Ofendimet nuk bëjnë pjesë as në lajme e as komente
Published in Recensione
on 9 - 10 - 2015 Author: Ferikan Iljazi[Recension: “Baton Haxhiu, një “vrasës me pagesë” në gazetarinë shqipe!”]
Teksti që analizojmë ka përmbajtje fyese, degraduese, dhe akuzuese dhe e gjithë kjo qëndron tek rubrika e lajmeve. Pa specifikuar se teksti është një koment për një personalitet publik, portali në fjalë përdorë “mashën” e quajtur lajm për të shpërndare komente politike të cilat i drejtohen një gazetari i cili e ka për detyrë të vejë në pikëpyetje çdo aktivitet publik të një politikani. Gazetari, apo autori i tekstit në këtë portal vendos veten në rolin e gardianit të partisë shqiptare në pushtet, edhe pse gazetari duhet të jetë në fakt “opozitë” e përhershme.
Linku deri te artikulli origjinal: Baton Haxhiu, një “vrasës me pagesë” në gazetarinë shqipe!
Data dhe koha e publikimit: 03/10/2015
Data e recensionit: 05/10/2015
Recensuese: Ferikan Iljazi
I tërë teksti është i mbushur me sharje drejt gazetarit Baton Haxhiu dhe nga ana tjetër lartësimin e figurës së kreut të BDI-së Ali Ahmeti. Autori i tekstit ka kritikuar qasjen e gazetarit Haxhiu por vetë ka vazhduar të shkruajë në mënyrën e njëjtë sikurse është shprehur gazetari kosovar. Dallimi i vetëm është se gazetari Haxhiu është ”e pranueshme” që të japë komente personale, përderisa ato trajtohen si të tilla, si opinione personale të tij (pa u futur në analiza për fjalorin që fjalorin që ai përdorur).
Kurse autorit të tekstit që po recensojmë nuk i falet lartësimi i pushtetit pasi që kjo është detyrë e një personi të angazhuar për marrëdhënie me publik. Gazetari duhet “të respektojnë pluralizmin e ideve dhe qëndrimeve” e jo ti shajë ose kritikojë ato, sidomos kur bëhet fjalë për një kolegë të të njëjtit profesion.
Do të bëjmë një përmbledhje të të gjitha ofendimeve dhe akuzave që janë bërë në këtë tekst nga autori, në llogari të Baton Haxhiut.
-Një gazetar pa kokërr dinjiteti njerëzor,
-Moralin e ka deponuar që moti në pazarin e plaçkave,
-Një ish bashkëpunëtor i Stanishiqit, ish shefi i UDB-së Jugosllave,
-Një tugjar gazetarie që keqpërdori fondet e shtypit të lirë për përfitime personale,
-Një matrapaz që tregton me stendat e të sëmurëve,
-Surrati antigazetar,
-Një protagonist të mjerë të një rrëfimi pa fakte,
-Gjithë karrierën e tij a ka ndërtuar duke shantazhuar kundërshtarë të caktuar për favore financiare,
-Gazetaria e Baton Haxhiut kundërmon nga reketi,
-Një matrapaz,
-Maskarenjëve të tipit të Baton Haxhiut,
-Është ndërgjegjja e vrarë e një sistemi shoqëror,
-Shkolla e tyre buron nga shantazhi dhe spiunimi, ashtu siç vepruan edhe baballarët e tyre
një karikaturë që ka ikur nga ndonjë galeri shpifjesh,
-Fundërrinat e kombit.
Dhe një përmbledhje të komenteve për lartësimin e figurës së Ali Ahmetit.
-Pinjolli i një udbashi paska ngelë të shes moral publik dhe të merr guximin të njollos figurën e Ali Ahmetit,
-Ai ka folur për liderin historik të shqiptarëve të Maqedonisë, Ali Ahmetin,
-Është në gjendje të denigroj edhe figura të ndritshme, siç është Ali Ahmeti,
-Ky i fundit ka vite që e ka krijuar profilin e tij prej atdhetari dhe politikani të devotshëm,
-Lavdinë e heroit të gjallë, Ali Ahmeti,
-Këta të pafytyrë janë në gjendje t’u bëjnë atentat publik edhe figurave të pastra kombëtare.
Nuk është e arsyeshme as për gazetarin Baton Haxhiu që të përdorë komente fyese që i ka përdorur në një televizion kosovar, madje pa dëshmi për krim dhe korrupsion pasi që kjo shkel rëndë normat etike dhe profesionale të gazetarisë. Megjithatë në pjesën e “Parimeve të sjelljes” të një gazetari të Kodeksit të Gazetarëve të Maqedonisë thuhet se, “Roli i gazetarëve është shpërndarja e informatave, ideve dhe mendimeve me të drejtë për të komentuar…Por e gjithë kjo “Duke respektuar vlerat etike dhe standardet profesionale”.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
nuk mund të përcaktohet
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
informon
jokreativ
senzacionalist
adekuat
i qartë
PHOTOGRAPH
ka
adekuate
as manipulon as informon - është vënë vetëm si ilustrim
nuk është theksuar autori (burimi)
HATE SPEECH
gjuhë ofenduese
gjuhë e urrejtjes
nxit për përdorimin e dhunës
diskriminon
diskriminim politik,
EDITED FOR THE WEB
i lexueshëm
elemente solide multimediale
nuk ka linke kontekstuale
i parregulluar në aspekt stilistik
i palidhur me tag-e