verifikimiifakteve.mksitemap
verifikimiifakteve.mksitemap

Faktet nuk fshihen lehtë, e as mungesa e profesionalizmit

on 9 - 06 - 2016       
Këtë postim mund ta lexoni edhe në: Maqedonisht

[Recension: Kim Mehmeti e fsheh edhe biografinë e vetë, nuk tregon se ka qenë funksionar i BDI-së!]

Shumëçka nuk është në rregull me tekstin që po recensohet, i cili duket se qëllim primar e ka denigrimin dhe përbaltjen e një figure publike, e jo informimin apo analizën e ndonjë ngjarje a dukurie. Teksti fillon me një titull të vjetër (nëntor 2015) të një portali tjetër, duke e aktualizuar pa ndonjë shkas ose shpjegim. Më tej, në përmbajtje ka tentim që të analizohet biografia e Kim Mehmetit, shkrimtar dhe analist, së fundmi i eksponuar edhe politikisht. Megjithatë, burimet që janë përdorur janë tejet jo kredibile dhe nuk plotësojnë as kushtet minimale për t’u quajtur si burim relevant për gazetari serioze.

Kim Mehmeti e fsheh edhe biografinë e vetë nuk tregon se ka qenë funksionar i BDI sëLinku deri te artikulli origjinal:  Kim Mehmeti e fsheh edhe biografinë e vetë, nuk tregon se ka qenë funksionar i BDI-së!

Data dhe koha e publikimit: 06.06.2016

Data e Recensionit: 08.06.2016

Recensues: Benjamin Arifi


Gazetari ka akuzuar Mehmetin se ka fshehur pjesë të biografisë së tij, duke marrë për bazë biografinë e publikuar në rrjetin e kërkimit “online” – Wikipedia. Megjithatë, dihet qartë se Wikipedia nuk është burim relevant informacioni, për shkak të mundësisë që secili përdorues të krijojë, ndryshojë ose fshijë përmbajtje pa ndonjë filtër adekuat. Këtë e sqaron edhe vetë rrjeti Wikipedia në faqen e saj.

“Wikipedia shkruhet në bashkëpunim me një numër të madh vullnetarësh anonym të cilët shkruajnë pa pagesë. Secili me qasje në internet mund të shkruajë dhe ndryshojë artikujt e Wikipedia-s, përveç në raste të kufizuara ku editimi është i ndaluar, për të parandaluar përçarje ose vandalizëm. Përdoruesit mund të kontribojnë në mënyrë anonime, duke përdorur pseudonim, ose nëse dëshirojnë, duke përdorur identitetin e tyre të vërtetë”, shkruan në sqarimin e Wikipedia-s.

Me një hulumtim të shkurtër, gazetari do të gjente material të mjaftueshëm se personi i apostrofuar, Kim Mehmeti, nuk e ka fshehur asnjëherë angazhimin e tij pro-BDI në një periudhë të caktuar. Madje, ai u ka kërkuar publikisht falje shqiptarëve për ndihmën që i ka ofruar BDI-së, siç thotë vetë, duke besuar në atë kohë se BDI-ja nuk do të bëhet vasale e VMRO-së.

Çështja tjetër problematike në tekstin që po recensojmë është vetë titulli. Përmes titullit gazetari pretendon se Kim Mehmeti ka qenë funksionar i BDI-së, edhe pse në tekst flet për postin e përgjegjësit për redaksinë në gjuhën shqipe të Radio Televizionit të Maqedonisë. Kështu, me ose pa vetëdije gazetari bën një tjetër gaf, sepse posti që ka ushtruar Kim Mehmeti për një periudhë të shkurtër ka qenë zëvendës-drejtor i përgjithshëm i RTVM-së, e jo vetëm përgjegjës për redaksinë në gjuhën shqipe. E të mos flasim për barazimin e redaksisë në gjuhën shqipe të RTVM-së me BDI-në, gjë për të cilën duhen ofruar edhe dëshmi plotësuese në tekst, të cilat mungojnë. Të paktën në teori, servisi publik është i ndarë nga politika, dhe ushtrimi i ndonjë posti në këtë institucion nuk e bën Kim Mehmetin ose këdo tjetër funksionar të BDI-së, por funksionar publik.

 


Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

INFOGRAFIKU

infoVistinitostVËRTETËSIA

ka fakte

nuk mund të përcaktohet saktësia e pohimeve

nuk mund të përcaktohet vërtetësia e deklaratave

infoVistinitostBURIMET E INFORMATAVE

ka burime të evidentuara

jozyrtare

jorelevante,

1 burim

një palë

infoVistinitostPËRMABJTËSIA

jogjithëpërfshirës

informata të fshehura

infoVistinitostANSHMËRIA

pjesërisht e paraqet të vërtetën

ka shtrembërim të së vërtetës (spin)

informata të rrejshme

është i njëanshëm

anshmëri politike

infoVistinitostKOMENTIMI

ka elemente të komentimit

të integruara me faktet

infoVistinitostPLAGJIATURA

vepër origjinale

infoVistinitostKUALITETI I TITULLIT

dezinformon

jokreativ

senzacionalist

adekuat

tendencioz

infoVistinitostFOTOGRAFIA

ka

adekuate

as manipulon as informon - është vënë vetëm si ilustrim

nuk është theksuar autori (burimi)

infoVistinitostGJUHA E URREJTJES

gjuhë ofenduese

nuk ka gjuhë të urrejtjes

nuk nxit për përdorimin e dhunës

nuk diskriminon

infoVistinitostI PËRSHTATUR PËR UEB

i lexueshëm

nuk aplikohet

ka linke kontekstuale

pjesërisht i rregulluar në aspekt stilistik

i lidhur me tag-e

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.