesë në kategorinë e lajmeve, ku titulli nuk i përshtatet aspak tekstit të tij. Kjo vërehet shumë shpejt, sepse vetë teksti e përgënjeshtron atë. Madje, titulli i këtij lajmi, është një gjë që është shumë larg nga e vërteta e plotë.
Linku deri te artikulli orogjinal: “Dështon Marrëveshja e Përzhinës, fillojnë bisedime për një marrëveshje tjetër”
Data dhe koha e publikimit: 19.07.2016
Data e recensionit: 21.07.2016
Recensues: Fatlume Dervishi
Marrëveshja e Përzhinës në tekst nuk përmendet aspak. Pse vallë autori nuk e ka sqaruar titullin? Mbase sepse një gjë e tillë nuk ekziston, andaj edhe nuk mund të sqarohet.
“Sot në orën 13 në rezidencën e ambasadorit amerikan, Xhes Bejli, përfaqësuesit e partive politike do të tentojnë që ta zgjidhin edhe çështjen e vetme të kontestuar, kompetencat e ministrit të punëve të brendshme në qeverinë teknike që duhet t`i organizoje zgjedhjet dhe nëse ai ministër duhet që të tërhiqet menjëherë pas ditës së zgjedhjeve.”
Është e njohur për opinionin se diskutimet mes partive politike kanë vazhduar në frymën e relaizimit të Marrëveshjes së Përzhinës, për të gjetur një zgjidhje për mosmarrëveshjet që pengojnë zbatimin e saj. Edhe MPB-ja dhe kompetencat e ministrit të ardhshëm të saj, janë pjesë e kësaj marrëveshjeje, për të cilën mediat disa herë ngritën dyshime nëse do të mbijetojë, por autoritetet ndërkombëtare, ndërmjetës të procesit, asnjëherë nuk thanë që ajo ka dështuar.
“Ambasadori deklaroi se ka një ide interesante dhe shpreson se marrëveshje do të arrijnë deri në fund të javës.
“Nuk mund të ju them se kemi arritur marrëveshje, por mund të ju them se kemi një ide interesante në tavolinë”, deklaroi Bejli.”
Për harmoninë e nevojshme mes titullit dhe përmbajtjes së një teksti mësohet që në shkrimet e teksteve të para për gazetarët e rinj. Një përshtatje e tillë është më se e nevojshme në gazetari, sepse titulli është udhërrëfyesi i interesimit të lexuesit për përmbajtjen e lajmit. Ai zhgënjehet, nëse në tekst nuk e gjen atë që i premton titulli. Kjo thuhet qartë në Kodin Etik të gazetarëve të Maqedonisë.
Tutulli ose paralajmërimi i kontributit patjetër të jetë në harmoni me përmbajtjen e tij.
Përndryshe, mund të thuhet se përmbajtja e lajmit është korrekte. Ka informacione të mjaftueshme, si vazhdimësi e informimit për zhvillimet në Përzhinë, ka deklaratë të ambasadorit të SHBA-së, si faktor i rëndësishëm në këto bisedime, dhe njofton se çfarë pritet më tej.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante,
1 burim
më tepër palë
EXTENSIVENESS
gjithëpërfshirës
nuk ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
informata të rrejshme
nuk aplikohet
COMMENTING
nuk ka elemente të komentimit
PLAGIARISM
nuk mund të përcaktohet
TITLE QUALITY
dezinformon
jokreativ
senzacionalist
joadekuat
titulli nuk e thotë të vërtetën
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk ka elemente multimediale
nuk ka linke kontekstuale
i rregulluar në aspekt stilistik
i palidhur me tag-e