Recension: SHOK – Çfarë është duke ndodhur: Zjarr në Ambasadën amerikane në Shkup
Published in Recensione
on 10 - 07 - 2014 Author: Мирослава Симоновска
Para sysh kemi një përhapje të papërgjegjshme paniku. Veçanërisht për shkak të peshës dhe rëndësisë së kësaj ngjarjeje, ku mysafirë janë kreu shtetëror dhe përfaqësuesit e bashkësisë ndërkombëtare, pritet që ngjarjen ta ndjekë publiku i gjerë dhe ajo të shkaktojë interes. Prandaj, kur do të shkruhet se ka pasur zjarr në ambasadën amerikane, këtë duhet ta dëshmojë ose gazetari, ose së paku të jetë paraqitur në dy burime të pavarura siç kërkohet me standardet e BBC-së. Me fjalë të tjera, gazetari duhet të jetë i vetëdijshëm për përgjegjësinë që e ka dhe të përmbahet nga përhapja e qëllimshme ose e paqëllmishme e panikut. Zjarr në ambasadën amerikane nuk ka pasur fare.
Linku deri te artikulli origjinal: SHOK – Çfarë është duke ndodhur: Zjarr në Ambasadën amerikane në Shkup
Data dhe koha e publikimit: 3.07.2014, 22:07
Data e recensionit: 07.07.2014
Recensues: Мirosllava Burns
Një fjalë në një tekst të ndjeshëm gazetaresk bën dallim të madh. Këshut, këtu, duke mos iu referuar asnjë burimi zyrtar, raportohet për një zjarr që gjoja paska shpërthyer në ambasadën ameriknae edhe atë në momentin kur atje ka qenë i pranishëm i gjithë kreu shtetëror i Maqedonisë, së bashku me diplomatë të tjerë me rastin e shënimit të ditës së pavarësisë amerikane. Senzacionalizmi vërtetohet edhe me zgjedhjen e fotografisë ku shihet se si zjarrfikësit e shuajnë zjarrin në brendinë e një ndërtese, për të cilën dikush mund të mendojë se është objekti i ambasadës amerikane, gjë që nuk është e vërtetë. Fotografia është marrë nga interneti dhe nuk ka të bëjë aspak me ngjarjen për të cilën raportohet, mirëpo kjo nuk është theksuar askund, ashtu siç parashihet me standardet e gazetarisë profesionale, ku duhet të theksohet se fotografia është pjesë e arkivit, ose se është marrë nga ndonjë portal tjetër. Zjarr në ambasadë nuk ka pasur, por nga fishekzjarret është djegur bari i thatë në afërsi të objektit. Zjarri menjëherë është vënë nën kontroll.
Domethënë, të thuhet se ka pasur zjarr rreth ambasadës dhe në ambasadë është diçka krejtësisht tjetër, ndërsa raportimi nga rastet e këtilla kërkon precizitet kirurgjik. Nga rrjedha e tekstit shihet se ai është marrë prej diku, mirëpo gjatë bartjes nuk është theksuar se prej ku është marrë, kështu pjesa e mëposhtme mbetet si lapsus:
“Sipas informatave të portalit, zjarri i cili ka zgjatur shumë shkurt, është ndezur nga fishekzjarret me të cilat është festuar pavarësia e SHBA-ve”.
Në fillim të lajmit nuk theksohet se kush e transmeton informatën. Nuk janë bërë përpjekje që informata të verifikohet duke u paraqitur në telefon te shërbimi zjarrrfikës, ose në shërbimin për PR të ambasadës. Nuk ka asnjë burim. Poashtu, si mjet për mbledhjen e klikimeve përdoret edhe titulli senzacionalist i cili fillon me shkronja të mëdha SHOK. E gjithë kjo mund ta mashtrojë lexuesin dhe të përcjellë një informatë të gabuar, që në fakt edhe ndodh në rastin konkret. Infromata se në zjarr nuk ka viktima këtu ka zënë vend në paragrafin e fundit, që nuk është në rregull nga aspekti i prioritetit të informatave.
Gazetaria e përgjegjshme është obligim dhe zotim. Prej saj varet kredibiliteti, por edhe njëri nga rolet kryesore të gazetarisë, të informojë, në vend që të shokojë dhe të jetë në kërkim të senzacionalizmit.
INFOGRAPHIC
TRUTHFULNESS
ka fakte
deklratata jo të sakta
deklarata jo të vërteta
SOURCES OF INFORMATION
nuk ka burime të evidentuara
asnjë
EXTENSIVENESS
jogjithëpërfshirës
informata të fshehura
BIAS
plotësisht e paraqet të vërtetën
ka shtrembërim të së vërtetës (spin)
informata të rrejshme
nuk aplikohet
COMMENTING
nuk ka elemente të komentimit
të ndara nga faktet
PLAGIARISM
kopje të pjesshme
nuk është theksuar autori, nuk është theksuar burimi
TITLE QUALITY
dezinformon
senzacionalist
joadekuat
tendencioz
PHOTOGRAPH
ka
joadekuate
manipulon
nuk është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
mesatarisht i lexueshëm
elemente jokualitative multimediale
nuk ka linke kontekstuale
pjesërisht i rregulluar në aspekt stilistik
i palidhur me tag-e