Recension: Studenti me plan të biznesit fitoi 5.300 euro
Published in Recensione
on 19 - 10 - 2013 Author: Љубомир Костовски“Mund të keni miliona ide, por të gjitha janë të pavlera në qoftë se nuk ndërmerrni diçka që t’i realizoni ato. Ndoshta dëshironi të krijoni biznesin tuaj, të krijoni diçka të re, dhe gjithmonë thoni në vetëvete se nuk është koha e vërtetë. Momenti i vërtetë nuk ekziston, duhet vetë ta krijoni.”
Ky është citat nga njëri prej teksteve që më tepër bie në sy për studentët-ndërmarrës, të cilin do ta recensojmë. Shkrimet për temat studentore e aq më tepër, për ta ndihmuar në mënyrë të mirëfilltë kreativitetin e studentëve tanë, janë aq të rralla sa që tema për ndërmarrësit e shpërblyer vërtet duket freskuese. Edhe atë me shuma nga të cilat njeriut të zakonshëm i dhemb koka. Por, nëse rastësisht kërkoni që t’i shihni ata njerëz të ri të shpërblyer, nuk keni gjasa. Në asnjë medie nuk ka fotografi ku mund të shihni se kush e ka fituar shpërblimin e parë, të dytë dhe të tretë. E nga ana tjetër, fotografitë e atij që i ka ndarë shpërblimet – ministrit, janë gjithkund.
Linku deri te artikulli origjinal: Studenti me plan të biznesit fitoi 5.300 euro
Data dhe koha e publikimit: 14.10.2013 – 15:21
Data e recensionit: 18.10.2013
Recensues: Ljubomir Kostovski
Vërtetësia: Shpërblimin e parë dhe çek me vlerë prej 330.000 denarësh fitoi Dane Todorovski për planin e biznesit “RME – Rrjet për mbeturina elektronike”. Shpërblimin e dytë e fitoi Adelina Selimi për planin e biznesit „Warlander“, për të cilin fitoi 230.000 denarë. Shpërblimin e tretë dhe çek në vlerë prej 140.000 denarësh i takoi Blerant Ramadanit për planin e biznesit “In Safe Eco Energy”. Këto janë fakte, të cilat gjithsesi janë më të rëndësishme. Por, më me rëndësi është të hidhet dritë edhe mbi projektet edhe mbi studentët, e për këtë ka shumë motive dhe – nevoja. Ndoshta për to do të interesohet dikush. Vërtetësia e ngjarjes, veçanërisht nëse shkohet “në vendin e ngjarjes”, vërtetohet edhe nëpërmjet informatave të tjera për të cilat janë të interesuar, nëse askush tjetër, obliguesit tatimorë.
Burimet e informatave: Gjithsesi se pjesa zyrtare e lajmit është e nevojshme që të plotësohet niveli themelor i “mbështetjes” nga burim relevant. Por, a mjafton vetëm kjo? Sa projekte ka pasur në garë, a ka qenë interesimi i madh, si i ka vlerësuar juria profesionale ofertat e ndërmarrësve të rinj? Pastaj, pse ata, tani përnjëherë fitojnë shpërblime të larta dhe a i meritojnë ato (cili është kontributi konkret i projekteve)?
Përmbajtësia: Kur shkohet në ndonjë ngjarje pa, së paku, kërshëri mesatare, fitohet tekst si ky që recensohet, ku, para së gjithash, humb përmbajtësia. Ose në fund mbetet vetëm propaganda e thjeshtë se ministri ka dhënë para edhe atë një numri të caktuar njerëzish, për të cilët nuk e dijmë as si duken!
Anshmëria: Baza e teksteve të këtilla është të tregohet forma (pushteti e ndihmon ndërmarrësinë) e jo esenca (ndikimi i projektit konkret mbi ekonominë, teknologjinë, shkencën…). Prandaj, neve nuk ka ofrohet mundësia të shohim se kush janë Daneja, Adelina dhe Bleranti, dhe të vërtetohemi se ata janë njerëz me gjak e mish?
Origjinaliteti/Plagjiatura: Teksti, përkundër paralajmërimit glamuroz, është i pakapshëm për autorësinë. Do të thotë, nuk mund të përcaktohet me saktësi se a është marrë prej diku dhe pastaj është përpunuar ose është rezultat i pjesëmarrjes së gazetarit në ngjarje. Nuk ka as nënshkrim të gazetarit.
Kualiteti i titullit: Titulli është senzacionalist dhe e paraqet ndërmarrësinë më tepër si pjesëmarrje në ndonjë lotari, që është rezultat edhe i asaj se këto shpërblime janë të rralla. Padyshim se ai vepron si magnet për lexuesin.
Fotografia: Momenti kyç i spinit në lajm është fotografia, e cila është një lloj portreti i ministrit të (vetë)kënaqur Saraqini. Ai është paraqitur se si qëndron para një numri të madh mikrofonash, me buzëqeshje të madhe në fytyrë, sikur ka kryer një punë të madhe për shoqërinë. Ose ka bërë diçka të mirë për vetëveten. Në fakt, ne nuk mundemi në asnjë mënyrë ta gjejmë lidhjen ndërmjet ngjarjes dhe mu kësaj fotografie të zgjedhur të “atij që ndan shpërblime”. Bile parashtrohet pyetja se a është kjo fotografi nga kjo ngjarje? Kemi të bëjmë me një vendosje krejtësisht joprofesionale të fotografisë në tekst me qëllim që t’i lajkatohet një funksionari të lartë publik.
Përfundimi: Ky artikull paraqet shembull se si mediat e depersonalizojnë njerëzit të cilët, në fund të fundit, nuk janë të përshtatshëm për të qenë yje! Dhe kjo është relikt i gazetarisë së tabloideve në të cilën, më në fund, mbeten vetëm gjërat “më të rëndësishme” në gazetarinë e Maqedonisë – paratë dhe politikanët.
INFOGRAPHIC
TRUTHFULNESS
ka fakte
deklarata të sakta
deklarata të vërteta
SOURCES OF INFORMATION
ka burime të evidentuara
zyrtare
relevante
1 burim
një palë
EXTENSIVENESS
jogjithëpërfshirës
ndoshta ka informata të fshehura
BIAS
nuk mund të përcaktohet
ka shtrembërim të së vërtetës (spin)
nuk mund të përcaktohet
mban anën e një pale
anshmëri politike
COMMENTING
nuk ka elemente të komentimit
PLAGIARISM
nuk mund të përcaktohet
nuk është theksuar autori
TITLE QUALITY
informon
jokreativ
senzacionalist
adekuat
i qartë
PHOTOGRAPH
ka
joadekuate
manipulon
është theksuar autori (burimi)
HATE SPEECH
nuk ka shprehje të urrejtjes
nuk ka shprehje të urrejtjes
nuk nxit dhunë
nuk diskriminon
EDITED FOR THE WEB
mesatarisht i lexueshëm
elemente solide multimediale
ka, por nuk çojnë askund
pjesërisht i rregulluar në aspekt stilistik
i lidhur me tag-e