Motivet e komenteve personale duhen shmangur nga lajmet
Published in Recensione
on 14 - 10 - 2015 Author: Ferikan Iljazi
Teksti që po recensojmë është një koment i renditur në rubrikën e lajmeve me autor anonim. Siç mund të lexohet, teksti ka tentuar të paraqesë analizë të situatës shoqërore-politike në Maqedoni por duke u bazuar vetëm në bindjet e gazetarit.
Linku deri te artikulli origjinal: Motivet e përçarjes së shqiptarëve në Maqedoni
Data dhe koha e publikimit: 08/10/2015
Data e recensionit: 09/10/2015
Recensues: Ferikan Iljazi
Autori drejton akuza deri te subjektet politike maqedonase, gjegjësisht, partia opozitare LSDM, duke i cilësuar si ata që dëshirojnë përçarjen e votës dhe asimilimin e shqiptarëve me “metodën” për “bratstvo-edinstvo” por mbështetjen për këto pohime nuk e ka vënë në dukje askund në tekst.
“Përçarja e votës shqiptare duket se është një agjendë shumë e dëshiruar e maqedonasve, jo vetëm nga VMRO-DPMNE, por edhe LSDM-ja. Kjo e fundit madje duke dashur ta kthejë kohën e “bratstvo-edinstvo-s”, në gjirin e saj ka rekrutuar disa shqipfolës, të cilët i ka ngritur madje deri në majat e partisë”
Burimin e vetëm që e ka autori i tekstit janë “njohësit e mirë të rrethanave politike” të cilët janë fantom, veprim ky që lë hapësirë dyshimi për vërtetësinë. Asnjë emër i ndonjë analisti politik apo intelektuali i ndonjë fushe të caktuar nuk është paraqitur në shkrim edhe pse autori pohon se ka kontaktuar ato.
“Sipas njohësve të mirë të rrethanave politike, ky është edhe motivi bartës i qarqeve maqedonase, të cilës përmes përçarjes së organizimit të shëndoshë politik shqiptar, tentojnë të defaktorizojnë shqiptarët, dhe në këto zgjedhje të mundësojnë rrjedhje direkte të votave shqiptare në llogari të partive të mëdha maqedonase”
Autori shkon edhe më tej me gjeneralizime të pa faktuara duke pohuar se “disa analistë të LSDM-së” po zhvillojnë fushatë antishqiptare, gjë që mund të nxisë edhe tensione ndëretnike. Madje autori pohon se opozita maqedonase dëshiron të hakmerret ndaj UÇK-së. Por kur dihet se çfarë simbolizon kjo organizatë për shqiptarët, ky pohim mund të shkaktojë reagime në mesin e tyre.
Prandaj për të dhënë kësi lloj përkufizimesh duhet kontaktuar analistë të cilët njohin rrethanat politike she ata të citohen me emër dhe mbiemër e jo të lihet hapësirë për dyshim të vërtetësisë së lajmit. Ndonjëherë, varësisht nga specifika e lajmit, edhe kjo mund të mos mjaftojë për të folur mbi tema të tilla sensitive, prandaj gjithmonë duhet vendosur fotografi, citim ose video të cilat do të flisnin vetë, duke mos lënë gazetarin të luajë rolin e komentuesit të zhvillimeve sepse kjo nuk është detyra e tij.
INFOGRAPHIC
TRUTHFULNESS
nuk ka fakte
nuk mund të përcaktohet saktësia e pohimeve
nuk mund të përcaktohet vërtetësia e deklaratave
SOURCES OF INFORMATION
ka burime të evidentuara
anonime
relevante,
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
pjesërisht e paraqet të vërtetën
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
ka elemente të komentimit
të integruara me faktet
PLAGIARISM
vepër origjinale
nuk është theksuar autori
TITLE QUALITY
nuk informon
jokreativ
senzacionalist
adekuat
i paqartë
PHOTOGRAPH
ka
adekuate
as manipulon as informon - është vënë vetëm si ilustrim
është theksuar autori (burimi)
HATE SPEECH
gjuhë ofenduese
gjuhë e urrejtjes
nxit për përdorimin e dhunës
diskriminon
diskriminim nacional, diskriminim gjuhësor, diskriminim politik,
EDITED FOR THE WEB
mesatarisht i lexueshëm
elemente solide multimediale
nuk ka linke kontekstuale
i parregulluar në aspekt stilistik
i palidhur me tag-e