[Recension: Dështuan tezat e LSDM-së për votuesit fantomë]

Теksti që e recensojmë te lexuesi shkakton dilemë se a jemi duke shikuar të gjithë në listën e njëjt zgjedhore, për shkak se këto ditë numrat e njëjtë disa i shohin si numra gjashtëshifrorë, e disa të tjerë si treshifrorë. A duhet të caktohet dioptria e dikujt që të mbajë syze përkatëse apo prapa disa interpretimeve ka tendencë?

Linku deri te artikulli origjinal: Dështuan tezat e LSDM-së për votuesit fantomë

Data dhe koha e publikimit: 17.03.2016  17:20

Data e recensionit: 21.03.2016

Recensues: Аleksandar Pisarev

MINIMIZIMI I TË VËRTETËS NËPËRMJET GËNJESHTRAVE

Në qendër të interesimit të të gjithë qytetarëve këto ditë është lista zgjedhore dhe saktësia e saj. Pasi Komisioni shtetëror zgjedhor (KSHZ) që në paralajmërimet e para për rezultatet nga kontrolli i tij doli me një numër prej pothuajse 500.000 votuesish kontestues që duhet të kontrollohen në mënyrë plotësuese, u paraqit një dyshim i madh për rezultatet zgjedhore. Në gjithë këtë situatë, u paraqitën shumë artikuj me të cilat u shpejtua që të korrigjohen të dhënat, që të binden qytetarët se numrat me të cilat doli KSHZ-ja nuk janë të saktë. Në artikujt e këtillë, poashtu, shihet tentimi që publiku të bindet se opozita është në panik. Një tendencë e tillë vërehet edhe në këtë tekst.

FSHEHJA E FAKTEVE

Që të jetë sa më bindës, artikulli lexuesve u ofron faksimile të nga një tabelë e vetme që është zgjedhur me kujdes dhe me qëllim të caktuar, nga lista e prezantuar zgjedhore, me ndihmën e të cilës manupilohet dhe thuhet se kontestues janë vetëm disa qindra votues. Me këtë, artikulli mundohet “t’ia mbyllë gojën” opozitës dhe t’i bindë qytetarët se lista zgjedhore është në rregull, ndërsa partia opozitare e LSDM-së qëllimisht bën obstruksione, për shkak se tezat e saj për votues fantomë kanë dështuar.

“Dështuan tezat e LSDM-së për votues fantomë. Kriteret me të cilat me gërshetim të të dhënave duheshte të gjenden shënime eventuale të dyfishta treguan se lista zgjedhore është në masë të madhe e pastruar. Kështu, analiza e deritanishme ka treguar se janë identifikuar 203 raste të shënimeve në bazën e MPB-së ku ka edhe shënim tjetër me emrin, mbiemrin, datëlindjen dhe shkronje parë të emrit të babait të njëjta. Janë identifikuar 173 shënime në bazë e të dhënave të MPB-së ku ka edhe shënim tjetër me emër, mbiemër dhe datëlindje të njëjtë.”

LEXUESIT NUK JANË NAIVË

Menjëherë nën tekstin ka një koment nga një lexuese e cila pyet se pse është zgjedhur mu ajo tabelë dhe ajo ofron një link ku mund të shihen të dhëna pak më ndryshe, që nuk shkojnë në favor të spinit që dëshiron ta realizojë ky tekst.

Ajo ofron një link dhe pyet: “E pse nuk e publikoni këtë tabelë? Nuk është e LSDM-së, është e KSHZsë. Ose nga gjithsej 31 tabela i zgjodhët mu ato ku ka më pak raste kontestuese. Bukur shkruan atje se sa janë.”

Теksti përmba një manipulim të palejueshëm dhe ka mungesë totale të përgjegjësisë para qytetarëve, të cilët duhet të informohen objektivisht për çështjet me interes publik. Nëse dëshirohet që realisht të paraqitet gjendja me listën zgjedhore atëherë artikulli, sipas Kodit të gazetarëve të Maqedonisë, nuk guxon të fshehë fakte dhe të falsifikojë dokumente. Përkundrazi, është dashur të publikohen të dhënat e plota të cilat i komunikoi KSHZ-ja: “Ekspertët e Komisionit shtetëror zgjedhor (KSHZ) me analizën e tyre kanë konstatuar se list aktuale zgjedhore është problematike për më shumë se 490.000 votues të regjistruar”.

I këtillë siç është, teksti i shkel parimet themelore të Kodit të gazetarëve të Maqedonisë dhe qytetarëve u prezanton një pjesë jopërmbajtësore dhe joobjektive nga ajo që e publikoi KSHZ-ja.