Publiku kërkon lajme, e jo propagandë
Published in Recensione
on 7 - 11 - 2016 Author: Xhenis Sulimani[Recension: Kumanovarët kërkojnë doktor Ilir Hasanin për deputet?!]
Dyshimet sjellin deri te e vërteta, por vetëm kur të njëjtat verifikohen. Ndodh shpesh që mediat të hedhin një dyshim në opinion, por jo për ta verifikuar dhe plasuar si lajm, por për ta çorientuar opinionin. Me veprime të tilla bëhet manipulim i vetëdijshëm me publikun dhe devalvohen vlerat profesionale gazetareske.
Linku deri te artikulli origjinal: “Kumanovarët kërkojnë doktor Ilir Hasanin për deputet?!”
Data dhe koha e publikimit: 01.11.2016
Data e recensionit: 04.11.2016
Recensues: Xhenis Sulimani
Teksti që po e recensojmë na jep material për fenomenin e përshkruar më lartë. Që në titull teksti bën një gjeneralizim të palejueshëm, ngase sigurisht se jo të gjithë kumanovarët e kërkojnë atë gjë për të cilën pretendohet në titull. Shumë më korrekte do të ishte nëse do të flitej për anëtarët e partisë të apostrofuar nga ky qytet.
Portali potencon se plason lajm jozyrtar dhe me plot dyshime, që është korrekte, por ajo që e nxjerr nga kornizat profesionale është fakti se në përmbajtje nuk jepet asnjë indicie se është bërë tentim që lajmi “jozyrtar”, mbi bazën e dyshimeve, të verifikohet përmes burimeve, dëshmive apo edhe fakteve tjera.
“Jozyrtarisht portali TetovaSot mëson se në degën e BDI-së në Kumanovë nga rinia kumanovare është propozuar doktor Ilir Hasani për kandidat për deputet për shkak të kontributit të tij të pamohueshëm në shoqërinë shqiptare në Kumanovë dhe më gjerë.”
Mungon qëndrimi i Forumit Rinor të BDI-së, dega në Kumanovë, por edhe dëshmi tjera prej burimeve të pavarura prej kësaj partie që i apostrofuari ka bërë vepra, siç pretendohet të përcillet në tekst, për të cilat vlerësohet aq shumë. Kjo do të vërtetonte nëse veprimtaria e tij dhe karriera është bërë me meritokraci (në bazë te meritës) apo spoil- sistem (është favorizuar nga partia në pushtet). Në këtë mënyrë, lajmi do të ishte më i plotë dhe më i saktë.
Më tej, në vend që pas një informacioni jozyrtar të vijë tentimi për verifikim, produkti vazhdon me spekulim tjetër.
“Jo zyrtarisht Ilir Hasani pritet që të jetë pjesë e garës zgjedhore në zgjedhjet parlamentare që do të mbahen me 11 dhjetor të këtij viti.”
Dhe, përsëri, askund s’mund ta gjejmë “palën e dytë”apo palës së apostrofuar- që është më se në rregull të përfshihet, sidomos në moment që emri i dikujt lakohet disa herë në tekst. Kështu si është servuar para publikut, teksti nuk është informues, është i njëanshëm, jo gjithëpërfshirës e kjo gjë më tepër i jep nuanca propagandistike, sidomos kur kemi parasysh se jemi në prag të fillimit të fushatës parazgjedhore.
Opinioni kërkon lajme të sakta dhe të verifikuara. Gazetarët nuk duhet të harrojnë se kanë përgjegjësi para opinionit.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
jozyrtare
1 burim
EXTENSIVENESS
jogjithëpërfshirës
ndoshta ka informata të fshehura
BIAS
Jo
ka shtrembërim të së vërtetës (spin)
informata të rrejshme
mban anën e një pale
anshmëri politike, anshmëri tjetër
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
dezinformon
jokreativ
senzacionalist
joadekuat
tendencioz
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
nuk aplikohet
nuk ka linke kontekstuale
i parregulluar në aspekt stilistik
i palidhur me tag-e