Raport nga Kuvendi në të cilin opozita sikur nuk ekziston
Published in Recensione
on 6 - 11 - 2015 Author: Оливера Војновска
[Recension: KUVENDI: Miratohen disa ndryshime dhe plotësime ligjore]
Teksti që është subjekt i këtij recensioni nuk raporton objektivisht për mbledhjen e Kuvendit në të cilën u rizgjodhën kryetari i Komisionit rregullator për energjetikë dhe një anëtari i tij. Edhe pse ky material është mjaft i gjerë, ai aspak nuk e pasqyron atmosferën e vërtetë nga debati në parlament, por e ofron vetëm këndin e pushtetit.
Linku deri te artikulli origjinal: KUVENDI: Miratohen disa ndryshime dhe plotësime ligjore
Data dhe koha e publikimit: 02.11.2015, 19:22
Data e recensionit: 03.11.2015
Recensues: Оlivera Vojnovska
VETËM REPLIKAT NGA PUSHTETI
Faktikisht, bëhet fjalë për raportim nga Kuvendi, i marrë plotësisht nga agjencia shtetërore informative (që është theksuar në artikull, vetëm se nuk është vënë linku), me një titull teknik: “KUVENDI: Miratohen disa ndryshime dhe plotësime ligjore”. Mirëpo, problemi kryesor në tekst është selektiviteti i tij dhe anshmëria e theksuar.
Lexuesit kishin mundësi të lexojnë vetëm se si pushteti – VMRO-DPMNE-ja, e mbron propozimin që kryetari dhe një anëtar i Komisionit rregullator për energjetikë të fitojnë mandat të ri në këtë organ rregullator. Me këtë rast, artikulli e paraqet vetëm replikën e zëvendës-ministrit për ekonomi ndaj fjalimit të një deputeti të opozitës:
“Zëvendës-ministri për ekonomi, Hristijan Delev në replikën ndaj deputetit Goran Sugarevski nga LSDM-ja tha se Petrovi dhe Kulevski janë ekspertë të kësaj fushe që janë dëshmuar me punën e tyre dhe gjatë periudhës së kaluar kanë qenë në njëfarë mënyrë korrigjues të të gjitha ndodhive në fushën e energjetikës…”
Mirëpo, nuk e transmeton edhe diskutimin e deputetit. Kjo është logjike, për shkak se nuk mund të kuptohet se çka ka thënë fillimisht deputeti, që të reagojë zëvendës-ministri.
Në fakt, në tekst nuk ka asnjë diskutim të deputetëve të opozitës, të cilët, në mes tjerash, siç transmetuan një pjesë e medieve, kanë pasur vërejtje (prej minutës 0,25 deri në minutën 1,17 të video-materialit) se:
“Dimitar Petrovi nuk mund përsëri të jetë njeriu i parë i Komisionit rregullator për energjetikë, për shkak se 1,5 vjet më shumë se sa që e ka pasur mandatin e paraparë me ligj, ka vendosur për çmimet e burimeve të energjisë.”
Poashtu, opozitarët e kanë kritikuar Petrovin edhe për:
“mbrojtjen e pozitave të monopolit të një pjese të kompanive në dëm të prodhimtarisë së rrymës, importit të shtuar dhe çmimeve më të larta që i paguajnë qytetarët.”
Mungesa e fjalimeve të deputetëve opozitarë e bën këtë raportim nga Kuvendi jo të plotë dhe sipërfaqësor. Ai është përgatitur dhe është plasuar në atë mënyrë që nuk e tregon pasqyrën reale për ambientin në të cilin është zhvilluar debati për këtë pikë të mbledhjes së 71-të të Kuvendit, dhe në kundërshtim me standardet e gazetarisë profesionale qëllimisht krijon perceptim që shkon në favor të partisë në pushtet.
INFOGRAPHIC
TRUTHFULNESS
ka fakte
pohime të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk ka informata të rrejshme
mban anën e një pale
anshmëri politike
COMMENTING
nuk ka elemente të komentimit
të ndara nga faktet
PLAGIARISM
kopje të plotë
është theksuar burimi pa link
TITLE QUALITY
informon
jokreativ
josenzancionalist
adekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
nuk ka gjuhë ofenduese
nuk ka gjuhë të urrejtjes
nuk nxit për përdorimin e dhunës
nuk diskriminon
EDITED FOR THE WEB
i lexueshëm
elemente solide multimediale
nuk ka linke kontekstuale
i rregulluar në aspekt stilistik
i lidhur me tag-e