Recension: FOTO: Kush i mbronte të drejtat e homoseksualëve
Published in Recensione
on 19 - 11 - 2013 Author: Владимир МирческиNë vend të raportimit gazetaresk kemi spinim klasik, në vend të informatës qytetare kemi kalkulim politike, në vend të FOTO lajmit kemi FOTO stigmatizim. Ja këtë e ofron ky tekst.
Linku deri te artikulli origjinal: FOTO: Kush i mbronte të drejtat e homoseksualëve
Data dhe koha e publikimit: 16.11.2013 17:57
Data e recensionit: 18.11.2013
Recensues: Vlladimir Mirçeski
Vërtetësia: Është diskutabile se sa në detaje duhet hyrë nëa analizën e prezencës ose mungesës së standardeve profesionale gazetareske kur menjëherë bëhet e qartë se qëllimi aspak nuk ka qenë të respektohen kriteret, por vetëm të sulmohet pa argumente. Ngjarja që përpunohet dhe prezenca e personave të caktuar, nga sektori mediatik dhe joqeveritar, gjithsesi që publiku i njeh mirë, shfrytëzohet vetëm për damkosjen e tyre.
Burimet e informatave: Si burim kryesor shfrytëzohen fotografitë, të cilat, për fat të keq, nuk janë përdorur për ta informuar publikun, por t’i servojnë një gjykim, i cili nuk është i bazuar në fakte. Edhe pse vërehen disa përpjekje të caktuara raportuese, të llojit të prezantimit të numrit të pjesëmarrësve si “pjesëmarrje qartazi e dobët”, përshtypja është se teksti nuk është shkruar nga terreni, por nga zyra e dikujt.
Përmbajtësia: Теksti, i shoqëruar me fotografi, dhe vetëm me dy fjali shoqëruese, do ta plotësonte dozën themelore të përmabjtësisë. Elementet plotësuese që i janë “shtuar” nuk i japin peshë, por, përkundrazi, ia zvogëlojnë.
Anshmëria: Në tekst ka anshmëri në sasi të madhe. Por, nuk bëhet fjalë për një, por së paku dy forma të anshmërisë. Njëra shkon në vijë homofobisë, ndërsa tjetra në bazë politike. Bëhen përpjekje të vihet shenjë e barazisë ndërmjet opozitës, organizatave joqeveritare dhe komunitetit homoseksual.
Kualiteti i titullit: Titull tendencioz dhe titull që e orienton publikun në drejtim të gabuar. Nuk bëhet fjalë për atë se dikush i mbron të drejtat e tdikujt, por se i ka dhënë përkrahje marshit që është mbajtur me rastin e ditës ndërkombëtare të tolerancës.
Fotografia: Nuk do të kishte problem në këtë segment nëse fotografitë nuk do të ishin përdorur për “shënimin” e individëve të caktuar, të cilët nuk janë sipas qejfit të elitave të caktuara politike në vend.
Gjuha e urrejtjes: Vërehet gjuhë e fshehur e urrejtjes, jo e drejtpërdrejtë, me faktin që qëllimisht jepen kualifikime të llojit:
“Ishte evidente pjesëmarrja e vogël, e cila edhe pritej, duke pasur parasysh faktin se kjo kategori e njerëzve nuk ka përkrahje nga publiku në Maqedoni”
pa mos ofruar të dhëna ose numra për këtë.
Përfundimi: Homoseksualiteti, të drejtat e anëtarëve të komunitetit-gej, si dhe toleranca ndaj gjithçkaje që është “e ndryshme nga ne” edhe gjatë kohë do të jenë tabu temë, por edhe temë jashtëzakonisht senzitive jo vetëm në vend, por edhe në rajon. Prandaj, lloji i këtillë i teksteve nuk ndihmojnë në atmosferën e elektrizuar, por, përkundrazi, vetëm e përforcojnë polarizimin e fuqishëm në shoqëri. Nëse dikush në pajtohet me këto marshe dhe konsideron se janë të gabuara, që është shumë në rregull, për shkak se çdokush ka të drejtë të mendimit në një shoqëri demokratike, atëherë pse tjerëve nuk ua lejon këtë, të cilët e kanë të drejtën e njëjtë të mendimit dhe që mendojnë se kanë të drejtë dhe duan t’i përkrahin këto manifestime? Për shkak se, të jemi të qartë, një gjë është të flitet në rreth të mbyllur, e tjetër gjë është të flitet publikisht, nëpërmjet mediave, të damkoset. Historia dhe atë ajo e kohëve të fundit, tregoi se “shënimi” nuk ka sjellë asgjë të mirë.
INFOGRAPHIC
TRUTHFULNESS
ka fakte
pjesërisht
deklarata jo të vërteta
SOURCES OF INFORMATION
nuk ka burime të evidentuara
nuk mund të përcaktohet
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike, anshmëri tjetër
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori
TITLE QUALITY
Orientues
senzacionalist
joadekuat
tendencioz
PHOTOGRAPH
ka
adekuate
manipulon
është theksuar autori (burimi)
HATE SPEECH
shprehje të u rrejtjes
tërthorazi
nuk nxit dhunë
diskriminon
diskriminim sipas orientimit seksual, diskriminim politik
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
i rregulluar në aspekt stilistik
i palidhur me tag-e