Poentim politik pa fakte
Published in Recensione
on 24 - 12 - 2015 Author: Ана Анастасовска
[Recension: LSDM-ja në dëshpërim e shtrembëron masën e Qeverisë për shtëpitë për të rinjtë]
Ky material është shembull klasik për poentim politik dhe për sulm ndaj kundërshtarit pa asnjë fakt dhe asnjë argument. Që në hyrje të tekstit, njësoj sikurse në titull, paralajmërohet se opozita në çdo mënyrë të mundshme ka tentuar që nëpërmjet rrjeteve sociale dhe medieve të afërta me të, ta njollosë projektin e Qeverisë, “Blej shtëpi për të rinjtë”. Artikulli ia imponon pasqyrën e këtillë lexuesit pa ia prezantuar dëshmitë për tezën e tij.
Linku deri te artikulli origjinal: LSDM-ja në dëshpërim e shtrembëron masën e Qeverisë për shtëpitë për të rinjtë
Data dhe koha e publikimit: 18.12.2015
Data e recensionit: 22.12.2015
Recensues: Аna Anastasovska
FACEBOOK-U SI BURIM RELEVANT
“Me përpjekje dëshpëruese LSDM-ja përpiqet të manipulojë se të ardhurat mujore të individit që dëshiron të aplikojë për këtë projekt duhet të jenë mbi 900 euro. Si u tha dje, sipas kushteve, të ardhurat mujore të individit NUK duhet ta tejkalojnë vlerën prej 900 eurosh.”
Edhe pse nuk është theksuar se për kë konkretisht e ka fjalën autori, me siguri flet për postimin e Jani Makdradulit, ku ai e kritikon projektin e ri të qeverisë. Mirëpo, ajo që parashtrohet si dilemë është se a ka folur Makraduli në emrin e tij apo në emrin e partisë, për shkak se në tekst thuhet se “me përpjekje dëshpëruese LSDM-ja përpiqet të manipulojë”.
Pastaj, mbetet e paqartë se në cilat rrjete sociale dhe çfarë aktivitetesh janë duke u shpërndarë që të shtrembërohet masa e qeverisë. Cilat janë mediet që janë të afërta me opozitën? Asgjë nga kjo nuk është theksuar në tekst. Gazetari mundohe ta bindë lexuesin për diçka për të cilën nuk ka ofruar dëshmi.
“LSDM-ja edhe një herë dëshmoi se manipulimet dhe destruksionet janë dëshmi për mospasjen e programit dhe të ofertës së projekteve për qytetarët. Kundrejt përpjekjeve të këtilla dëshpëruese, nëpër rrjetet sociale tashmë shpërndahen komente se nëse qeveria vazhdon kështu, LSDM-ja mund të mbetet edhe parti jashtëparlamentare.”
Dhe përsëri rrjetet sociale janë në fokusin e tekstit dhe përsëri flitet për komente të cilat nuk janë askund. Është e paqartë se pse aq peshë u jepet rrjeteve sociale dhe ato përmenden si faktor ose burim relevant, kur është më se e qartë se në rrjetet sociale çdokush mund të shkruajë çka të dojë, e kjo megjithatë të mos jetë qëndrim i partisë apo politikë redaktuese e një medieje.
“Poashtu, pas publikimit të këtij projekti të Qeverisë, Facebook-u u vërshua me komente pozitive në kuptim të asaj se mu ky projekt do t’u mundësojë të rinjve ta zgjidhin problemin jetësor dhe të krijojnë shtëpinë dhe familjen e tyre.”
I gjithë teksti, praktikisht, është i bazuar në thashetheme të stilit “më the-të thash”, që nuk le përshtypje se pohimet janë të vërteta. Ky material më tepër i ngjan komunikatës partiake, se sa artikullit gazetaresk. Gazetaria, nënkupton informata të sakta dhe të verifikuara, të cilat do t’i përcillen lexuesit që ai vetë të gjykojë, e jo lexuesi të bindet në qëndrimet e autorit. Për këtë ekzistojnë kolumnat.
INFOGRAPHIC
TRUTHFULNESS
nuk ka fakte
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
jorelevante
më tepër burime
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
informon
jokreativ
senzacionalist
adekuat
tendencioz
PHOTOGRAPH
ka
adekuate
informon
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
elemente solide multimediale
nuk ka linke kontekstuale
pjesërisht i rregulluar në aspekt stilistik
i lidhur me tag-e